തിരുവനന്തപുരം: മുഖ്യമന്ത്രിക്കെതിരെ സംസ്ഥാനത്ത് നടക്കുന്നത് മാഫിയ ഭീകര പ്രവർത്തനമാണെന്ന് എൽ.ഡി.എഫ് കൺവീനർ ഇ.പി ജയരാജൻ. ബോധപൂർവം കെട്ടിച്ചമച്ചതാണ് അദ്ദേഹത്തിനെതിരായ ആരോപണങ്ങൾ. മുഖ്യമന്ത്രിയെ കരിവാരിത്തേക്കാനാണ് ആരോപണങ്ങളിലൂടെ ഇവർ ശ്രമിക്കുന്നത്. ആരോപണങ്ങൾക്ക് പിന്നിൽ നിഗൂഢ ശക്തികളുണ്ട്. സർക്കാർ സമഗ്ര അന്വേഷണം വേണമെന്നും അദ്ദേഹം ആവശ്യപ്പെട്ടു.
ആരോപണങ്ങൾക്ക് പിന്നിൽ പി.സി ജോർജ് മാത്രമല്ല, ആർ.എസ്.എസിനും ബി.ജെ.പിക്കും ഇതിൽ പങ്കുണ്ട്. ഒരു സംസ്ഥാനത്തെയും സർക്കാറിനെയും ലക്ഷ്യംവെച്ച് മാഫിയ സംഘങ്ങൾ അടിസ്ഥാനരഹിതമായ ആരോപണങ്ങൾ ഉന്നയിക്കുകയാണ്.
ആർ.എസ്.എസ് നയിക്കുന്ന സ്ഥാപനത്തിന്റെ പ്രധാന സ്ഥാനത്തിരിക്കുന്ന വ്യക്തിയാണ് സ്വപ്‌ന. ജയിൽവാസം കഴിഞ്ഞ് തിരിച്ചെത്തിയപ്പോൾ സൽക്കരിച്ച് കൊണ്ടുപോയി സ്ഥാനം കൊടുത്തത് അവരാണ്. അതിൽനിന്ന് എല്ലാം വ്യക്തമാണെന്നും ഇ.പി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.