തല​ശ്ശേരി ഇരട്ടക്കൊല കേസിലെ മുഖ്യപ്രതി പിടിയിൽ

കണ്ണൂർ: തലശ്ശേരിയിൽ ലഹരി വിൽപന ചോദ്യം ചെയ്തതിന് രണ്ടുപേരെ കൊലപ്പെടുത്തിയ കേസിലെ മുഖ്യപ്രതി പിടിയിൽ. പാറായിൽ ബാബുവിനെയാണ് ഇരിട്ടിയിൽ വെച്ച് അറസ്റ്റ് അറസ്റ്റ് ചെയ്തത്. പാറായി ബാബുവിനെ ഒളിവിൽ കഴിയാൻ സഹായിച്ച മൂന്നു​പേരെയും കസ്റ്റഡിയിൽ എടുത്തിട്ടുണ്ട്. നേരത്തേ കൊലപാതകവുമായി ബന്ധപ്പെട്ട് മൂന്നുപേരെ കസ്റ്റഡിയിലെടുത്തിരുന്നു. തലശ്ശേരി നെട്ടൂർ സ്വദേശികളായ ജാക്സൺ, ഫർഹാൻ, നവീൻ എന്നിവരാണ് പൊലീസ് കസ്റ്റഡിയിലുള്ളത്. ബാബു​വിനെ പിടികൂടാൻ തിരച്ചിൽ ഊർജിതമാക്കിയിരുന്നു.

കൊ​ടു​വ​ള്ളി ദേ​ശീ​യ​പാ​ത​ക്ക​രി​കി​ൽ ബു​ധ​നാ​ഴ്‌​ച വൈ​കീ​ട്ട്‌ നാ​ലോ​ടെ​യായിരുന്നു സംഭവം. ​സി.​പി.​എം പ്ര​വ​ർ​ത്ത​ക​രായ നെ​ട്ടൂ​ർ ഇ​ല്ലി​ക്കു​ന്ന്‌ ത്രി​വ​ർ​ണ ഹൗ​സി​ൽ കെ. ​ഖാ​ലി​ദ് (52), സ​ഹോ​ദ​രീ ഭ​ർ​ത്താ​വ് പൂ​വ​നാ​ഴി ഷ​മീ​ർ (40) എ​ന്നി​വ​രാ​ണ് കൊല്ലപ്പെട്ട​ത്. പ​രി​ക്കേ​റ്റ സു​ഹൃ​ത്ത്‌ നെ​ട്ടൂ​ർ സാ​റാ​സി​ൽ ഷാ​നി​ബ് (29) ത​ല​ശ്ശേ​രി സ​ഹ​ക​ര​ണ ആ​ശു​പ​ത്രി​യി​ൽ ചികിത്സയിലാണ്. ബാബുവും ജാക്സണുമാണ് കുത്തിയതെന്നാണ് ഖാലിദിന്റെ മരണ മൊഴി.

ല​ഹ​രി വി​ൽ​പ​ന​ ചോ​ദ്യം ചെ​യ്‌​ത​തി​ന്, കൊ​ല്ല​പ്പെ​ട്ട ഷ​മീ​റി​ന്റെ മ​ക​ൻ ഷ​ബീ​ലി​നെ (20) ബു​ധ​നാ​ഴ്‌​ച ഉ​ച്ച​ക്ക്‌ ഇ​ല്ലി​ക്കു​ന്ന് ചി​റ​ക്ക​ക്കാ​വി​ന​ടു​ത്ത് ഒ​രു സം​ഘം മ​ർ​ദി​ച്ചി​രു​ന്നു. ഷ​ബീ​ലി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച വി​വ​രം അ​റി​ഞ്ഞ് ലഹരി വിൽപന സം​ഘാം​ഗ​ങ്ങ​ൾ എത്തുകയും അ​നു​ര​ഞ്ജ​ന​ത്തി​നെ​ന്ന വ്യാ​ജേ​നെ വി​ളി​ച്ചി​റ​ക്കി ഇ​രു​വ​രെ​യും ആ​ക്ര​മി​ക്കു​ക​യുമാ​യി​രു​ന്നു. ല​ഹ​രി വി​ൽ​പ​ന ചോ​ദ്യം ചെ​യ്ത​തും വാ​ഹ​ന വി​ൽ​പ​ന​യു​മാ​യി ബ​ന്ധ​പ്പെ​ട്ട ത​ർ​ക്ക​വു​മാ​ണ് സം​ഘ​ർ​ഷ​ത്തി​ന് പി​ന്നി​ലെ​ന്ന് പൊ​ലീ​സ് പ​റ​ഞ്ഞു.