ബാ​ങ്ക് വാ​യ്പ​ത്ത​ട്ടി​പ്പിൽ സജീവൻ കൊല്ലപ്പളളിയുടെ വെളിപ്പെടുത്തൽ; ‘പുൽപള്ളി പഞ്ചായത്ത് പ്രസിഡന്റിന് പങ്ക്’

പു​ൽ​പ​ള്ളി: സ​ർ​വി​സ്​ സ​ഹ​ക​ര​ണ ബാ​ങ്ക് വാ​യ്പ​ത്ത​ട്ടി​പ്പി​ൽ വി​വാ​ദ വെ​ളി​പ്പെ​ടു​ത്ത​ലു​മാ​യി പി​ടി​യി​ലാ​യ മു​ഖ്യ ഇ​ട​നി​ല​ക്കാ​ര​ൻ സ​ജീ​വ​ൻ കൊ​ല്ല​പ്പ​ള്ളി. പു​ൽ​പ​ള്ളി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ദി​ലീ​പ്കു​മാ​ർ ഉ​ൾ​പ്പെ​ടെ​യു​ള്ള​വ​ർ​ക്ക് വാ​യ്പ ​ത്ത​ട്ടി​പ്പി​ൽ പ​ങ്കു​ണ്ടെ​ന്ന് പു​ൽ​പ​ള്ളി പൊ​ലീ​സി​ന് സ​ജീ​വ​ൻ മൊ​ഴി ന​ൽ​കി. 10 ല​ക്ഷം രൂ​പ​യാ​ണ് ദി​ലീ​പി​ന് ന​ൽ​കി​യ​തെ​ന്നും മൊ​ഴി​യി​ൽ പ​റ​യു​ന്നു.

50 സെൻറ് സ്​​ഥ​ലം ഈ​ട് വെ​ച്ച് ബാ​ങ്കി​ൽ നി​ന്ന് പ​ഞ്ചാ​യ​ത്ത് പ്ര​സി​ഡ​ന്റ് ദി​ലീ​പ്കു​മാ​ർ 10 ല​ക്ഷം രൂ​പ എ​ടു​ത്തി​രു​ന്നു. വ​യ​ൽ ഭൂ​മി​യാ​യ ഈ ​സ്​​ഥ​ലം ക​ര​ഭൂ​മി​യാ​യി രേ​ഖ​പ്പെ​ടു​ത്തി​യാ​യി​രു​ന്നു വാ​യ്പ ത​ര​പ്പെ​ടു​ത്തി​യ​ത്. ഇ​ത് ഓ​ഡി​റ്റ് വി​ഭാ​ഗം ക​ണ്ടെ​ത്തി​യ​പ്പോ​ൾ സ്​​ഥാ​നം ന​ഷ്​​ട​പ്പെ​ടു​മെ​ന്ന് പ​റ​ഞ്ഞ് ദി​ലീ​പ്കു​മാ​ർ സ​മീ​പി​ച്ച​താ​യും അ​ന്ന് 10 ല​ക്ഷം രൂ​പ അ​ട​ച്ച​ത് താ​നാ​ണെ​ന്നും സ​ജീ​വ​ൻ മാ​ധ്യ​മ​ങ്ങ​ളോ​ട് പ​റ​ഞ്ഞു. കോ​ൺ​ഗ്ര​സി​ലെ മ​റ്റ് പ​ല​രും ത​ന്നോ​ട് പ​ണം വാ​ങ്ങി​യി​ട്ടു​ണ്ട്. പു​ൽ​പ​ള്ളി സ്റ്റേ​ഷ​നി​ൽ കീ​ഴ​ട​ങ്ങാ​ൻ വ​രു​ന്ന വ​ഴി​യാ​ണ് പൊ​ലീ​സ്​ പി​ടി​കൂ​ടി​യ​തെ​ന്നും സ​ജീ​വ​ൻ പ​റ​ഞ്ഞു. സ്റ്റേ​ഷ​നി​ൽ​നി​ന്നും കോ​ട​തി​യി​ലേ​ക്ക് ഹാ​ജ​രാ​ക്കാ​ൻ കൊ​ണ്ടു​പോ​കു​മ്പോ​ഴാ​ണ് സ​ജീ​വ​ൻ മാ​ധ്യ​മ​ങ്ങ​ളോ​ട് സം​സാ​രി​ച്ച​ത്. സ​ജീ​വ​ൻ കൊ​ല്ല​പ്പ​ള്ളി​യെ സു​ൽ​ത്താ​ൻ ബ​ത്തേ​രി മ​ജി​സ്ട്രേ​റ്റി​ന് മു​ന്നി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. ക​ഴി​ഞ്ഞ ദി​വ​സം രാ​ത്രി​യാ​ണ് കേ​സി​ലെ മു​ഖ്യ ഇ​ട​നി​ല​ക്കാ​ര​നാ​യ സേ​വാ​ദ​ൾ ജി​ല്ല വൈ​സ്​ ചെ​യ​ർ​മാ​ൻ​കൂ​ടി​യാ​യ സ​ജീ​വ​ൻ കൊ​ല്ല​പ്പ​ള്ളി​യെ അ​റ​സ്റ്റ് ചെ​യ്ത​ത്. സ​ജീ​വ​ൻ ക​ഴി​ഞ്ഞ ഒ​രു മാ​സ​ത്തോ​ള​മാ​യി ഒ​ളി​വി​ലാ​യി​രു​ന്നു.

വാ​യ്പ ത​ട്ടി​പ്പി​ന് ഇ​ര​യാ​യ ഡാ​നി​യേ​ൽ പു​ൽ​പ​ള്ളി പൊ​ലീ​സി​ന് ന​ൽ​കി​യ പ​രാ​തി​യി​ലും ക​ട​ബാ​ധ്യ​ത​യാ​ൽ രാ​ജേ​ന്ദ്ര​ൻ ആ​ത്മ​ഹ​ത്യ ചെ​യ്ത സം​ഭ​വ​ത്തി​ലും സ​ജീ​വ​ൻ പ്ര​തി​യാ​ണ്.

കേ​സി​ൽ ബാ​ങ്ക് മു​ൻ പ്ര​സി​ഡ​ന്റ് കെ.​കെ. അ​ബ്ര​ഹാം, മു​ൻ സെ​ക്ര​ട്ട​റി ര​മാ​ദേ​വി, ഡ​യ​റ​ക്ട​റാ​യി​രു​ന്ന വി.​എം. പൗ​ലോ​സ്​ എ​ന്നി​വ​ർ ജ​യി​ലി​ലാ​ണ്. ഇ​തോ​ടെ കേ​സി​ൽ പി​ടി​യി​ലാ​യ​വ​രു​ടെ എ​ണ്ണം നാ​ലാ​യി. 

പു​ൽ​പ​ള്ളി പ​ഞ്ചാ​യ​ത്ത് പ്ര​സി​ഡ​ന്റ് രാ​ജി​വെ​ക്ക​ണം -സി.​പി.​എം

പു​ൽ​പ​ള്ളി: സ​ഹ​ക​ര​ണ ബാ​ങ്ക് വാ​യ്പ​ത്ത​ട്ടി​പ്പി​ൽ അ​റ​സ്റ്റി​ലാ​യ സേ​വാ​ദ​ൾ ജി​ല്ല വൈ​സ് ചെ​യ​ർ​മാ​ൻ കൊ​ല്ല​പ്പ​ള്ളി സ​ജീ​വ​ന്റെ വെ​ളി​പ്പ​ടു​ത്ത​ലി​ന്റെ അ​ടി​സ്ഥാ​ന​ത്തി​ൽ പു​ൽ​പ​ള്ളി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് സ്ഥാ​നം ടി.​എ​സ്. ദി​ലീ​പ് കു​മാ​ർ രാ​ജി​വെ​ക്ക​ണ​മെ​ന്നും ത​ട്ടി​പ്പി​ന്റെ ഓ​ഹ​രി പ​ണം പ​റ്റി​യ​താ​യി സ​ജീ​വ​ൻ വെ​ളി​പ്പെ​ടു​ത്തി​യ കോ​ൺ​ഗ്ര​സ് നേ​താ​ക്ക​ളെ കേ​സി​ൽ പ്ര​തി​ക​ളാ​ക്ക​ണ​മെ​ന്നും സി.​പി.​എം പു​ൽ​പ​ള്ളി ഏ​രി​യ ക​മ്മി​റ്റി ആ​വ​ശ്യ​പ്പെ​ട്ടു.

യോ​ഗ​ത്തി​ൽ പി.​ജെ. പൗ​ലോ​സ് അ​ധ്യ​ക്ഷ​ത വ​ഹി​ച്ചു. ജി​ല്ലാ സെ​ക്ര​ട്ട​റി​യ​റ്റ് അം​ഗം പി.​വി. സ​ഹ​ദേ​വ​ൻ, സു​രേ​ഷ് ബാ​ബു, രു​ക്മ​ണി സു​ബ്ര​ഹ്മ​ണ്യ​ൻ, പ്ര​കാ​ശ് ഗ​ഗാ​റി​ൻ, സ​ജി മാ​ത്യു, ബി​ന്ദു പ്ര​കാ​ശ് എ​ന്നി​വ​ർ സം​സാ​രി​ച്ചു.