നൻപർകൾ... സൗ​ഹൃ​ദ​ത്തി​ന്‍റെ ഇ​ഴ​യ​ടു​പ്പം തു​റ​ന്നു​കാ​ട്ടി സ്റ്റാ​ലി​നും പി​ണ​റാ​യി​യും

വൈ​ക്കം: ത​ന്തൈ പെ​രി​യാ​ർ സ്മാ​ര​ക​ത്തി​ന്‍റെ ഉ​ദ്​​ഘാ​ട​ന​ച്ച​ട​ങ്ങി​ൽ ചേ​ർ​ന്നു​നി​ന്നും ചേ​ർ​ത്തു​നി​ർ​ത്തി​യും കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​നും ത​മി​ഴ്​​നാ​ട്​ മു​ഖ്യ​മ​ന്ത്രി എം.​കെ. സ്റ്റാ​ലി​നും. സൗ​ഹൃ​ദ​ത്തി​ന്‍റെ ഇ​ഴ​യ​ടു​പ്പം വ്യ​ക്ത​മാ​ക്കു​ന്ന​താ​യി​രു​ന്നു ച​ട​ങ്ങ്. രാ​മ​സ്വാ​മി നാ​യ്ക്ക​രു​ടെ പ്ര​തി​മ​യി​ൽ പു​ഷ്പാ​ർ​ച്ച​ന​ക്കെ​ത്തി​യ പി​ണ​റാ​യിയെ സ്റ്റാ​ലി​നാ​ണ്​ കൈ​പി​ടി​ച്ച്​ പ​ടി​ക​ൾ ക​യ​റാ​ൻ സ​ഹാ​യി​ച്ച​ത്. ഏ​റെ​നേ​രം കൈ​ക​ൾ കോ​ർ​ത്തു​പി​ടി​ച്ചാ​ണ്​ ഇ​രു​വ​രും നി​ന്ന​ത്. ഇ​തി​നി​ടെ ‘ക​രു​ണാ​നി​ധി എ ​ലൈ​ഫ്’ എ​ന്ന പു​സ്ത​കം പി​ണ​റാ​യി​ക്ക് സ്റ്റാ​ലി​ൻ കൈ​മാ​റി. പു​ഷ്പാ​ർ​ച്ച​ന​ക്കു​ശേ​ഷം പെ​രി​യാ​ർ സ്മാ​ര​കം നാ​ട മു​റി​ച്ച് തു​റ​ന്നു​കൊ​ടു​ക്കു​മ്പോ​ഴും സൗ​ഹൃ​ദ​ചി​ത്രം തെ​ളി​ഞ്ഞു. നാട മു​റി​ക്കാ​ൻ പി​ണ​റാ​യിക്ക്​ സ്റ്റാ​ലി​ൻ ​ക​ത്രി​ക കൈ​മാ​റി. എ​ന്നാ​ൽ, സ്റ്റാ​ലി​ന്‍റെ കൈ ​ബ​ല​മാ​യി പി​ടി​ച്ച്​ ഒ​പ്പം​ ചേ​ർ​ത്താ​യി​രു​ന്നു നാട മു​റി​ച്ച​ത്. ഗ്ര​ന്ഥ​ശാ​ല സ​ന്ദ​ർ​ശ​ന​ത്തി​ലും ത​മാ​ശ​ക​ൾ പ​ങ്കി​ട്ട്​ ഒ​രു​മി​ച്ചാ​യി​രു​ന്നു ന​ട​ത്തം. പ​ല​ത​വ​ണ ഇ​രു​വ​രും ഒ​രു​മി​ച്ച്​ ഫോ​ട്ടോ​ക്ക്​ ​പോ​സ്​ ചെ​യ്തു.

പൊ​തു​സ​മ്മേ​ള​ന​വേ​ദി​യി​ലും പ​ര​സ്പ​ര ബ​ഹു​മാ​ന​ത്തോ​ടെ ചേ​ർ​ന്നു​നി​ന്നു. പ്ര​സം​ഗ​ത്തി​ലും ഇ​രു​വ​രും ​പ്ര​ശം​സ ചൊ​രി​ഞ്ഞു.

കേ​ര​ള​വും ത​മി​ഴ്​​നാ​ടും ത​മ്മി​ലു​ള്ള സ​ഹ​ക​ര​ണം പി​ണ​റാ​യി​എ​ടു​ത്തു പ​റ​ഞ്ഞു. കു​മ​ര​കം ലേ​ക്​ റി​സോ​ർ​ട്ടി​ലെ അടു​ത്ത മു​റി​ക​ളി​ൽ താ​മ​സി​ച്ച ഇ​രു​വ​രും പലവട്ടം കൂ​ടി​ക്കണ്ടു. പ്ര​ഭാ​ത​ഭ​ക്ഷ​ണ​വും ഒ​രു​മി​ച്ചാ​യി​രു​ന്നു. മു​ല്ല​പ്പെ​രി​യാ​ർ ത​ർ​ക്കം സം​ബ​ന്ധി​ച്ച്​ ച​ർ​ച്ച ന​ട​ക്കുമെ​ന്ന്​ ത​മി​ഴ്​​നാ​ട്​ വ്യ​ക്ത​മാ​ക്കി​യി​രു​ന്നെ​ങ്കി​ലും ഔ​​ദ്യോ​ഗി​ക ച​ർ​ച്ച ന​ട​ന്നി​ട്ടി​ല്ലെ​ന്നാ​ണ്​ വി​വ​രം.

വൈ​ക്ക​ത്ത് ത​ല​യെ​ടു​പ്പോ​ടെ തന്തൈ പെരിയാർ സ്മാരകം

വൈ​ക്കം: സ​മ​ത്വ​ത്തി​നാ​യു​ള്ള പോ​രാ​ട്ട​വ​ഴി​ക​ളി​ൽ ഉ​ജ്ജ്വ​ല മാ​തൃ​ക​യാ​യ വൈ​ക്ക​ത്തി​ന്‍റെ മ​ണ്ണി​ൽ ത​ല​യെ​ടു​പ്പോ​ടെ ഇ​നി ന​വീ​ക​രി​ച്ച ത​ന്തൈ പെ​രി​യാ​റി​ന്‍റെ സ്മാ​ര​ക​വും ഗ്ര​ന്ഥാ​ല​യ​വും. വൈ​ക്കം സ​ത്യ​ഗ്ര​ഹ സ​മ​ര​നാ​യ​ക​രി​ലൊ​രാ​ളാ​യി​രു​ന്ന പെ​രി​യാ​ർ ഇ.​വി. രാ​മ​സ്വാ​മി നാ​യ്ക്ക​രെ​ന്ന പെ​രി​യാ​റി​ന്‍റെ പേ​രി​ൽ വൈ​ക്കം വ​ലി​യ​ക​വ​ല​യി​ൽ ത​മി​ഴ്‌​നാ​ട് സ​ർ​ക്കാ​ർ സ്ഥാ​പി​ച്ച സ്മാ​ര​കം ന​വീ​ക​ര​ണം പൂ​ർ​ത്തി​യാ​ക്കി തു​റ​ന്നു​. ത​മി​ഴ്‌​നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ ഉ​ദ്​​ഘാ​ട​നം ചെ​യ്തു. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​ധ്യ​ക്ഷ​ത വ​ഹി​ച്ചു. ഇ.​വി. രാ​മ​സ്വാ​മി നാ​യ്ക്ക​രു​ടെ പ്ര​തി​മ​യി​ൽ പു​ഷ്പാ​ർ​ച്ച​ന​ക്കു​ശേ​ഷ​മാ​ണ് മ്യൂ​സി​യ​വും ഗ്ര​ന്ഥാ​ല​യ​വും തു​റ​ന്ന​ത്.

സ്മാ​ര​ക​ത്തി​ന്‍റെ മു​ഖ്യ​ക​വാ​ട​ത്തി​ൽ മ​ന്ത്രി​മാ​രാ​യ വി.​എ​ൻ. വാ​സ​വ​ൻ, സ​ജി ചെ​റി​യാ​ൻ, ത​മി​ഴ്‌​നാ​ട് മ​ന്ത്രി​മാ​രാ​യ ഇ.​വി. വേ​ലു, എം.​പി. സ്വാ​മി​നാ​ഥ​ൻ, ദ്രാ​വി​ഡ​ക​ഴ​കം നേ​താ​വ് കെ. ​വീ​ര​മ​ണി, ഡി.​സി.​കെ നേ​താ​വ് തി​രു​മാ​വ​ള​വ​ൻ എ​ന്നി​വ​ർ ചേ​ർ​ന്ന് മു​ഖ്യ​മ​ന്ത്രി​മാ​രെ സ്വീ​ക​രി​ച്ചു. മ്യൂ​സി​യ​വും ഗ്ര​ന്ഥാ​ല​യ​വും തു​റ​ന്നു​കൊ​ടു​ത്ത​ശേ​ഷം വൈ​ക്കം ബീ​ച്ചി​ലെ ഉ​ദ്ഘാ​ട​ന വേ​ദി​യി​ലേ​ക്കെ​ത്തി​യ ഇ​രു​മു​ഖ്യ​മ​ന്ത്രി​മാ​രെ​യും വ​ൻ ക​ര​ഘോ​ഷ​ത്തോ​ടെ​യാ​ണ് വ​ര​വേ​റ്റ​ത്. ത​മി​ഴ്​​നാ​ട്​ സ​ർ​ക്കാ​ർ ന​ട​ത്തി​യ വൈ​ക്കം സ​ത്യ​ഗ്ര​ഹ ശ​താ​ബ്ദി​യാ​ഘോ​ഷ​ങ്ങ​ളു​ടെ സ​മാ​പ​ന​ത്തി​നും ച​ട​ങ്ങ്​ വേ​ദി​യാ​യി.

വൈ​ക്കം വ​ലി​യ​ക​വ​ല​യി​ൽ 84 സെ​ന്‍റി​ലാ​ണ്​ ത​ന്തൈ പെ​രി​യാ​റി​ന്‍റെ സ്മാ​ര​കം. പെ​രി​യാ​റി​ന്‍റെ പ്ര​തി​മ, മ്യൂ​സി​യം, ലൈ​ബ്ര​റി എ​ന്നി​വ​യാ​ണ്​ ഉള്ള​ത്. ത​മി​ഴ്നാ​ട് സ​ർ​ക്കാ​ർ 8.14 കോ​ടി അ​നു​വ​ദിച്ച് ത​മി​ഴ്‌​നാ​ട് പൊ​തു​മ​രാ​മ​ത്ത് ​വ​കു​പ്പി​ന്‍റെ മേ​ൽ​നോ​ട്ട​ത്തിലായിരുന്നു ന​വീ​ക​ര​ണം.

രാജ്യത്തിന്‍റെ വഴിവിളക്ക്​ -സ്റ്റാലിൻ

വൈ​ക്കം: കേ​ര​ള​ത്തി​നു മാ​ത്ര​മ​ല്ല, രാ​ജ്യ​ത്തി​ന്​ മു​ഴു​വ​നും വ​ഴി​വി​ള​ക്കാ​യി​രു​ന്നു വൈ​ക്കം സ​ത്യ​ഗ്ര​ഹ സ​മ​ര​മെ​ന്ന്​ ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ. അ​വ​കാ​ശം ലം​ഘി​ച്ച​വ​ർ ഇ​ന്ന്​ ന​മ്മെ സ്വീ​ക​രി​ച്ച് ആ​ന​യി​ക്കു​ന്ന​തി​ന്​ പി​ന്നി​ൽ ആ ​പോ​രാ​ട്ട​മാ​ണ്. വൈ​ക്കം പ്ര​ക്ഷോ​ഭ​ത്തി​ന്‍റെ ശ​താ​ബ്ദി ആ​ഘോ​ഷി​ക്കു​ന്ന​ത് സ​മ​ര​വീ​ര​ന്മാ​രെ ആ​ദ​രി​ക്കാ​ൻ​വേ​ണ്ടി മാ​ത്ര​മ​ല്ല. അ​വ​ർ സ്വ​പ്‌​നം​ക​ണ്ട സ​മ​ത്വം സൃ​ഷ്ടി​ക്ക​ണ​മെ​ന്ന്​ ഓ​ർ​മി​പ്പി​ക്കാ​ൻ കൂ​ടി​യാ​ണെ​ന്നും വൈ​ക്ക​ത്ത്​ ത​ന്തൈ പെ​രി​യാ​ർ സ്മാ​ര​കം, പെ​രി​യാ​ർ ഗ്ര​ന്ഥ​ശാ​ല എ​ന്നി​വ​യു​ടെ ഉ​ദ്ഘാ​ട​നം നി​ർ​വ​ഹി​ക്ക​വേ അ​ദ്ദേ​ഹം പ​റ​ഞ്ഞു. എ​ല്ലാ​വ​ർ​ക്കും സ​മ​ത്വം എ​ന്ന​താ​ണ് ത​മി​ഴ്നാ​ട് സ​ർ​ക്കാ​റി​ന്‍റെ ദ്രാ​വി​ഡ മോ​ഡ​ൽ. ത​ന്തൈ പെ​രി​യാ​റി​ന്‍റെ ആ​ത്മാ​ഭി​മാ​ന പ്ര​സ്ഥാ​ന​വും ഇ​ട​പെ​ട​ലു​ക​ളു​മാ​ണ് അ​തി​ന്‍റെ അ​ടി​ത്ത​റ. സാ​മൂ​ഹി​ക​നീ​തി​യും സ​മ​ത്വ​വും സ്വാ​ഭി​മാ​ന​വും നി​യ​മ​ങ്ങ​ളി​ലൂ​ടെ​യും ച​ട്ട​ങ്ങ​ളി​ലൂ​ടെ​യും മാ​ത്രം ന​ട​പ്പാ​ക്കാ​ൻ ക​ഴി​യു​ന്ന​ത​ല്ല. ന​മ്മു​ടെ മ​നോ​ഭാ​വ​വും മാ​റ​ണം. ത​ന്തൈ പെ​രി​യാ​റും ശ്രീ​നാ​രാ​യ​ണ ഗു​രു​വും അം​ബേ​ദ്ക​റും അ​യ്യ​ങ്കാ​ളി​യും എ​ല്ലാ​വ​ർ​ക്കും എ​ല്ലാ​മെ​ന്ന ത​ത്ത്വം ഉ​ൾ​ക്കൊ​ണ്ടു. സ​മ​ത്വ​സ​മൂ​ഹം സ്ഥാ​പി​ക്കു​ക​യെ​ന്ന ആ​ശ​യ​ത്തി​ൽ ത​മി​ഴ്നാ​ടും കേ​ര​ള​വും ഒ​ന്നാ​ണ്. ആ ​സ​ഹ​ക​ര​ണം തു​ട​രു​മെ​ന്നും സ്റ്റാ​ലി​ൻ പ​റ​ഞ്ഞു.

സഹകരണം വ്യാപിപ്പിക്കണം -പിണറായി

വൈ​ക്കം: സം​സ്ഥാ​ന​ങ്ങ​ൾ​ക്കു​മേ​ൽ നി​ര​ന്ത​ര കൈ​ക​ട​ത്ത​ലു​ണ്ടാ​കു​ന്ന സാ​ഹ​ച​ര്യ​ത്തി​ൽ കേ​ര​ള- ത​മി​ഴ്​​നാ​ട്​ മോ​ഡ​ൽ സ​ഹ​ക​ര​ണം രാ​ജ്യ​ത്തി​ന്‍റെ മ​റ്റ്​ ഭാ​ഗ​ങ്ങ​ളി​ലേ​ക്ക്​ വ്യാ​പി​പ്പി​ക്കേ​ണ്ട​തു​ണ്ടെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. കേ​ര​ള​ത്തി​ന്‍റെ പ്ര​ശ്ന​ങ്ങ​ളി​ൽ ത​മി​ഴ്നാ​ടും തിരിച്ചും പ​ര​സ്പ​രം കൈ​ത്താ​ങ്ങാ​വു​ക​യാ​ണ്. സ​ഹ​ക​ര​ണാ​ത്മ​ക ഫെ​ഡ​റ​ലി​സ​ത്തി​ന്‍റെ യ​ഥാ​ർ​ഥ ചി​ത്ര​മാ​ണ്​ നാം മു​ന്നോ​ട്ടു​വെ​ക്കു​ന്ന​ത്. വാ​ക്കു​ക​ളി​ൽ ഒ​തു​ങ്ങു​ന്ന​ത​ല്ല, പ്ര​വൃ​ത്തി​യി​ൽ വെ​ളി​വാ​കു​ന്ന സ​ഹ​ക​ര​ണ​മാ​ണി​തെ​ന്ന് അധ്യക്ഷപ്രസംഗത്തിൽ പി​ണ​റാ​യി പ​റ​ഞ്ഞു. സാ​മ്പ​ത്തി​ക സ്വ​യം​ഭ​ര​ണ​മ​ട​ക്ക​മു​ള്ള സം​സ്ഥാ​ന​സ​ർ​ക്കാ​റു​ക​ളു​ടെ അ​വ​കാ​ശ​ങ്ങ​ൾ​ക്കു​മേ​ൽ കൈ​ക​ട​ത്ത​ലു​ണ്ടാ​വു​ന്ന ഇ​ക്കാ​ല​ത്ത്​ കൂ​ടു​ത​ൽ സം​സ്ഥാ​ന​ങ്ങ​ളു​ടെ ഇ​ട​യി​ൽ ഇ​ത്ത​രം സ​ഹ​ക​ര​ണം ഉ​ണ്ടാ​ക​ണം.

അ​തി​ർ​വ​ര​മ്പു​ക​ൾ​ക്ക​തീ​ത​മാ​യ സ​ഹ​വ​ർ​ത്തി​ത്വ​വും സ​ഹ​ക​ര​ണ​വു​മാ​ണ് വൈ​ക്കം സ​ത്യ​ഗ്ര​ഹ​ത്തി​ൽ ക​ണ്ട​ത്. ആ ​സ​ഹ​ക​ര​ണം തു​ട​ർ​ന്നു​കൊ​ണ്ടു​പോ​വു​ക​യാ​ണ് കേ​ര​ള​വും ത​മി​ഴ്നാ​ടും ചെ​യ്യു​ന്ന​ത്. പെ​രി​യാ​ർ വ്യ​ക്തി​ക​ളു​ടെ സ്വാ​ഭി​മാ​ന​ത്തി​നാ​യി നി​ല​കൊ​ണ്ടെ​ങ്കി​ൽ സം​സ്ഥാ​ന​ങ്ങ​ൾ അ​വ​യു​ടെ സ്വാ​ഭി​മാ​ന​ത്തി​നാ​യി നി​ല​കൊ​ള്ള​ണ​മെ​ന്നാ​ണ്​ കാ​ലം ആ​വ​ശ്യ​പ്പെ​ടു​ന്ന​ത് -മു​ഖ്യ​മ​ന്ത്രി പ​റ​ഞ്ഞു.