മനുഷ്യക്കടത്തിലൂടെ അവയവക്കച്ചവടം: പ്രവർത്തനം മണി ചെയിൻ മാതൃകയിൽ

കൊ​ച്ചി: മ​നു​ഷ്യ​ക്ക​ട​ത്തി​ലൂ​ടെ ആ​സൂ​ത്രി​ത​മാ​യി അ​വ​യ​വ​ക്ക​ച്ച​വ​ടം ന​ട​ത്തു​ന്ന സം​ഘ​ത്തി​ന്‍റെ പ്ര​വ​ർ​ത്ത​നം മ​ണി ചെ​യി​ൻ മാ​തൃ​ക​യി​ൽ. അ​ന്വേ​ഷ​ണം ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ.​ഐ.​എ) ഏ​റ്റെ​ടു​ത്ത​തി​ന്​ പി​ന്നാ​ലെ​യാ​ണ്​ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​ന്ന​ത്. ഇ​തു​വ​രെ ല​ഭി​ച്ച സൂ​ച​ന​ക​ളു​ടെ അ​ടി​സ്ഥാ​ന​ത്തി​ൽ അ​വ​യ​വ​ക്ക​ച്ച​വ​ട​ത്തി​ന്​ വേ​ണ്ടി​യു​ള്ള മ​നു​ഷ്യ​ക്ക​ട​ത്ത്​ വ​ൻ വ്യാ​പാ​ര​മാ​യി വ​ള​രു​ന്നു എ​ന്നാ​ണ്​ അ​ന്വേ​ഷ​ണ സം​ഘ​ത്തി​ന്‍റെ വി​ല​യി​രു​ത്ത​ൽ.

ഹൈ​ദ​രാ​ബാ​ദ്, ബം​ഗ​ളൂ​രു, പാ​ല​ക്കാ​ട്​ എ​ന്നി​വി​ട​ങ്ങ​ളി​ൽ​നി​ന്ന്​ അ​വ​യ​വ​ദാ​ന​ത്തി​നാ​യി ആ​ളു​ക​ളെ ഇ​റാ​നി​ലേ​ക്ക്​ ക​ട​ത്തി​യ കേ​സാ​ണ്​ എ​ൻ.​ഐ.​എ അ​ന്വേ​ഷി​ക്കു​ന്ന​ത്. രാ​ജ്യാ​ന്ത​ര ബ​ന്ധ​മു​ള്ള ഇ​ട​പാ​ടി​ന്​ പി​ന്നി​ൽ ആ​ശു​പ​ത്രി​ക​ള​ട​ക്കം നി​ര​വ​ധി ഏ​ജ​ൻ​റു​മാ​ർ പ്ര​വ​ർ​ത്തി​ക്കു​ന്ന​താ​യും കോ​ടി​ക​ൾ മ​റി​ഞ്ഞ​താ​യും സൂ​ച​ന ല​ഭി​ച്ചി​ട്ടു​ണ്ട്. പ്ര​ധാ​ന​മാ​യും കൊ​ച്ചി​യും ഹൈ​ദ​രാ​ബാ​ദും കേ​ന്ദ്രീ​ക​രി​ച്ചാ​യി​രു​ന്നു പ്ര​വ​ർ​ത്ത​നം. വി​വി​ധ സം​സ്ഥാ​ന​ങ്ങ​ളി​ൽ​നി​ന്നാ​യി നൂ​റി​ല​ധി​കം പേ​ർ അ​വ​യ​വ​ക്ക​ച്ച​വ​ട​ത്തി​ന്‍റെ ഇ​ര​ക​ളാ​യി​ട്ടു​ണ്ടെ​ന്നാ​ണ്​ പ്രാ​ഥ​മി​ക ക​ണ്ടെ​ത്ത​ൽ. ദാ​താ​ക്ക​ളെ ഇ​റാ​നി​ലെ​ത്തി​ച്ച്​ അ​വി​ടു​ത്തെ ഫ​രീ​ദി​ഖാ​ൻ ആ​ശു​പ​ത്രി​യി​ൽ​വെ​ച്ചാ​ണ്​ അ​വ​യ​വ​ദാ​നം ന​ട​ത്തി​യ​ത്. ഇ​ത്​ സം​ബ​ന്ധി​ച്ച്​ ഇ​റാ​നി​ൽ നി​ല​നി​ൽ​ക്കു​ന്ന ഇ​ള​വു​ക​ളും മാ​ഫി​യ​ക്ക്​ സൗ​ക​ര്യ​മാ​യി.

ഒ​രി​ക്ക​ൽ അ​വ​യ​വം ന​ൽ​കു​ന്ന​യാ​ൾ തു​ട​ർ​ന്ന്​ അ​ടു​ത്ത ദാ​താ​വി​നെ ക​ണ്ടെ​ത്തി ന​ൽ​കി ഈ ​ഇ​ട​പാ​ടി​ന്‍റെ ഏ​ജ​ന്‍റാ​യി മാ​റു​ന്ന​താ​ണ്​ രീ​തി. ഇ​ത്ത​ര​ത്തി​ൽ ദാ​താ​ക്ക​ളു​ടെ ച​ങ്ങ​ല ഒ​രാ​ളി​ൽ​നി​ന്ന്​ മ​റ്റൊ​രാ​ളി​ലേ​ക്ക്​ നീ​ളു​ന്നു. സാ​മ്പ​ത്തി​ക​മാ​യി താ​ഴേ​ക്കി​ട​യി​ലു​ള്ള​വ​രാ​ണ്​ ഇ​ര​ക​ളി​ൽ ഏ​റെ​യും. ഒ​രു ദാ​താ​വി​നെ കി​ട്ടി​യാ​ൽ അ​തു​വ​ഴി ഇ​ത്ത​ര​ക്കാ​രെ എ​ളു​പ്പ​ത്തി​ൽ ക​ണ്ടെ​ത്തും.

മാ​റ്റി​വെ​ക്ക​ണ​മെ​ന്ന്​ ആ​ശു​പ​ത്രി​യി​ൽ​നി​ന്ന്​ നി​ർ​ദേ​ശി​ച്ചാ​ൽ അ​വ​യ​വം​ വേ​ണ്ട​വ​ർ ഉ​ട​ൻ ഏ​ജ​ന്‍റു​മാ​രെ ബ​ന്ധ​പ്പെ​ടു​ക​യാ​ണ്​ ചെ​യ്യു​ക. സ്വീ​ക​ർ​ത്താ​ക്ക​ളി​ൽ ന​ല്ലൊ​രു പ​ങ്കും ഉ​യ​ർ​ന്ന ബി​സി​ന​സ്സു​കാ​രും സ​മൂ​ഹ​ത്തി​ലെ മ​റ്റ്​ ഉ​ന്ന​ത​രു​മാ​ണ്. അ​വ​യ​വം കി​ട്ടാ​ൻ എ​ത്ര പ​ണം ന​ൽ​കാ​നും ഇ​വ​ർ ത​യാ​റാ​കു​ന്നു. സാ​ധാ​ര​ണ​ക്കാ​രാ​യ ദാ​താ​വി​ൽ​നി​ന്ന്​ മൂ​ന്ന്​ മു​ത​ൽ അ​ഞ്ച്​ ല​ക്ഷം രൂ​പ വ​രെ ന​ൽ​കി വാ​ങ്ങു​ന്ന അ​വ​യ​വ​ത്തി​ന്​ സ്വീ​ക​ർ​ത്താ​വി​ൽ​നി​ന്ന്​ 30 മു​ത​ൽ 50 ല​ക്ഷം വ​രെ​യാ​ണ്​ ഏ​ജ​ന്‍റു​മാ​ർ ഈ​ടാ​ക്കു​ക. ഇ​തി​ന്‍റെ വി​ഹി​തം ആ​ശു​പ​ത്രി​ക​ൾ​ക്കും ല​ഭി​ക്കും.

ഇ​ട​നി​ല​ക്കാ​ർ കൂ​ടു​ന്ന​തി​നു​സ​രി​ച്ച്​ യ​ഥാ​ർ​ഥ ദാ​താ​വി​ന്​ ല​ഭി​ക്കു​ന്ന പ്ര​തി​ഫ​ലം കു​റ​യും. കേ​സി​ന്​ എ​ല്ലാ സം​സ്ഥാ​ന​ങ്ങ​ളു​മാ​യും ബ​ന്ധ​മു​ള്ള പ​ശ്​​ചാ​ത്ത​ല​ത്തി​ൽ രാ​ജ്യ​വ്യാ​പ​ക അ​ന്വേ​ഷ​ണ​മാ​ണ്​ എ​ൻ.​ഐ.​എ ന​ട​ത്തു​ന്ന​ത്.