കൊച്ചി: കുട്ടികൾക്കുനേരെ ലൈംഗിക അതിക്രമം നടത്തിയ കരാേട്ട അധ്യാപകൻ പിടിയിൽ. വടുതലയിലുള്ള ഫ്ലാറ്റിലെ പെൺകുട്ട ികൾക്ക് കരാേട്ട ക്ലാസ് എടുക്കാനെത്തിയ വൈപ്പിൻ സ്വദേശി ജിബിനാണ് (39) പിടിയിലായത്.
കഴിഞ്ഞ മാസം 28നാണ് ജിബിൻ ഫ്ലാറ്റിൽ ക്ലാസ് എടുക്കാൻ എത്തിയത്. ആഴ്ചയിൽ മൂന്ന് ക്ലാസാണ് ഉണ്ടായിരുന്നത്. തുടക്കത്തിൽ കൂടുതൽ കുട്ടികൾ ക്ലാ സിൽ പങ്കെടുത്തെങ്കിലും പിന്നീട് പങ്കാളിത്തം കുറഞ്ഞു. തുടർന്ന് മാതാപിതാക്കൾ അന്വേഷിച്ചപ്പോഴാണ് അധ്യാപകെൻറ മോശം പെരുമാറ്റത്തെക്കുറിച്ച് അറിഞ്ഞത്. തുടർന്ന് നോർത്ത് പൊലീസിൽ പരാതി നൽകുകയായിരുന്നു. അറസ്റ്റിലായ പ്രതി കുറ്റം സമ്മതിച്ചെന്ന് പൊലീസ് പറഞ്ഞു. ഇയാൾ കുട്ടികളെ ഉപദ്രവിക്കുന്നതിെൻറ സി.സി.ടി.വി ദൃശ്യങ്ങൾ പൊലീസിന് ലഭിച്ചിട്ടുണ്ട്.
2013ൽ പള്ളുരുത്തിയിലെ സ്കൂളിൽ കുട്ടികൾക്കെതിരെ ലൈംഗിക അതിക്രമം നടത്തിയതിന് പ്രതിക്കെതിരെ കേസ് നിലവിലുണ്ട്. നോർത്ത് സി.ഐ സിബി ടോമിൻെറ നിർദേശപ്രകാരം എസ്.ഐമാരായ രാജൻബാബു, അനസ്, എ.എസ്.ഐ ശ്രീകുമാർ, സീനിയർ സി.പി.ഒ റെക്സിൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കുട്ടികൾക്കെതിരായ ലൈംഗിക അതിക്രമം തടയുന്ന പോക്സോ നിയമപ്രകാരം കേസെടുത്തു. കോടതിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.