പ്രതി മിനീഷ്
താമരശ്ശേരി: കായികതാരമായ വിദ്യാര്‍ഥിനിയെ പീഡിപ്പിച്ച കായികാധ്യാപകന്‍ അറസ്റ്റില്‍. മലയോര മേഖലയിലെ സ്‌കൂള്‍ അധ്യാപകൻ കോടഞ്ചേരി നെല്ലിപ്പൊയില്‍ മീന്‍മുട്ടി വട്ടപ്പാറയില്‍ വി.ടി. മിനീഷിനെയാണ് (41) താമരശ്ശേരി പൊലീസ് പോക്സോ കേസിൽ അറസ്റ്റ് ചെയ്തത്.
പെണ്‍കുട്ടിയെ പ്രായപൂര്‍ത്തിയാവുന്നതിനുമുമ്പ് സ്‌കൂളിനു സമീപത്തെ വാടകമുറിയിലും നെല്ലിപ്പൊയിലിലുള്ള മിനീഷിെൻറ ബന്ധുവീട്ടിലെത്തിച്ചും 2019ൽ രണ്ടു തവണ പീഡിപ്പിച്ചുവെന്നാണ് പരാതി. സ്‌കൂൾമുറിയിൽ കടന്നുപിടിച്ചതായും നിരന്തരം ശല്യംചെയ്തതായും പെണ്‍കുട്ടി മൊഴി നൽകിയിട്ടുണ്ട്.
ഇയാള്‍ ഇപ്പോള്‍ തെയ്യപ്പാറയില്‍ വാടകക്ക് താമസിച്ചുവരുകയാണ്. പ്രതിയെ പോക്സോ അടക്കമുള്ള വകുപ്പുകള്‍ ചേര്‍ത്താണ് അറസ്റ്റ് ചെയ്തത്. മറ്റു ചില വിദ്യാര്‍ഥിനികളെയും പീഡിപ്പിച്ചതായി സംശയമുണ്ടെന്നും ഒരു വിദ്യാർഥിനിയോട് അസഭ്യമായി സംസാരിച്ചതിെൻറ ശബ്ദരേഖ ലഭിച്ചതായും പൊലീസ് പറഞ്ഞു.
മറ്റു വിദ്യാർഥികൾക്ക് മോശമായ പെരുമാറ്റം ഉണ്ടായോ എന്നന്വേഷിക്കാൻ സ്കൂൾ അധികൃതരോട് ആവശ്യപ്പെട്ടതായി താമരശ്ശേരി ഡിവൈ.എസ്.പി അശ്റഫ് തെങ്ങലക്കണ്ടി പറഞ്ഞു.
അതിനിടെ, മിനീഷിനെ സ്കൂൾ മാനേജ്മെൻറ് സസ്പെൻഡ്‌ ചെയ്തു. മന്ത്രി വി. ശിവൻകുട്ടിയുടെ നിർദേശപ്രകാരമാണ് നടപടി.
താമരശ്ശേരി ഇന്‍സ്‌പെക്ടര്‍ ടി.എ. അഗസ്റ്റിൻ, എസ്.ഐമാരായ കെ. പ്രജീഷ്, ലളിത എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.