തിരുവനന്തപുരം: നയതന്ത്രചാനൽ സ്വർണക്കടത്തിൽ വിവാദം മുറുകവെ മുഖ്യമന്ത്രിയുമായി വേദി പങ്കിടാതെ ഒഴിഞ്ഞുമാറി എം. ശിവശങ്കർ. സന്തോഷ് ട്രോഫി വിജയികളായ കേരള ടീമിനെ ആദരിക്കുന്ന ചടങ്ങിൽനിന്നാണ് കായികവകുപ്പ് പ്രിൻസിപ്പൽ സെക്രട്ടറിയും ചടങ്ങിലെ മുഖ്യസംഘാടകനുമായ ശിവശങ്കർ വിട്ടുനിന്നത്. നിയമസഭയിലെ ആർ. ശങ്കരനാരായണൻ തമ്പി മെംബേഴ്സ് ലോഞ്ചിലായിരുന്നു പരിപാടി.
സന്തോഷ് ട്രോഫി ജേതാക്കളെ ആദരിക്കുന്ന ചടങ്ങിൽ സ്വാഗതം പറയേണ്ടിയിരുന്നത് ശിവശങ്കറായിരുന്നു. നോട്ടീസിലും ശിവശങ്കറിന്‍റെ പേര് ഉൾപ്പെടുത്തിയിരുന്നു. എന്നാൽ, ചടങ്ങിൽനിന്ന് ശിവശങ്കർ വിട്ടുനിന്നതോടെ കായിക യുവജനകാര്യ ഡയറക്ടർ എസ്. പ്രേംകൃഷ്ണനാണ് സ്വാഗതം പറഞ്ഞത്.
പരിപാടിയിൽ പങ്കെടുക്കില്ലെന്ന് ശിവശങ്കർ മുൻകൂട്ടി അറിയിച്ചിരുന്നതായി കായികമന്ത്രിയുടെ ഓഫിസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.