കൊച്ചി: മുൻ മുഖ്യമന്ത്രി ഉമ്മൻചാണ്ടിക്കെതിരായ ആരോപണങ്ങളിൽ ഉറച്ചുനിൽക്കുന്നുവെന്ന് സോളാർ കേസ് മുഖ്യപ്രതി സരിത എസ്. നായർ. താൻ സോളാർ കമീഷന് മുമ്പാകെ കൊടുത്ത തെളിവുകളിൽ 70 ശതമാനവും ഉമ്മൻചാണ്ടിക്ക് എതിരാണ്. അദ്ദേഹം ആരോപണങ്ങൾ നിഷേധിക്കുന്നത് സ്വാഭാവികമാണെന്നും സരിത പറഞ്ഞു.
തന്നെ കണ്ടിട്ടില്ല, കേട്ടിട്ടില്ല, മിണ്ടിയിട്ടില്ല, സോളാർ കമ്പനിയുമായി യാതൊരു ഇടപാടും നടത്തിയിട്ടില്ല, താനുമായി യാതൊരു ബന്ധവുമില്ല എന്നാണ് ഉമ്മൻചാണ്ടി പറഞ്ഞിട്ടുള്ളത്. ഇക്കാര്യം അദ്ദേഹത്തോട് നേരിട്ടു ചോദിക്കാനാണ് ക്രോസ് വിസ്താരം ആവശ്യപ്പെട്ടതെന്നും സരിത മാധ്യമങ്ങളോട് പറഞ്ഞു.
അതേസമയം, ഉമ്മൻചാണ്ടിയെ ക്രോസ് വിസ്താരം ചെയ്യാൻ സരിത നായർക്ക് സോളാർ കമീഷൻ അനുമതി നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.