പ്രാ​യം ത​ള​ർ​ത്താ​ത്ത മ​ന​സ്സു​മാ​യി കൃ​ഷി​യെ സ്നേ​ഹി​ച്ച മേ​രി​യും വി​ട​വാ​ങ്ങി

പു​ൽ​പ​ള്ളി: പ്രാ​യ​ത്തി​ന്റെ അ​വ​ശ​​ത​യൊ​ന്നും മേ​രി​യെ ത​ള​ർ​ത്തി​യി​രു​ന്നി​ല്ല. പ്രാ​യം ത​ള​ർ​ത്താ​ത്ത മ​ന​സ്സു​മാ​യി കൃ​ഷി​പ്പ​ണി​യി​ൽ സ​ജീ​വ​മാ​യി​രു​ന്ന പു​ൽ​പ​ള്ളി സു​ര​ഭി​ക്ക​വ​ല നി​ര​പ്പു​തൊ​ട്ടി​യി​ല്‍ മേ​രി​യും യാ​ത്ര​യാ​യി. പ​തി​റ്റാ​ണ്ടു​ക​ളോ​ളം ഒ​പ്പ​മു​ണ്ടാ​യി​രു​ന്ന പ്രി​യ​ത​മ​ന്‍ മാ​ത്യു മ​ര​ണ​​​പ്പെ​ട്ട​​പ്പോ​ഴും മ​ണ്ണി​നെ പ്ര​ണ​യി​ച്ച് കൃ​ഷി​യി​ട​ത്തി​ല്‍ത​ന്നെ സ​ജീ​വ​മാ​യി​രു​ന്നു മേ​രി​യും. ബു​ധ​നാ​ഴ്ച​യാ​ണ് മേ​രി മ​ര​ണ​പ്പെ​ട്ട​ത്. വാ​ർ​ധ​ക്യ​സ​ഹ​ജ​മാ​യ രോ​ഗ​ങ്ങ​ളെ അ​തി​ജീ​വി​ച്ചു​കൊ​ണ്ടാ​യി​രു​ന്നു ഇ​രു​വ​രും കൃ​ഷി​യി​ട​ത്തി​ല്‍ സ​ജീ​വ​മാ​യ​ത്.

രാ​ഹു​ല്‍ഗാ​ന്ധി എം.​പി വി​ഡി​യോ സ​ഹി​തം ട്വീ​റ്റ് ചെ​യ്ത​തോ​ടെ​യാ​ണ് ഇ​വ​ർ ദേ​ശീ​യ​ശ്ര​ദ്ധ​യി​ലേ​ക്ക് വ​ന്ന​ത്. രാ​ഹു​ല്‍ ഗാ​ന്ധി 2021ല്‍ ​പു​റ​ത്തി​റ​ക്കി​യ ക​ല​ണ്ട​റി​ലും മാ​ത്യു​വി​നെ​യും മേ​രി​യെ​യും ഉ​ള്‍പ്പെ​ടു​ത്തി​യി​രു​ന്നു. സു​ര​ഭി​ക്ക​വ​ല​യി​ലെ നി​ര​പ്പു​തൊ​ട്ടി​യി​ല്‍ വീ​ടി​ന് മു​ന്‍വ​ശ​ത്ത്, കാ​ബേ​ജും ത​ക്കാ​ളി​യും പ​ച്ച​മു​ള​കും ക​പ്പ​യും ഇ​ഞ്ചി​യു​മെ​ല്ലാം മേ​രി ന​ട്ടു​പ​രി​പാ​ലി​ച്ചു.

1969ലാ​ണ് കോ​ട്ട​യ​ത്തെ ക​ടു​ത്തു​രു​ത്തി​യി​ല്‍നി​ന്ന് മാ​ത്യു​വും മേ​രി​യും വ​യ​നാ​ട്ടി​ലെ കു​ടി​യേ​റ്റ മേ​ഖ​ല​യാ​യ പു​ൽ​പ​ള്ളി​യി​ലെ​ത്തു​ന്ന​ത്. മേ​രി മാ​ത്യു​വി​ന്റെ നി​ര്യാ​ണ​ത്തി​ൽ ലോ​ക്സ​ഭ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി അ​നു​ശോ​ചി​ച്ചു. ‘പ്രാ​ർ​ഥ​ന​ക​ളും ചി​ന്ത​ക​ളും നി​ങ്ങ​ൾ​ക്കൊ​പ്പ​മു​ണ്ടാ​കു​മെ​ന്നും കു​ടും​ബ​ത്തി​ന്റെ ദുഃ​ഖ​ത്തി​ൽ പ​ങ്കു​ചേ​രു​ന്ന​താ​യും’ മ​ക​ൻ ബെ​ന്നി മാ​ത്യു​വി​ന് അ​യ​ച്ച അ​നു​ശോ​ച​ന​സ​ന്ദേ​ശ​ത്തി​ൽ രാ​ഹു​ൽ കു​റി​ച്ചു.