രാഹുൽ നടന്നുകയറിയത് പാലക്കാടിന്റെ മനസ്സിലേക്ക്

പാ​ല​ക്കാ​ട്: മൂ​ന്നു ത​വ​ണ വി​ജ​യ​ക്കൊ​ടി പാ​റി​ച്ച ഷാ​ഫി പ​റ​മ്പി​ലി​ന്റെ കൈ​പി​ടി​ച്ച് രാ​ഹു​ൽ മാ​ങ്കൂ​ട്ട​ത്തി​ൽ ന​ട​ന്നു​ക​യ​റി​യ​ത് പാ​ല​ക്കാ​ടി​ന്റെ ജ​ന​മ​ന​സ്സു​ക​ളി​ലേ​ക്ക്. പി​ന്തു​ട​ർ​ച്ച വി​വാ​ദ​വും ഡീ​ൽ വി​വാ​ദ​വും പെ​ട്ടി​വി​വാ​ദ​വു​മെ​ല്ലാം താ​ണ്ടി​യാ​ണ് ഈ ​കു​തി​പ്പ്. ത​ട്ട​ക​ത്ത് താ​മ​ര വി​രി​യി​ക്കാ​മെ​ന്ന എ​ൻ.​ഡി.​എ സ്വ​പ്നം പൊ​ലി​ഞ്ഞു. ബി.​ജെ.​പി​യു​ടെ ത​ട്ട​ക​ങ്ങ​ളി​ൽ രാ​ഹു​ൽ ഇ​ടി​ച്ചു​ക​യ​റി​യാ​ണ് വി​ജ​യം സ്വ​ന്ത​മാ​ക്കി​യ​ത്. കേ​ര​ള​രാ​ഷ്​​ട്രീ​യം ഉ​റ്റു​നോ​ക്കി​യ പോ​രാ​ട്ട​ത്തി​​ന്‍റെ അ​വ​സാ​നം രാ​ഹു​ൽ നാ​ട്ടു​കാ​ര​നാ​യ സി. ​കൃ​ഷ്ണ​കു​മാ​റി​നെ​ക്കാ​ൾ 18,840 വോ​ട്ടി​ന്റെ ഭൂ​രി​പ​ക്ഷം നേ​ടി. രാ​ഹു​ലി​ന്റെ പ​ഴ​യ സ​തീ​ർ​ഥ്യ​നാ​യ സി.​പി.​എം സ്വ​ത​ന്ത്ര​സ്ഥാ​നാ​ർ​ഥി ഡോ. ​പി. സ​രി​ന് മൂ​ന്നാം സ്ഥാ​ന​മാ​യി. 58,389 വോ​ട്ടു​ക​ൾ രാ​ഹു​ൽ നേ​ടി​യ​പ്പോ​ൾ 39,549 വോ​ട്ടു​മാ​യി സി. ​കൃ​ഷ്ണ​കു​മാ​ർ ര​ണ്ടാ​മ​തെ​ത്തി. ഡോ. ​പി. സ​രി​ന് 37,293 വോ​ട്ടാ​ണ് ല​ഭി​ച്ച​ത്.

ഭ​ര​ണ​വി​രു​ദ്ധ വി​കാ​ര​വും ന്യൂ​ന​പ​ക്ഷ വോ​ട്ടു​ക​ളു​ടെ ഏ​കീ​ക​ര​ണ​വും യു.​ഡി.​എ​ഫി​ന് തു​ണ​യാ​യ​പ്പോ​ൾ മു​ൻ തെ​ര​ഞ്ഞെ​ടു​പ്പ് ച​രി​ത്ര​ത്തി​ലെ ക​ണ​ക്കു​ക​ളൊ​ന്നും ത​കി​ടം​മ​റി​ഞ്ഞി​ല്ല. ന​ഗ​ര​സ​ഭ​യി​ൽ ബി.​ജെ.​പിക്ക് ആ​ധി​പ​ത്യം നി​ല​നി​ർ​ത്താനായില്ല. പ​തി​വു​പോ​ലെ പി​രാ​യി​രി പ​ഞ്ചാ​യ​ത്ത് യു.​ഡി.​എ​ഫ് സ്ഥാ​നാ​ർ​ഥി​ക്ക് തു​ണ​യാ​യി. വോ​ട്ടൊ​ഴു​ക്കി​ന്റെ ഒ​ന്നോ ര​ണ്ടോ സ​ന്ദ​ർ​ഭ​ങ്ങ​ളി​ലൊ​ഴി​ച്ചാ​ൽ സി. ​കൃ​ഷ്ണ​കു​മാ​റി​ന് കാ​ര്യ​മാ​യി മു​ന്നേ​റാ​നാ​യി​ല്ല. തു​ട​ക്കം മു​ത​ൽ​ത​ന്നെ മ​ണ്ഡ​ല​ത്തി​ലേ​ത്​ ത്രി​കോ​ണ​മ​ത്സ​ര​മാ​ക്കാ​ന്‍ ബി.​ജെ.​പി പ​തി​നെ​ട്ട​ട​വും പ​യ​റ്റി​യി​രു​ന്നു. ആ​ർ.​എ​സ്.​എ​സി​ന്റെ ശ​ക്ത​മാ​യ പ്ര​ചാ​ര​ണ​ത്തി​ന് ഫ​ല​മു​ണ്ടാ​യെ​ങ്കി​ലും കൃ​ഷ്ണ​കു​മാ​റി​നെ വി​ജ​യ​ത്തി​ലെ​ത്തി​ക്കാ​നു​ള്ള വോ​ട്ടു​ക​ൾ സ​മാ​ഹ​രി​ക്കാ​ൻ അ​വ​ർ​ക്കു​മാ​യി​ല്ല. സ്ഥാ​നാ​ർ​ഥി​നി​ർ​ണ​യ​ത്തി​ലെ അ​പാ​ക​ത​യും ഗ്രൂ​പ്പു​വ​ഴ​ക്കും ബി.​ജെ.​പി​ക്ക് തി​രി​ച്ച​ടി‍യാ​യി. ഡോ. ​പി. സ​രി​ൻ സി.​പി.​എം വോ​ട്ടെ​ല്ലാം പി​ടി​ച്ചാ​ൽ ബി.​ജെ.​പി ജ​യി​ക്കു​മെ​ന്ന പ്ര​ചാ​ര​ണ​മു​ണ്ടാ​യി​രു​ന്നെ​ങ്കി​ലും അ​തും ന​ട​ന്നി​ല്ല.

പാ​ല​ക്കാ​ട് മ​ണ്ഡ​ലം രൂ​പ​വ​ത്ക​രി​ച്ച​തു മു​ത​ൽ ഇ​തു​വ​രെ ന​ട​ന്ന 17 തെ​ര​ഞ്ഞെ​ടു​പ്പു​ക​ളി​ൽ ഇ​തോ​ടെ 12ലും ​ആ​ധി​പ​ത്യ​മു​റ​പ്പി​ച്ച് മ​ണ്ഡ​ലം യു.​ഡി.​എ​ഫ് കോ​ട്ട​യാ​ണെ​ന്ന് ഒ​രി​ക്ക​ൽ​കൂ​ടി തെ​ളി​യി​ച്ചു. സ്ഥാ​നാ​ർ​ഥി​നി​ർ​ണ​യം പാ​ളി​യ​തോ​ടെ കൈ​യി​ൽ കി​ട്ടു​മാ​യി​രു​ന്ന മ​ണ്ഡ​ലം ബി.​ജെ.​പി ക​ള​ഞ്ഞു​കു​ളി​ക്കു​ക​യാ​യി​രു​ന്നെ​ന്ന ആ​രോ​പ​ണം ഇ​തി​ന​കം ഉ​യ​ർ​ന്നു. സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​നെ​തി​രെ കു​റ്റാ​രോ​പ​ണ​ങ്ങ​ൾ നി​ര​ത്തി ബി.​ജെ.​പി​യി​ൽ ക​ലാ​പ​ക്കൊ​ടി ഉ​യ​ർ​ത്താ​ൻ ഒ​രു വി​ഭാ​ഗം ഒ​രു​ങ്ങി​ക്ക​ഴി​ഞ്ഞു. വി​മ​ത-​സ്വ​ത​ന്ത്ര സ്ഥാ​നാ​ർ​ഥി​ക​ൾ​ക്ക് കാ​ര്യ​മാ​യ വോ​ട്ട് നേ​ടാ​നാ​യി​ല്ലെ​ങ്കി​ലും നോ​ട്ട നേ​ടി​യ 1262 വോ​ട്ടു​ക​ൾ ച​ർ​ച്ച​യാ​യി​ട്ടു​ണ്ട്.