കോഴിക്കോട്: സിനിമ പ്രമോഷന് വേണ്ടി കോഴിക്കോട്ടെ മാളിലെത്തിയ യുവനടിമാർ ലൈംഗികാതിക്രമം നേരിട്ട സംഭവത്തിൽ പൊലീസ് കേസെടുത്തു. സിനിമ നിർമാതാവിന്‍റെയും നടിയുടെയും പരാതിയുടെ അടിസ്ഥാനത്തിലാണ് നടപടി. നടിമാരുടെ മൊഴിയെടുക്കുമെന്നും മാളിലെ സി.സി.ടി.വി ദൃശ്യങ്ങൾ ശേഖരിക്കുമെന്നും പൊലീസ് അറിയിച്ചു.
സിനിമ പ്രമോഷന് വേണ്ടി മാളിലെത്തിയപ്പോൾ തനിക്കും കൂടെയുണ്ടായിരുന്ന സഹപ്രവർത്തകക്കും അതിക്രമം നേരിടേണ്ടി വന്നെന്ന് നടി തന്നെയാണ് കഴിഞ്ഞദിവസം സമൂഹമാധ്യമങ്ങളിലൂടെ വെളിപ്പെടുത്തിയത്. പ്രോഗ്രാം കഴിഞ്ഞ് ഇറങ്ങുന്നതിനിടെ ആൾക്കൂട്ടത്തിൽ നിന്നൊരാൾ കയറിപ്പിടിച്ചെന്ന് നടി പറഞ്ഞു. കൂടെയുണ്ടായ ഒരു സഹപ്രവർത്തകക്കും ഇതേ അനുഭവമുണ്ടായി. എന്നാൽ അവർ അതിനെതിരെ പ്രതികരിച്ചെങ്കിലും തനിക്കതിന് സാധിച്ചില്ലെന്നും നടി കൂട്ടിച്ചേർത്തു.
സിനിമ പ്രമോഷന്‍റെ ഭാഗമായി നിരവധി സ്ഥലങ്ങളിൽ പോയിട്ടുണ്ടെങ്കിലും ഇത്തരമൊരു അനുഭവം ആദ്യമായാണ് നേരിടേണ്ടി വന്നതെന്ന് നടി തന്‍റെ പോസ്റ്റിൽ പറയുന്നു. നടിമാരിൽ ഒരാൾ അതിക്രമം നടത്തുന്ന വ്യക്തിക്കെതിരെ കൈവീശി അടിക്കുന്ന ദൃശ്യങ്ങളും പുറത്ത് വന്നിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.