ഓയൂർ: വെളിനല്ലൂർ ഗ്രാമപഞ്ചായത്തിൽ സ്ഥിരം സമിതി അംഗങ്ങളുടെ തെരഞ്ഞെടുപ്പിൽ എൽ.ഡി.എഫ് വോട്ട് ബി.ജെ.പിക്ക്. ഇതോടെ ബി.ജെ.പി അംഗങ്ങളായ ജ്യോതിദാസും ഡി. രമേശനും സ്ഥിരം കമ്മറ്റിയംഗങ്ങളായി.
വെൽഫെയർ പാർട്ടിയും മുസ്ലിം ലീഗും യു.ഡി.എഫിന് അനുകൂലമായി വോട്ട് ചെയ്തു. കോൺഗ്രസിൽ നിന്ന് ഒരാൾ ജയിച്ചു. 17 അംഗങ്ങൾ ഉള്ള പഞ്ചായത്ത് ഭരണസമിതിയിൽ എൽ.ഡി.എഫ് എട്ട്, യു.ഡി.എഫ് അഞ്ച്, മുസ്ലിം ലീഗ് രണ്ട്, ബി.ജെ.പി രണ്ട് എന്നിങ്ങനെയാണ് കക്ഷി നില.
ആർക്കും വ്യക്തമായ ഭൂരിപക്ഷമില്ലാത്തതിനാൽ സ്ഥിരം സമിതി അധ്യക്ഷന്മാരുടെ തെരഞ്ഞെടുപ്പ് എങ്ങനെയാകുമെന്ന് ആശങ്കയുണ്ട്. ബി.ജെ.പിക്ക് അനുകൂലമായി വോട്ട് ചെയ്തതിൽ യു.ഡി.എഫ് പ്രതിഷേധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.