മലങ്കര സഭാ തർക്കം; സർക്കാറിന് തലവേദനയായി വീണ്ടും പള്ളികളിലെ കോടതിവിധി നടത്തിപ്പ്

കൊ​ച്ചി: പ​ള്ളി​ക​ളി​ലെ കോ​ട​തി​വി​ധി ന​ട​ത്തി​പ്പു​മാ​യി ബ​ന്ധ​പ്പെ​ട്ട്​ യാ​ക്കോ​ബാ​യ-​ഓ​ർ​ത്ത​ഡോ​ക്സ് വി​ഭാ​ഗ​ങ്ങ​ൾ ത​മ്മി​ൽ ത​ർ​ക്ക​വും സം​ഘ​ർ​ഷ​വും വീ​ണ്ടും രൂ​ക്ഷ​മാ​കു​ന്നു. ഇ​തി​ൽ​ത​ന്നെ എ​റ​ണാ​കു​ളം ജി​ല്ല​യി​ലെ പു​ളി​ന്താ​നം, മ​ഴു​വ​ന്നൂ​ർ പ​ള്ളി​ക​ളി​ലെ വി​ധി ന​ട​ത്തി​പ്പ് സ​ർ​ക്കാ​റി​ന് ത​ല​വേ​ദ​ന​യാ​കു​ക​യാ​ണ്.

2017ലെ ​സു​പ്രീം​കോ​ട​തി വി​ധി​യു​ടെ ചു​വ​ടു​പി​ടി​ച്ച് ആ​റ് പ​ള്ളി​ക​ളി​ൽ​ക്കൂ​ടി പ്ര​വേ​ശി​ക്കാ​ൻ പൊ​ലീ​സ് സം​ര​ക്ഷ​ണം ആ​വ​ശ്യ​പ്പെ​ട്ട് ഓ​ർ​ത്ത​ഡോ​ക്സ് വി​ഭാ​ഗം ഹൈ​കോ​ട​തി​യെ സ​മീ​പി​ച്ചി​രു​ന്നു. ഇ​തി​ന് കോ​ട​തി അ​നു​മ​തി ന​ൽ​കു​ക​യും ചെ​യ്തു. ഇ​തി​ന്‍റെ അ​ടി​സ്ഥാ​ന​ത്തി​ൽ പു​ളി​ന്താ​നം, മ​ഴു​വ​ന്നൂ​ർ പ​ള്ളി​ക​ളു​ടെ നി​യ​ന്ത്ര​ണം ഏ​റ്റെ​ടു​ക്കാ​ൻ ഓ​ർ​ത്ത​ഡോ​ക്സ് വി​ഭാ​ഗം എ​ത്തി​യ​താ​ണ് സം​ഘ​ർ​ഷ​മു​ണ്ടാ​കാ​ൻ കാ​ര​ണം.

ഈ ​ഇ​ട​വ​ക​ക​ൾ യാ​ക്കോ​ബാ​യ വി​ഭാ​ഗ​ത്തി​ന് വ​ലി​യ ഭൂ​രി​പ​ക്ഷ​മു​ള്ള​താ​ണ്. ഓ​ർ​ത്ത​ഡോ​ക്സ് വി​ഭാ​ഗം നാ​മ​മാ​ത്ര​വു​മാ​ണ്. ഇ​തോ​ടെ യാ​ക്കോ​ബാ​യ വി​ശ്വാ​സി​ക​ൾ പ്ര​ശ്ന​ത്തെ വൈ​കാ​രി​ക​മാ​യെ​ടു​ത്ത് പ്ര​തി​ഷേ​ധം തീ​ർ​ക്കു​ക​യാ​യി​രു​ന്നു. പ്ര​തി​ഷേ​ധ​ത്തി​നൊ​ടു​വി​ൽ സം​ഘ​ർ​ഷം ഒ​ഴി​വാ​ക്കാ​ൻ പൊ​ലീ​സ് പി​ൻ​വാ​ങ്ങു​ക​യാ​യി​രു​ന്നു.

എ​ന്നാ​ൽ, ഇ​വി​ട​ങ്ങ​ളി​ൽ സ​ർ​ക്കാ​റി​നെ എ​തി​ർ​ക​ക്ഷി​യാ​ക്കി കോ​ട​തി​യ​ല​ക്ഷ്യ ന​ട​പ​ടി​ക​ൾ ആ​രം​ഭി​ക്കാ​നാ​ണ് ഓ​ർ​ത്ത​ഡോ​ക്സ് പ​ക്ഷ​ത്തി​ന്‍റെ നീ​ക്കം. ഇ​ത് വീ​ണ്ടും പ്ര​ശ്നം രൂ​ക്ഷ​മാ​ക്കും. ഓ​ർ​ത്ത​ഡോ​ക്സ് സ​ഭ​ക്ക് അ​നു​കൂ​ല​മാ​യി 2017 ജൂ​ലൈ മൂ​ന്നി​ന് വ​ന്ന സു​പ്രീം​കോ​ട​തി വി​ധി​യാ​ണ് ഇ​പ്പോ​ഴ​ത്തെ പ്ര​ശ്ന​ങ്ങ​ൾ​ക്ക് കാ​ര​ണം. മ​ല​ങ്ക​ര​യി​ലെ 1064 പ​ള്ളി​ക​ളും ഓ​ർ​ത്ത​ഡോ​ക്സ് സ​ഭ​യു​ടെ 1934 ഭ​ര​ണ​ഘ​ട​ന​യ​നു​സ​രി​ച്ച് ഭ​രി​ക്ക​പ്പെ​ട​ണ​മെ​ന്നാ​യി​രു​ന്നു കോ​ട​തി വി​ധി.

ഇ​തി​ന്‍റെ ചു​വ​ടു​പി​ടി​ച്ച് യാ​ക്കോ​ബാ​യ പ​ക്ഷ​ത്തി​ന്‍റെ നി​യ​ന്ത്ര​ണ​ത്തി​ലാ​യി​രു​ന്ന 69 പ​ള്ളി​ക​ളാ​ണ് ഇ​തി​ന​കം ഓ​ർ​ത്ത​ഡോ​ക്സ് സ​ഭ​യു​ടെ കൈ​ക​ളി​ലാ​യ​ത്. ഇ​തി​ന് പു​റ​മെ​യാ​ണ് പു​തി​യ പ​ള്ളി​ക​ളി​ന്മേ​ലു​ള്ള അ​വ​കാ​ശ​വാ​ദം. മ​ധ്യ​സ്ഥ​ശ്ര​മ​ങ്ങ​ളെ​ല്ലാം പ​രാ​ജ​യ​പ്പെ​ട്ട​തോ​ടെ ജ​സ്റ്റി​സ് കെ.​ടി. തോ​മ​സ് ക​മീ​ഷ​ൻ ശി​പാ​ർ​ശ ചെ​യ്ത മ​ല​ങ്ക​ര ച​ർ​ച്ച് ബി​ല്ല് ന​ട​പ്പാ​ക്കു​ന്ന​തി​ന് സ​ർ​ക്കാ​ർ പ്രാ​ഥ​മി​ക ന​ട​പ​ടി​ക​ൾ ആ​രം​ഭി​ച്ചി​രു​ന്നു.

ര​ണ്ട് മാ​സം മു​മ്പ് ബി​ല്ലി​ന്‍റെ ക​ര​ട് മ​ന്ത്രി പി. ​രാ​ജീ​വ് ഇ​ട​ത് മു​ന്ന​ണി യോ​ഗ​ത്തി​ൽ അ​വ​ത​രി​പ്പി​ക്കു​ക​യും ചെ​യ്തി​രു​ന്നു. എ​ന്നാ​ൽ, തു​ട​ർ​ന​ട​പ​ടി​യൊ​ന്നു​മു​ണ്ടാ​യി​ട്ടി​ല്ല. സു​പ്രീം​കോ​ട​തി വി​ധി​യോ​ടെ നി​യ​മ​വ​ഴി​ക​ളെ​ല്ലാം അ​ട​ഞ്ഞ യാ​ക്കോ​ബാ​യ വി​ഭാ​ഗം ബി​ല്ലി​നെ വ​ലി​യ പ്ര​തീ​ക്ഷ​യോ​ടെ​യാ​ണ് കാ​ത്തി​രി​ക്കു​ന്ന​ത്. എ​ന്നാ​ൽ, ത​ങ്ങ​ൾ​ക്ക്​ അ​നു​കൂ​ല​മാ​യ സു​പ്രീം​കോ​ട​തി വി​ധി​യെ ബി​ല്ല് അ​സ്ഥി​ര​പ്പെ​ടു​ത്തു​മെ​ന്ന ആ​ശ​ങ്ക​യാ​ണ് ഓ​ർ​ത്ത​ഡോ​ക്സ് വി​ഭാ​ഗ​ത്തി​നു​ള്ള​ത്.

ബി​ല്ല് ന​ട​പ്പാ​ക്കി​യാ​ൽ ഓ​ർ​ത്ത​ഡോ​ക്സ് പ​ക്ഷ​വും ന​ട​പ്പാ​ക്കി​യി​ല്ലെ​ങ്കി​ൽ യാ​ക്കോ​ബാ​യ പ​ക്ഷ​വും സ​ർ​ക്കാ​റി​ന് എ​തി​രാ​വു​ന്ന സാ​ഹ​ച​ര്യ​മാ​ണു​ള്ള​ത്. പ​ള്ളി​ക​ൾ കേ​ന്ദ്രീ​ക​രി​ച്ച് വീ​ണ്ടും സം​ഘ​ർ​ഷം രൂ​പ​പ്പെ​ടു​ന്ന​ത് ലോ​ക്സ​ഭ തെ​ര​ഞ്ഞെ​ടു​പ്പ് അ​ടു​ത്തു​വ​ര​വെ സ​ർ​ക്കാ​റി​ന്​ ത​ല​വേ​ദ​ന​യാ​കും.