കളമശ്ശേരി: മദ്യപിച്ച് വീട്ടിൽ ബഹളം വെച്ച് അക്രമാസക്തനായ റിട്ട. എസ്.ഐ, എ.എസ്.ഐയെ കത്തികൊണ്ട് കുത്തിപ്പരിക്കേൽപിച്ചു. രണ്ട് പൊലീസുകാരെ വടി കൊണ്ട് അടിക്കുകയും ചെയ്തു. കൈക്ക് കുത്തേറ്റ എ.എസ്.ഐ സുനിൽകുമാറിന് മഞ്ഞുമ്മലിലെ സ്വകാര്യ ആശുപത്രിയിൽ ശസ്ത്രക്രിയ നടത്തി.
വെള്ളിയാഴ്ച ഉച്ചക്ക് രണ്ടോടെയാണ് സംഭവം. ക്രൈംബ്രാഞ്ചിൽനിന്ന് എസ്.ഐ. ആയി വിരമിച്ച മഞ്ഞുമ്മൽ അച്ചാരുപറമ്പിൽ പോൾ (63) മദ്യപിച്ച് ബഹളം വെക്കുന്നതായി വീട്ടുകാരാണ് ഏലൂർ സ്റ്റേഷനിൽ അറിയിച്ചത്. എസ്.ഐ ജയകൃഷ്ണനും എ.എസ്.ഐ സുനിൽകുമാറും അടങ്ങുന്ന സംഘം പോളിന്‍റെ വീട്ടിലെത്തി. വാതിൽതുറന്ന് പുറത്തുവന്ന പോൾ നീളത്തിലുള്ള കത്തി എടുത്ത് വീശി അക്രമാസക്തനായി.
ഇതിനിടയിൽ സുനിൽകുമാറിന്‍റെ ഇടത് കൈ മുട്ടിന് മുകളിലായി കത്തി കൊണ്ട് കുത്തേറ്റു. ഒപ്പമുള്ള പൊലീസുകാർ ഉടൻ സുനിൽ കുമാറിനെ മഞ്ഞുമ്മലിലെ സ്വകാര്യ ആശുപത്രിയിലെത്തിച്ചു. ശസ്ത്രക്രിയ വേണ്ടിവന്നു. കൺട്രോൾ റൂമിന്‍റെ രണ്ട് സ്ഥലങ്ങളിൽനിന്ന് പൊലീസെത്തി പോളിനെ ബലപ്രയോഗത്തിലൂടെ കസ്റ്റഡിയിലെടുത്തു.
ഇതിനിടെ പോൾ വടി കൊണ്ട് അടിച്ചു. കൺട്രോൾ റൂം പൊലീസുകാരായ ബിജു ജോണിന്‍റെയും, ബിനു തോമസിന്‍റെയും വലത് കൈക്ക് പരിക്കേറ്റു. 2018 ൽ ക്രൈംബ്രാഞ്ചിൽനിന്നും എസ്.ഐയായി വിരമിച്ചയാളാണ് പോൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.