അപകടത്തിൽപ്പെട്ട ടെമ്പോ ട്രാവലർ
വടകര : വടകര മടപ്പള്ളി കോളജ് സ്റ്റോപ്പിനടുത്ത് ട്രാവലർ വാൻ താഴ്ചയിലേക് മറിഞ്ഞ് ഒരാൾ മരിച്ചു. 12 പേർക്ക് പരിക്കുണ്ട്. കോട്ടയം പാല സ്വദേശിനി സാലിയാണ് ( 60 ) മരിച്ചത്. ഭർത്താവ് ജോസഫിനെ ഗുരുതരാവസ്ഥയിൽ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
പാലായിൽ നിന്ന് വെള്ളരിക്കുണ്ടിലെ മരണ വീട്ടിലേക്ക് പുറപ്പെട്ട 12 പേരടങ്ങിയ സംഘമാണ് അപകടത്തിൽപെട്ടത്. അപകടമുണ്ടായ ഉടൻ വടകര നിന്നെത്തിയ അഗ്നിരക്ഷസേന ജീവനക്കാരാണ് രക്ഷാ പ്രവർത്തനം നടത്തിയത്. പരിക്കേറ്റവരെ അഗ്നിരക്ഷ സേനയുടെ രണ്ട് വാഹനങ്ങളിലും 108 ആംബുലനസിലും വടകര ഗവ. ആശുപത്രിയിലും പാർക്കോ ഹോസ്പിറ്റലിലും പ്രവേശിപ്പിച്ചു.
പിന്നീട് അഞ്ച് പേരെ കോഴിക്കോട് മെഡിക്കൽ കോളേജിലേക്ക് മാറ്റി. ഗ്രേഡ് അസിസ്റ്റന്റ് സ്റ്റേഷൻ ഓഫീസർ കെ. ടി രാജീവന്റെ നേതൃത്വത്തിലാണ് രക്ഷാ പ്രവർത്തനം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.