അൻവറിന്റെ യു.ഡി.എഫ്​ പ്രവേശനം: ആദ്യ റൗണ്ട്​ അനുകൂലം; കടമ്പകൾ ബാക്കി

തി​രു​വ​ന​ന്ത​പു​രം: യു.​ഡി.​എ​ഫി​ൽ ചേ​ക്കേ​റാ​ൻ ക​രു​ക്ക​ൾ നീ​ക്കു​ന്ന നി​ല​മ്പൂ​ർ എം.​എ​ൽ.​എ പി.​വി. അ​ൻ​വ​റി​ന്​ ആ​ദ്യ റൗ​ണ്ടി​ൽ കാ​ര്യ​ങ്ങ​ൾ അ​നൂ​കൂ​ലം. നേ​ര​ത്തേ അ​ൻ​വ​റി​നോ​ട്​ മു​ഖം​തി​രി​ച്ചു​നി​ന്ന കോ​ൺ​ഗ്ര​സ്​ നേ​തൃ​ത്വം ച​ർ​ച്ച​യാ​കാ​മെ​ന്ന നി​ല​യി​ലേ​ക്ക്​ മ​യ​പ്പെ​ട്ടു. മു​സ്​​ലിം ലീ​ഗ്​ അ​ൻ​വ​റി​നെ എ​ടു​ക്കാ​മെ​ന്ന നി​ല​പാ​ടി​ലാ​ണ്. സി.​എം.​പി പി​ന്തു​ണ പ​ര​സ്യ​മാ​ക്കി. എ​തി​ര​ഭി​പ്രാ​യം പ​റ​ഞ്ഞ​ത്​ ആ​ർ.​എ​സ്.​പി മാ​ത്രം. അ​പ്പോ​ഴും യു.​ഡി.​എ​ഫി​ലെ​ത്താ​ൻ അ​ൻ​വ​റി​ന്​ മു​ന്നി​ൽ വ​ലി​യ ക​ട​മ്പ​ക​ളാ​യി പ്ര​ധാ​ന​മാ​യും മൂ​ന്ന്​ വി​ഷ​യ​ങ്ങ​ളു​ണ്ട്.

മു​ഖ്യ​വി​ഷ​യം നി​ല​മ്പൂ​ർ സീ​റ്റ്​ ത​ന്നെ. അ​ടു​ത്ത ത​വ​ണ അ​വി​ടെ യു.​ഡി.​എ​ഫ്​ ടി​ക്ക​റ്റ്​ അ​ൻ​വ​റി​ന്​ കി​ട്ട​ണ​മെ​ങ്കി​ൽ സീ​റ്റി​ൽ ക​ണ്ണു​വെ​ച്ചി​രി​ക്കു​ന്ന ആ​ര്യാ​ട​ൻ ഷൗ​ക്ക​ത്തി​നെ മാ​റ്റി​നി​ർ​ത്ത​ണം. ആ​ര്യാ​ട​ൻ മു​ഹ​മ്മ​ദി​ന്‍റെ ത​ട്ട​ക​മാ​യ മ​ണ്ഡ​ല​ത്തി​ൽ മ​ക​നെ ത​ഴ​യു​ക കോ​ൺ​ഗ്ര​സ്​​ നേ​തൃ​ത്വ​ത്തി​ന്​ അ​ത്ര എ​ളു​പ്പ​മ​ല്ല. അ​ൻ​വ​റി​നെ​തി​രെ തു​റ​ന്ന​ടി​ച്ച്​ ആ​ര്യാ​ട​ൻ ഷൗ​ക്ക​ത്ത്​ ചൊ​വ്വാ​ഴ്ച ആ​ദ്യ​വെ​ടി പൊ​ട്ടി​ക്കു​ക​യും ചെ​യ്തു. നി​ല​മ്പൂ​ർ സീ​റ്റ്​ മോ​ഹം അ​ൻ​വ​ർ ഉ​പേ​ക്ഷി​ക്കു​ക​യാ​ണ്​ മ​റ്റൊ​രു പ​രി​ഹാ​രം. യു.​ഡി.​എ​ഫി​ൽ ചേ​രാ​ൻ ഉ​പാ​ധി​യാ​യി പ​ഞ്ചാ​യ​ത്ത്​ മെം​ബ​ർ പ​ദ​വി​പോ​ലും വേ​ണ്ടെ​ന്ന്​ പ​റ​യു​ന്നു​ണ്ടെ​ങ്കി​ലും അ​ങ്ങ​നെ തീ​രു​മാ​നി​ക്കാ​ൻ അ​ൻ​വ​റി​നു​മാ​വി​ല്ല. രാ​ഹു​ൽ ഗാ​ന്ധി​യു​ടെ ഡി.​എ​ൻ.​എ ചി​ക​ഞ്ഞ വാ​വി​ട്ട വാ​ക്ക്, പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​നെ​തി​രാ​യ 150 കോ​ടി അ​ഴി​മ​തി​യാ​രോ​പ​ണം എ​ന്നി​വ​യാ​ണ്​ അ​ൻ​വ​റി​ന്​ മു​ന്നി​ലെ മ​റ്റ്​ ക​ട​മ്പ​ക​ൾ. അ​റ​സ്റ്റി​നു​ ശേ​ഷം ജാ​മ്യ​ത്തി​ലി​റ​ങ്ങി​യ അ​ൻ​വ​ർ, വി.​ഡി. സ​തീ​ശ​​നു​മാ​യി ഫോ​ണി​ൽ സം​സാ​രി​ച്ച്​ മ​ഞ്ഞു​രു​ക്ക​ത്തി​ന്​ വ​ഴി​യൊ​രു​ക്കി​യി​ട്ടു​ണ്ട്.

രാ​ഹു​ൽ ഗാ​ന്ധി​ക്കെ​തി​രാ​യ പ​രാ​മ​ർ​ശ​ത്തി​ൽ മാ​പ്പു​പ​റ​ഞ്ഞാ​ൽ അ​ക്കാ​ര്യ​ത്തി​ൽ കോ​ൺ​ഗ്ര​സു​കാ​രു​ടെ അ​രി​ശം അ​ട​ങ്ങി​യേ​ക്കും. എ​ന്തു വി​ട്ടു​വീ​ഴ്ച​ക്കും ത​യാ​റെ​ന്ന​താ​ണ്​ അ​ൻ​വ​റി​ന്‍റെ ഇ​പ്പോ​ഴ​ത്തെ നി​ല​പാ​ട്. കാ​ര​ണം, ഡി.​എം.​കെ രൂ​പ​വ​ത്​​ക​ര​ണ​വും പ​ല ത​ല​ത്തി​ലു​ള്ള സ​ഖ്യ ച​ർ​ച്ച​ക​ളു​മൊ​ക്കെ​യാ​യി രാ​ഷ്ട്രീ​യ​ഭാ​വി ചോ​ദ്യ​ച്ചി​ഹ്ന​മാ​യി​രി​ക്കെ​യാ​ണ്​ അ​ൻ​വ​റി​ന്‍റെ അ​പ്ര​തീ​ക്ഷി​ത അ​റ​സ്റ്റ്. സ്വാ​ഭാ​വി​ക​മാ​യും കോ​ൺ​ഗ്ര​സ്​ നേ​താ​ക്ക​ൾ സ​ർ​ക്കാ​റി​നെ​തി​രെ രം​ഗ​ത്തു​വ​ന്ന​പ്പോ​ൾ അ​ത്​ അ​ൻ​വ​ർ ര​ണ്ടാം വ​ര​വി​നു​ള്ള അ​വ​സ​ര​മാ​ക്കി. പാ​ണ​ക്കാ​ട്​ ത​ങ്ങ​ളെ സ​ന്ദ​ർ​ശി​ച്ചും വി​രോ​ധം മാ​റ്റി​വെ​ച്ച്​ വി.​ഡി. സ​തീ​ശ​നെ അ​ങ്ങോ​ട്ടു​ബ​ന്ധ​പ്പെ​ട്ടും അ​ൻ​വ​ർ മു​ൻ​കൈ​യെ​ടു​ത്ത സാ​ഹ​ച​ര്യ​ത്തി​ൽ മു​ന്ന​ണി വി​പു​ലീ​ക​ര​ണം ച​ർ​ച്ച​യാ​കു​​മ്പോ​ൾ അ​ൻ​വ​റി​നെ അ​വ​ഗ​ണി​ക്കാ​ൻ യു.​ഡി.​എ​ഫ്​ നേ​തൃ​ത്വ​ത്തി​ന്​ ക​ഴി​യി​ല്ല.

കോ​ൺ​ഗ്ര​സി​ൽ​നി​ന്ന്​ 2011ൽ ​ഇ​ട​തു​പ​ക്ഷ​ത്തേ​ക്ക്​ ചു​വ​ടു​മാ​റി​യ അ​ൻ​വ​റി​ന്‍റെ തി​രി​ച്ചു​വ​ര​വി​ൽ കോ​ൺ​ഗ്ര​സി​ൽ ആ​ദ​ർ​ശ പ്ര​ശ്ന​ങ്ങ​ളി​ല്ല. അ​തേ​സ​മ​യം, ഇ​ട​തു​പ​ക്ഷ​ത്താ​യി​രി​ക്കെ, സാ​ക്ഷാ​ൽ പി​ണ​റാ​യി വി​ജ​യ​നെ വെ​ല്ലു​വി​ളി​ച്ച ത​ന്‍റേ​ടി യു.​ഡി.​എ​ഫി​ലും അ​ത്​ ആ​വ​ർ​ത്തി​ക്കു​മോ​യെ​ന്ന ആ​ശ​ങ്ക ഒ​രു​വി​ഭാ​ഗം കോ​ൺ​ഗ്ര​സു​കാ​ർ​ക്കു​ണ്ട്. അ​ൻ​വ​റി​നെ എ​ടു​ക്കു​ന്നു​വെ​ങ്കി​ൽ അ​ത്​ അ​യാ​ളു​ടെ കൊ​മ്പ്​ ഒ​ടി​ച്ച​ശേ​ഷം മ​തി​യെ​ന്ന​താ​ണ്​ അ​വ​രു​ടെ നി​ല​പാ​ട്. അ​ൻ​വ​ർ ആ​ദ്യം മാ​പ്പു​പ​റ​യ​ട്ടെ എ​ന്ന​തു​ൾ​പ്പെ​ടെ കോ​ൺ​ഗ്ര​സി​ലെ യു​വ നേ​താ​ക്ക​ളു​ടെ നി​ല​പാ​ട്​ അ​തി​ന്‍റെ ഭാ​ഗ​മാ​ണ്.