പരിശോധനകൾ അതിർത്തിയിലല്ലേ... ഇവിടെ കർണാടകയിൽനിന്ന്​ ആളുകൾ എത്തുന്നത്​ പുഴകടന്ന്​

പു​ൽ​പ​ള്ളി (വയനാട്​): ക​ബ​നി​യി​ൽ നീ​രൊ​ഴു​ക്ക് കു​റ​ഞ്ഞ​തോ​ടെ ക​ർ​ണാ​ട​ക​യി​ലേ​ക്കും കേ​ര​ള​ത്തി​ലേ​ക്കും ആ​ളു​ക​ൾ കോ​വി​ഡ് മാ​ന​ദ​ണ്ഡ​ങ്ങ​ൾ മി​റ​ക​ട​ന്ന് ന​ട​ന്നു​ക​യ​റു​ന്നു. പെ​രി​ക്ക​ല്ലൂ​ർ മു​ത​ൽ കൊ​ള​വ​ള്ളി വ​രെ​യു​ള്ള ഭാ​ഗ​ങ്ങ​ളി​ൽ പ​ല​യി​ട​ങ്ങ​ളി​ലും പു​ഴ​യി​ലൂ​ടെ ന​ട​ന്ന് ക​ബ​നി​യു​ടെ ഇ​രു ക​ര​ക​ളി​ലേ​ക്കും എ​ത്താം.

ഇ​ത് കോ​വി​ഡ് വ്യാ​പ​ന​ത്തി​ന് കാ​ര​ണ​മാ​കു​മെ​ന്ന് ആ​ശ​ങ്ക പ​ര​ത്തു​ന്നു. മ​ദ്യ​പി​ക്കാ​നും മ​റ്റു​മാ​യാ​ണ് കൂ​ടു​ത​ൽ ആ​ളു​ക​ളും തോ​ണി​യി​ൽ ക​യ​റി​യും മ​റ്റും ക​ർ​ണാ​ട​ക​യി​ലെ ബൈ​ര​ക്കു​പ്പ, മ​ച്ചൂ​ർ ഭാ​ഗ​ങ്ങ​ളി​ൽ എ​ത്തു​ന്ന​ത്. ഇ​വി​ടെ ഒ​രു സാ​മൂ​ഹി​ക അ​ക​ല​വും പാ​ലി​ക്കാ​തെ​യാ​ണ് ആ​ളു​ക​ൾ ഇ​ട​പെ​ടു​ന്ന​ത്.

ആ​ളു​ക​ൾ മി​ക്ക​പ്പോ​ഴും പൊ​ലീ​സ്​ പ​രി​ശോ​ധ​ന​യും മ​റ്റും ഭ​യ​ന്ന് പു​ഴ​യു​ടെ ഭാ​ഗ​ങ്ങ​ളി​ലൂ​ടെ മ​റു​ക​ര​യി​ലേ​ക്കും എ​ത്തു​ന്നു. പ​ല​രും തോ​ണി വ​ഴി ക​ർ​ണാ​ട​ക​യി​ലെ വി​വി​ധ പ്ര​ദേ​ശ​ങ്ങ​ളി​ലേ​ക്കും പോ​കു​ന്നു​ണ്ട്. മി​ക്ക​വ​രും പ​രി​ശോ​ധ​ന ഇ​ല്ലാ​ത്ത ഭാ​ഗ​ങ്ങ​ളി​ലൂ​ടെ ന​ട​ന്ന് ബ​സു​ക​ൾ ക​യ​റി ക​ർ​ണാ​ട​ക​യി​ലേ​ക്ക് പോ​കു​ന്ന​തും പ​തി​വാ​യി​ട്ടു​ണ്ട്. അ​തി​ർ​ത്തി​യി​ൽ കാ​ര്യ​ക്ഷ​മ​മാ​യ പ​രി​ശോ​ധ​ന​ക​ൾ ന​ട​ക്കു​ന്നു​മി​ല്ല.

അതിർത്തിയിൽ തർക്കം; വാഹനങ്ങൾ തടഞ്ഞു

കോ​വി​ഡ് പോ​ർ​ട്ട​ലി​ൽ പേ​ര് ര​ജി​സ്​​റ്റ​ർ ചെ​യ്യു​ന്ന​തു​മാ​യി ബ​ന്ധ​പ്പെ​ട്ട് കോ​വി​ഡ് ഫെ​സി​ലി​റ്റേ​ഷ​ൻ സെൻറ​റി​ലു​ണ്ടാ​യ ത​ർ​ക്കം അ​തി​ർ​ത്തി​യി​ൽ വാ​ഹ​ന​ങ്ങ​ൾ ത​ട​യു​ന്ന​തി​ന് ഇ​ട​യാ​ക്കി. വെ​ള്ളി​യാ​ഴ്ച രാ​വി​ലെ എ​ട്ട​ര​യോ​ടെ ക​ല്ലൂ​രി​ലും ക​ർ​ണാ​ട​ക അ​തി​ർ​ത്തി​യി​ലു​മാ​ണ് ത​ർ​ക്കം ഉ​ണ്ടാ​യ​ത്. ക​ർ​ണാ​ട​ക സ​ർ​ക്കാ​ർ ബ​സി​ൽ കേ​ര​ള​ത്തി​ലേ​ക്കു വ​ന്ന ഏ​താ​നും യാ​ത്ര​ക്കാ​രു​ടെ ന​ട​പ​ടി​യാ​ണ് ത​ർ​ക്ക​ങ്ങ​ൾ​ക്കി​ട​യാ​ക്കി​യ​ത്.

ബ​സ് ക​ല്ലൂ​രി​ലെ കോ​വി​ഡ് ഫെ​സി​ലി​റ്റേ​ഷ​ൻ സെൻറ​റി​ൽ എ​ത്തി​യ​പ്പോ​ൾ കോ​വി​ഡ് ജാ​ഗ്ര​ത പോ​ർ​ട്ട​ലി​ൽ ര​ജി​സ്​​റ്റ​ർ ചെ​യ്യാ​തെ​വ​ന്ന യാ​ത്ര​ക്കാ​ർ ര​ജി​സ്​​റ്റ​ർ ചെ​യ്യ​ണ​മെ​ന്ന് അ​ധി​കൃ​ത​ർ ആ​വ​ശ്യ​പ്പെ​ട്ടു. ഇ​തി​ന് ഏ​താ​നും യാ​ത്ര​ക്കാ​ർ ത​യാ​റാ​യി​ല്ല.

ഇ​തോ​ടെ ബ​സ് യാ​ത്ര തു​ട​രാ​ൻ പൊ​ലീ​സ് അ​നു​വ​ദി​ച്ചി​ല്ല. യാ​ത്ര​ക്കാ​രു​മാ​യി ബ​സ് അ​തി​ർ​ത്തി​യി​ലേ​ക്ക് തി​രി​ച്ചു​പോ​യി. അ​തി​ർ​ത്തി​യി​ലെ​ത്തി​യ യാ​ത്ര​ക്കാ​ർ അ​വി​ടെ പ്ര​തി​ഷേ​ധി​ച്ചു. യാ​ത്ര​ക്കാ​ർ വാ​ഹ​ന​ങ്ങ​ൾ ത​ട​ഞ്ഞു. കേ​ര​ള​ത്തി​ൽ​നി​ന്ന്​ ക​ർ​ണാ​ട​ക​യി​ലേ​ക്ക് പോ​യ ബ​സ് യാ​ത്ര​ക്കാ​രും സ​മ​ര​ത്തി​ൽ കു​ടു​ങ്ങി. ഇ​രു സം​സ്ഥാ​ന​ങ്ങ​ളി​ലെ​യും റ​വ​ന്യൂ അ​ധി​കൃ​ത​രെ​ത്തി പ്ര​തി​ഷേ​ധി​ച്ച യാ​ത്ര​ക്കാ​രെ അ​നു​ന​യി​പ്പി​ച്ച് വാ​ഹ​ന​ങ്ങ​ൾ ക​ട​ത്തി​വി​ടു​ക​യാ​യി​രു​ന്നു.

അ​തി​ർ​ത്തി​യി​ൽ ഇ​ട​ക്കി​ടെ നി​യ​ന്ത്ര​ണ​ങ്ങ​ൾ ക​ർ​ശ​ന​മാ​ക്കു​ന്ന​തും ച​ട്ട​ങ്ങ​ൾ മാ​റ്റു​ന്ന​തും സ്ഥി​രം​യാ​ത്ര​ക്കാ​രെ പ്ര​കോ​പി​പ്പി​ക്കു​ന്നു​ണ്ട്. ഉ​ദ്യോ​ഗ​സ്ഥ​രു​മാ​യി വാ​ക്കേ​റ്റ​ത്തി​നും ഇ​ത്​ ഇ​ട​യാ​ക്കു​ന്നു​മു​ണ്ട്.