മുഖ്യമന്ത്രിയുടെ വിവരദോഷി പരാമർശം; തള്ളാനോ കൊള്ളാനോ കഴിയാതെ പാർട്ടി

തി​രു​വ​ന​ന്ത​പു​രം: തെ​​ര​ഞ്ഞെ​ടു​പ്പ്​ പ​രാ​ജ​യ​ത്തി​ന്​ പി​ന്നാ​ലെ തി​രു​ത്ത​ലി​നു​ള്ള ആ​ഹ്വാ​ന​ങ്ങ​ൾ​ക്കി​ടെ യാ​ക്കോ​ബാ​യ സ​ഭ നി​ര​ണം മു​ൻ ഭ​ദ്രാ​സ​നാ​ധി​പ​ൻ ഗീ​വ​ർ​ഗീ​സ്​ മാ​ർ കൂ​റി​ലോ​സി​നെ കു​റി​ച്ചു​ള്ള മു​ഖ്യ​മ​ന്ത്രി​യു​ടെ പ​രാ​മ​ർ​ശ​ങ്ങ​ൾ ത​ള്ളാ​നോ കൊ​ള്ളാ​നോ ക​ഴി​യാ​തെ പാ​ർ​ട്ടി. നി​കൃ​ഷ്ട​ജീ​വി​യും പ​ര​നാ​റി​യും കു​ലം​കു​ത്തി​യു​മ​ട​ക്കം സി.​പി.​എ​മ്മി​ന്​ പ​രി​ക്കേ​ൽ​പി​ച്ച മു​ഖ്യ​മ​ന്ത്രി​യു​ടെ വാ​വി​ട്ട വാ​ക്കു​ക​ളു​ടെ കൂ​ട്ട​ത്തി​ലേ​ക്കാ​ണ്​​ മാ​ർ കൂ​റി​ലോ​സി​നെ​തി​രെ​യു​ള്ള ‘വി​വ​ര​ദോ​ഷി’ പ​രാ​മ​ർ​ശ​വും എ​ത്തി​നി​ൽ​ക്കു​ന്ന​ത്. ആ​ക​സ്മി​ക​മാ​യ വി​കാ​ര വി​ക്ഷോ​ഭ​ത്താ​ല​ല്ല, മ​റി​ച്ച്​ മു​ൻ​കൂ​ട്ടി ക​രു​തി​യു​റ​പ്പി​ച്ച​താ​ണ്​ മു​ഖ്യ​മ​ന്ത്രി​യു​ടെ വാ​ക്കു​ക​ളെ​ന്ന്​​ പ്ര​സം​ഗ​ത്തി​ൽ വ്യ​ക്​​ത​മാ​ണ്.

ഇ​തേ​ക്കു​റി​ച്ച്​ പ​ര​സ്യ​മാ​യി പ്ര​തി​ക​രി​ക്കാ​ൻ നേ​താ​ക്ക​ളാ​രും ത​യാ​റാ​യി​ല്ല. സാ​ധാ​ര​ണ മു​ഖ്യ​മ​ന്ത്രി ഏ​തെ​ങ്കി​ലും വി​ഷ​യ​ത്തി​ൽ രൂ​ക്ഷ വി​മ​ർ​ശ​നം ന​ട​ത്തി​യാ​ൽ ന്യാ​യീ​ക​രി​ച്ചും പി​ന്തു​ണ​ച്ചും സ്വി​ച്ചി​ട്ട പോ​ലെ സ​മാ​ന രീ​തി​യി​ൽ ക​ട​ന്നാ​ക്ര​മ​ണം തു​ട​ങ്ങു​ന്ന​താ​ണ്​ ഇ​ട​ത്​ സൈ​ബ​ർ സം​ഘ​ങ്ങ​ളു​ടെ രീ​തി. എ​ന്നാ​ൽ മു​ഖ്യ​മ​ന്ത്രി​യു​ടെ പ​രാ​മ​ർ​ശ​മു​ണ്ടാ​യി 24 മ​ണി​ക്കൂ​ർ പി​ന്നി​ട്ടി​ട്ടും സൈ​ബ​റി​ട​ങ്ങ​ളി​ൽ കാ​ര്യ​മാ​യ പ്ര​തി​ക​ര​ണ​ങ്ങ​ളി​ല്ല.

ഇ​ത്​ സം​ബ​ന്ധി​ച്ച്​ പാ​ർ​ട്ടി ത​ല​ത്തി​ൽ ച​ർ​ച്ച​ക​ളു​ണ്ടാ​യി​ട്ടി​ല്ലെ​ന്നും പി​ന്നീ​ട്​ പാ​ർ​ട്ടി ക​മ്മി​റ്റി​ക​ളൊ​ന്നും ചേ​ർ​ന്നി​ട്ടി​ല്ലെ​ന്നു​മാ​യി​രു​ന്നു ഒ​രു മു​തി​ർ​ന്ന നേ​താ​വി​ന്‍റെ പ്ര​തി​ക​ര​ണം. മു​ഖ്യ​മ​ന്ത്രി​യു​ടെ പ്ര​തി​ക​ര​ണം അ​നു​ചി​ത​മെ​ന്ന നി​ല​പാ​ടാ​ണ്​ സി.​പി.​ഐ​ക്കെ​ങ്കി​ലും പ​ര​സ്യ​മാ​യി പ​റ​യാ​ൻ ത​യാ​റ​ല്ല. അ​തേ​സ​മ​യം, ലോ​ക്സ​ഭ തെ​ര​ഞ്ഞെ​ടു​പ്പി​ലെ ക​ന​ത്ത പ​രാ​ജ​യ​വു​മാ​യി ബ​ന്ധ​​പ്പെ​ട്ട്​ ത​നി​ക്കെ​തി​രെ ഉ​യ​രാ​നി​ട​യു​ള്ള വി​മ​ർ​ശ​ന​ങ്ങ​​ളെ ത​ട​യാ​ൻ മു​​ൻ​കൂ​ട്ടി ന​ൽ​കി​യ പ​രോ​ക്ഷ താ​ക്കീ​താ​ണെ​ന്ന വി​ല​യി​രു​ത്ത​ലു​ണ്ട്.

മാ​ർ കൂ​റി​ലോ​സി​നെ​തി​രെ​യാ​ണ്​ പ​രാ​മ​ർ​ശ​മെ​ങ്കി​ലും ഉ​ന്നം​വെ​ച്ച​ത്​ മ​റ്റ്​ ചി​ല​രെ​യാ​ണ്. ഭ​ര​ണ​വി​രു​ദ്ധ​വി​കാ​ര​മാ​ണ്​ ജ​ന​വി​ധി​യി​ൽ മ​റ നീ​ക്കി​​യ​തെ​ന്ന പൊ​തു​വി​ല​യി​രു​ത്ത​ലു​ള്ള സാ​ഹ​ച​ര്യ​ത്തി​ൽ വി​ശേ​ഷി​ച്ചും. സ​ർ​ക്കാ​ർ വി​രു​ദ്ധ വി​കാ​ര​മാ​ണ്​ തെ​ര​ഞ്ഞെ​ടു​പ്പ്​ പ​രാ​ജ​യ​ത്തി​ന്​ ഇ​ട​യാ​ക്കി​യ​തെ​ന്ന ​ വി​ല​യി​രു​ത്ത​ലു​മാ​യി ​സി.​പി.​ഐ നേ​താ​ക്ക​ൾ രം​ഗ​ത്തെ​ത്തി​യി​രു​ന്നു.