തൊഴിലുറപ്പ്: ജോലിക്കിടെ മുങ്ങുന്നവരെ പൊക്കും; ‘ഇരട്ട വേതനം’ പലിശസഹിതം തിരിച്ചുപിടിക്കും

കോ​ഴി​ക്കോ​ട്: തൊ​ഴി​ലു​റ​പ്പ് ജോ​ലി​ക്കി​ടെ മു​ങ്ങു​ന്ന തൊ​ഴി​ലാ​ളി​ക​ളെ പൊ​ക്കാ​നും ഇ​തി​ന് കൂ​ട്ടു​നി​ൽ​ക്കു​ന്ന മേ​റ്റു​മാ​രെ ക​രി​മ്പ​ട്ടി​ക​യി​ൽ​പെ​ടു​ത്താ​നും സ​ർ​ക്കാ​ർ നി​ർ​ദേ​ശം. ത​ദ്ദേ​ശ സ്ഥാ​പ​ന​ങ്ങ​ളി​ലെ ജ​ന​പ്ര​തി​നി​ധി​ക​ൾ ഔ​ദ്യോ​ഗി​ക യോ​ഗ​ങ്ങ​ളി​ൽ പ​​ങ്കെ​ടു​ത്ത് ബ​ത്ത വാ​ങ്ങു​ന്ന ദി​വ​സ​ങ്ങ​ളി​ൽ തൊ​ഴി​ലു​റ​പ്പി​ലും ഹാ​ജ​രി​ട്ട് വേ​ത​നം കൈ​പ്പ​റ്റു​ന്ന​തും വി​ല​ക്കി ഉ​ത്ത​ര​വാ​യി.

ഓ​ഡി​റ്റ് റി​പ്പോ​ർ​ട്ടു​ക​ളി​ലും തൊ​ഴി​ലു​റ​പ്പ് ഓം​ബു​ഡ്സ്മാ​ന്മാ​രു​ടെ അ​ന്വേ​ഷ​ണ റി​പ്പോ​ർ​ട്ടു​ക​ളി​ലും ഇ​ക്കാ​ര്യ​ങ്ങ​ൾ വ​ലി​യ ക്ര​മ​ക്കേ​ടാ​യി ചൂ​ണ്ടി​ക്കാ​ണി​ച്ച​തോ​​ടെ​യാ​ണി​ത്.

ഗ്രാ​മ, ബ്ലോ​ക്ക്, മു​നി​സി​പ്പാ​ലി​റ്റി, ​ജി​ല്ല പ​ഞ്ചാ​യ​ത്ത്, കോ​ർ​പ​റേ​ഷ​ൻ എ​ന്നി​വി​ട​ങ്ങ​ളി​ലെ ജ​ന​പ്ര​തി​നി​ധി​ക​ൾ​ക്ക് തൊ​ഴി​ലു​റ​പ്പ് പ​ദ്ധ​തി​യി​ൽ ര​ജി​സ്റ്റ​ർ ചെ​യ്ത് ജോ​ലി ചെ​യ്യു​ന്ന​തി​ന് ത​ട​സ്സ​മി​ല്ല. എ​ന്നാ​ൽ, ഹാ​ജ​ർ രേ​ഖ​പ്പെ​ടു​ത്തി​യ​​ശേ​ഷം ജോ​ലി ചെ​യ്യാ​തെ ത​ദ്ദേ​ശ​സ്ഥാ​പ​ന​ങ്ങ​ളു​ടെ ഭ​ര​ണ​സ​മി​തി യോ​ഗ​ത്തി​ലും മ​റ്റ് ഔ​ദ്യോ​ഗി​ക യോ​ഗ​ത്തി​ലും പ​​ങ്കെ​ടു​ത്ത് ബ​ത്ത വാ​ങ്ങു​ന്ന​താ​ണ് ത​ട​ഞ്ഞ​ത്. ‘ഇ​ര​ട്ട ​വേ​ത​നം’ എ​ന്ന നി​ല​ക്കാ​ണ് ത​ദേ​ശ വ​കു​പ്പി​ന്റെ ന​ട​പ​ടി.

ഇ​ങ്ങ​നെ ര​ണ്ടു​വേ​ത​നം കൈ​പ്പ​റ്റി​യ​വ​രെ​ക്കൊ​ണ്ട് തൊ​ഴി​ലു​റ​പ്പി​ലെ കൂ​ലി 18 ശ​ത​മാ​നം പ​ലി​ശ​സ​ഹി​തം പ​ദ്ധ​തി​യു​ടെ അ​ക്കൗ​ണ്ടി​ലേ​ക്ക് തി​രി​ച്ച​ട​പ്പി​ക്കാ​നും നി​ർ​ദേ​ശ​മു​ണ്ട്. ജ​ന​പ്ര​തി​നി​ധി​ക​ൾ​ക്ക് ‘ഇ​ര​ട്ട വേ​ത​നം’ ല​ഭി​ക്കാ​ൻ ഒ​ത്താ​ശ ചെ​യ്ത ഉ​ദ്യോ​ഗ​സ്ഥ​രു​ടെ വീ​ഴ്ച പ​രി​ശോ​ധി​ക്കാ​ൻ ബ​ന്ധ​പ്പെ​ട്ട മേ​ല​ധി​കാ​രി​ക​ളോ​ട് ആ​വ​ശ്യ​പ്പെ​ട്ടി​ട്ടു​മു​ണ്ട്.

തൊ​ഴി​ലു​റ​പ്പ് പ​ദ്ധ​തി മ​സ്റ്റ​ർ റോ​ളി​ൽ ഒ​പ്പി​ട്ട തൊ​ഴി​ലാ​ളി​ക​ൾ മു​ഴു​വ​ൻ പ്ര​വൃ​ത്തി​സ​മ​യ​ത്ത് ഹാ​ജ​രു​ണ്ട് എ​ന്ന് ഉ​റ​പ്പാ​ക്കാ​ൻ ഉ​ദ്യോ​ഗ​സ്ഥ​ർ ഫീ​ൽ​ഡ് പ​രി​ശോ​ധ​ന ന​ട​ത്തു​ക​യും ഹാ​ജ​റി​ല്ലാ​ത്ത​വ​രു​ടെ പേ​രി​നു​നേ​രെ ആ​ബ്സ​ന്റ് മാ​ർ​ക്ക് ചെ​യ്യു​ക​യും വേ​ണം. വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ ഉ​ൾ​പ്പെ​ടെ സ​മ്മേ​ള​ന​ങ്ങ​ളി​ലും പൊ​തു​യോ​ഗ​ങ്ങ​ളി​ലും പ​​ങ്കെ​ടു​ക്കാ​ൻ നി​ശ്ചി​ത സ​മ​യ​ത്തി​നു​മു​മ്പേ തൊ​ഴി​ൽ അ​വ​സാ​നി​പ്പി​ക്കു​ന്ന​ത​ട​ക്കം ശ്ര​ദ്ധ​യി​ൽ വ​ന്ന​തി​നാ​ലാ​ണ് പ​രി​ശോ​ധ​ന ക​ർ​ശ​ന​മാ​ക്കു​ന്ന​ത്.

സ്ഥ​ല​ത്തി​ല്ലാ​ത്ത​വ​രു​ടെ ഹാ​ജ​ർ രേ​ഖ​പ്പെ​ടു​ത്തി​യ​താ​യി ക​ണ്ടാ​ൽ അ​ത് സൈ​റ്റ് ഡ​യ​റി​യി​ൽ എ​ഴു​തി ന​ട​പ​ടി സ്വീ​ക​രി​ക്കാ​ൻ മേ​റ്റി​നെ ചു​മ​ത​ല​പ്പെ​ടു​ത്ത​ണം. ഉ​ത്ത​ര​വാ​ദി​ത്ത​ങ്ങ​ൾ കൃ​ത്യ​മാ​യി നി​റ​വേ​റ്റാ​ത്ത മേ​റ്റു​മാ​തെ ​ഇ​നി ക​രി​മ്പ​ട്ടി​ക​യി​ൽ​പെ​ടു​ത്തു​ക​യും പ​ദ​വി​യി​ൽ​നി​ന്ന് ഒ​ഴി​വാ​ക്കു​ക​യും ചെ​യ്യും. സാ​​ങ്കേ​തി​ക പ​രി​ശോ​ധ​ന ന​ട​ത്തു​ന്ന ഉ​ദ്യോ​ഗ​സ്ഥ​ർ അ​ള​വി​നൊ​ത്ത പ്ര​വൃ​ത്തി ന​ട​ത്തി​യെ​ന്ന് ഉ​റ​പ്പാ​ക്ക​ണം. ഇ​തി​ൽ വീ​ഴ്ച​യു​ണ്ടെ​ങ്കി​ൽ അ​ത് സാ​​ങ്കേ​തി​ക ജീ​വ​ന​ക്കാ​രു​​ടെ ബാ​ധ്യ​ത​യാ​യാ​ണ് ഇ​നി ക​ണ​ക്കാ​ക്കു​ക.