ന്യൂഡൽഹി: മുഖ്യമന്ത്രിക്കെതിരായ പരാമർശത്തിൽ കെ.സുധാകരനെ പിന്തുണച്ച് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ. സുധാകരന്‍റെ പരാമർശത്തിൽ ജാതി അധിക്ഷേപമുണ്ടായിട്ടില്ല. സുധാകരേന്‍റത് നാടൻ ശൈലിയാണെന്നും കെ.സി വേണുഗോപാൽ പറഞ്ഞു.
കണ്ണൂരിലെ നാടൻ ഭാഷയിലാണ് സുധാകരൻ പ്രസംഗിച്ചത്. സുധാകരന്‍റെ വിശദീകരണത്തോടെ ഇതുസംബന്ധിച്ച വിവാദങ്ങൾ അവസാനിപ്പിക്കണമെന്നും കെ.സി വേണുഗോപാൽ ആവശ്യപ്പെട്ടു.
നേരത്തെ കെ.സുധാകരന്‍റെ പരാമർശത്തതിനെതിരെ ഷാനിമോൾ ഉസ്മാൻ രംഗത്തെത്തിയിരുന്നു. ആദ്യം സുധാകരന്‍റെ പരാമർശത്തെ എതിർത്ത രമേശ് ചെന്നിത്തല പിന്നീട് നിലപാട് മാറ്റി. ഒടുവിൽ സുധാകരനെതിരായ തന്‍റെ പരാമർശം അദ്ദേഹത്തെ വേദനിപ്പിച്ചിട്ടുണ്ടെങ്കിൽ ക്ഷമചോദിക്കുന്നുവെന്ന് ഷാനിമോൾ ഉസ്മാൻ പറഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.