സുനിൽകുമാർ
അഞ്ചാലുംമൂട്: അഷ്ടമുടിയില്‍ പതിനാറുകാരിയെ ബലാത്സംഗം ചെയ്ത കേസില്‍ അമ്മയുടെ കാമുകനെ അഞ്ചാലുംമൂട് പൊലീസ് അറസ്റ്റ് ചെയ്തു. തൃക്കരുവ ഇഞ്ചവിള പള്ളിക്കടത്ത് പുത്തൻവീട്ടിൽ സുനില്‍കുമാറിനെയാണ് (47) പിടികൂടിയത്.
സംഭവത്തെപ്പറ്റി പൊലീസ് പറയുന്നത്: മകള്‍ക്കും അമ്മക്കുമൊപ്പം സുനില്‍കുമാറും അഷ്്ടമുടിയിൽ വാടകക്ക് താമസിക്കുകയായിരുന്നു. ഇതിനിടെ ഇയാള്‍ പലതവണ ബലാത്സംഗം ചെയ്തതായി കുട്ടി പരാതി പറഞ്ഞെങ്കിലും അമ്മ ഇത് അവഗണിച്ചു.
തുടര്‍ന്ന് അമ്മ മറ്റൊരു കാമുകനോടൊപ്പം നാടുവിട്ടതോടെ പെൺകുട്ടി വീട്ടില്‍ ഒറ്റക്കായി. പിന്നീട് പെൺകുട്ടിയുടെ ചേച്ചി മയ്യനാടുള്ള വീട്ടിേലക്ക് കൊണ്ടുപോയി. ഇവിടെെവച്ച് പരിചയത്തിലായ യുവാവിെൻറ വീട്ടിലെത്തിയെങ്കിലും പെൺകുട്ടി പ്രായപൂർത്തിയാകാത്തതിനെ തുടർന്ന് പൊലീസിലേൽപിച്ചു. പൊലീസ് പെണ്‍കുട്ടിയോട് കാര്യങ്ങള്‍ ചോദിച്ചപ്പോഴാണ് ബലാത്സംഗവിവരം പുറത്തറിയുന്നത്. വൈദ്യപരിശോധനയും നടത്തി.
തുടര്‍ന്ന് നടത്തിയ അന്വേഷണത്തിലാണ് പ്രതി പിടിയിലായത്. ഇയാള്‍ക്കെതിരെ പോക്‌സോ, ജുവനൈൽ ജസ്റ്റിസ് ആക്ട് ഉള്‍പ്പെടെയുള്ള വകുപ്പുകള്‍ ചുമത്തിയിട്ടുണ്ട്.
കുട്ടിയെ ഉപേക്ഷിച്ച് പോയ അമ്മയെയും പൊലീസ് ഞായറാഴ്ച കസ്റ്റഡിയിലെടുത്തു. അഞ്ചാലുംമൂട് സി.ഐ അനിൽകുമാര്‍, എസ്.ഐമാരായ ശ്യാംകുമാർ, ലഗേഷ്‌കുമാർ, വനിതാ എസ്.ഐ ഷബ്‌ന തുടങ്ങിയവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.