കോട്ടയം: അമിത വേഗത്തിലെത്തിയ കാറിടിച്ച് സ്കൂട്ടർ യാത്രികൻ മരിച്ച സംഭവത്തിൽ കാറോടിച്ചിരുന്ന മണിമല സ്വദേശി അറസ്റ്റിൽ. മണിമല മണികണ്ഠവയൽ തെക്കേപ്പറമ്പിൽ ടിഷോയുടെ (23) അറസ്റ്റാണ് ചിങ്ങവനം പൊലീസ് രേഖപ്പെടുത്തിയത്. അപകടം വിതച്ച െറനോ കിഡ് കാറും കസ്റ്റഡിയിലെടുത്തു. ഡ്രൈവർ മദ്യലഹരിയിലായിരുന്നതാണ് അപകടകാരണമെന്ന് പൊലീസ് പറഞ്ഞു.
അപകടത്തിൽ പായിപ്പാട് പള്ളിച്ചിറ ദീപഭവനിൽ ദ്വരൈസ്വാമിയുടെ മകൻ ദിലീപ് കുമാറാണ് (36)മരിച്ചത്. ബുധനാഴ്ച രാത്രി ഒമ്പതോടെ എം.സി റോഡിൽ നാട്ടകം സിമൻറ് കവലയിലായിരുന്നു അപകടം. ദിലീപിനൊപ്പം സഞ്ചരിച്ചിരുന്ന തൃക്കൊടിത്താനം സൂര്യ നിവാസിൽ രാജൻ (49), മറ്റൊരു ബൈക്ക് യാത്രക്കാരനായ വേളൂർ പുത്തൻ പറമ്പിൽ സനൂപ് (35) എന്നിവർക്ക് പരിക്കേറ്റിരുന്നു.
ചങ്ങനാശ്ശേരി ഭാഗത്തുനിന്നും അമിത വേഗത്തിലെത്തിയ പ്രതി ഓടിച്ചിരുന്ന കാർ എതിരെവന്ന സ്വിഫ്റ്റ് കാറിലും മരിച്ച ദിലീപിെൻറ സ്കൂട്ടറിലും പൾസർ ബൈക്കിലും ഇടിക്കുകയായിരുന്നു. ഇതിനുശേഷം റോഡരികിലെ ഓടക്ക് മുകളിലേക്ക് കയറിയാണ ്കാർ നിന്നത്. ഇതിനിടെ കാറിലുണ്ടായിരുന്ന സ്ത്രീകൾ അടക്കമുള്ളവർ ഓടിരക്ഷപ്പെട്ടിരുന്നു.
ആലപ്പുഴ ബീച്ചിൽ പോയശേഷം മടങ്ങുന്നവരായിരുന്നു കാറിലുണ്ടായിരുന്നത്. സ്ത്രീകൾ അടക്കം മദ്യലഹരിയിലായിരുന്നുെവന്ന നാട്ടുകാരുടെ ആരോപണം ശരിയല്ലെന്നും പൊലീസ് പറഞ്ഞു. ദിലീപിെൻറ മൃതദേഹം വ്യാഴാഴ്ച വൈകീട്ട് സംസ്കരിച്ചു. ഭാര്യ: അഞ്ചു. മക്കൾ: അദ്വൈത്, ആദിത്യൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.