ആലപ്പുഴ: കല്യാണ സദ്യയിൽ രണ്ടാം തവണ പപ്പടം നൽകാത്തതിനെ ചൊല്ലിയുള്ള തർക്കം കൂട്ടത്തല്ലിൽ കലാശിച്ചു. ഞായറാഴ്ച ഉച്ചക്ക് ഹരിപ്പാട് മുട്ടത്തെ സ്വകാര്യ ഓഡിറ്റോറിയത്തിലാണ് 'തല്ലുമാല' അരങ്ങേറിയത്. സംഭവത്തിൽ മൂന്നു പേർക്ക് പരിക്കേറ്റു. ഓഡിറ്റോറിയം ഉടമ മുരളീധരൻ (65) ജോഹൻ (24 ) ഹരി (21) എന്നിവർക്കാണ് പരിക്കേറ്റത്.
ഭക്ഷണം വിളമ്പുന്നതിനിടെ, വരന്റെ സുഹൃത്തുക്കളിൽ ചിലർ പപ്പടം രണ്ടാമത് ആവശ്യപ്പെട്ടപ്പോൾ നൽകാനാകില്ലെന്ന് വിളമ്പുന്നവർ അറിയിച്ചതോടെ വാക്കുതർക്കമുണ്ടാകുകയും ഇത് സംഘർഷത്തിലേക്ക് വഴിമാറുകയുമായിരുന്നു. ഓഡിറ്റോറിയത്തിലെ കസേരകളും മേശകളും ഉപയോഗിച്ചാണ് ഇരുകൂട്ടരും ഏറ്റുമുട്ടിയത്. കരീലകുളങ്ങര പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.