തൃക്കരിപ്പൂർ: വയലോടിയിലെ യുവാവിന്റെ കൊലപാതകവുമായി ബന്ധപ്പെട്ട് സൗത്ത് തൃക്കരിപ്പൂർ പൊറോപ്പാട് സ്വദേശി എം. ടി.പി.മുഹമ്മദ് സഫ്‌വാനെ(24) പൊലിസ് അറസ്റ്റ് ചെയ്തു. കേസിലെ മൂന്നാം പ്രതിയാണ് സഫ്‌വാൻ. ഇയാൾക്ക് കൊലയിൽ നേരിട്ട് ബന്ധമുള്ളതായി പൊലിസ് കരുതുന്നു. ഇതിനകം തിരിച്ചറിഞ്ഞ മൂന്നുപ്രതികൾ കൂടി കേസിലുണ്ട്.
കാഞ്ഞങ്ങാട് ഡി.വൈ.എസ്.പി പി.ബാലകൃഷ്ണൻ നായരുടെയും ചന്തേര ഇൻസ്‌പെക്ടർ പി. നാരായണന്റെയും നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്. കുളിമുറിയിൽ നിന്ന് ഒളികാമറ ദൃശ്യങ്ങൾ പകർത്തുന്നത് കൈയോടെ പിടികൂടിയതാണ് പിന്നീട് വായലോടിയിലെ പ്രിജേഷിന്റെ കൊലയിൽ കലാശിച്ചത്. കൊല്ലപ്പെട്ട യുവാവിന്റെ ഫോണിൽ നിന്ന് കുളിമുറി ദൃശ്യങ്ങൾ ലഭിച്ചതായി പൊലീസ് സ്ഥിരീകരണം നൽകിയിട്ടുണ്ട്.
ഇക്കഴിഞ്ഞ തിങ്കളാഴ്ചയാണ് മർണാടിയൻ പ്രജേഷിനെ വയലോടിയിൽ വീടിനരികെ മരിച്ച നിലയിൽ കണ്ടെത്തിയത്. മരണം കൊലപാതകമെന്ന് കണ്ടെത്തിയ പൊലിസ് ഒ.ടി.മുഹമ്മദ് ഷഹബാസ് (22), പി.കെ.മുഹമ്മദ് റഹ്നാസ് (23) എന്നിവരെ അറസ്റ്റ് ചെയ്തിരുന്നു. ചോദ്യം ചെയ്യലിൽ പ്രതികളുടെ എണ്ണം ആറായി. ഇനി മൂന്നുപേരെ പിടികിട്ടാനുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.