തലശ്ശേരി: തലശ്ശേരിയിൽ ട്രെയിനിന് കല്ലേറ് നടത്തിയ സംഭവത്തിൽ രണ്ടുപേർ അറസ്റ്റിൽ. മംഗലാപുരം - തിരുവനന്തപുരം ഏറനാട് എക്സ്പ്രസിന് നേരെ വ്യാഴാഴ്ച രാവിലെ 10.20ഓടെയാണ് കല്ലേറ് നടന്നത്. കോഴിക്കോട് ചേളന്നൂർ പാലത്ത് സ്വദേശി മുട്ടേരി ഹൗസിൽ സാദിഖലി (30), മാഹി അഴിയൂർ സ്വദേശി അലീഘറിൽ മൊയ്തു (53) എന്നിവരാണ് അറസ്റ്റിലായത്.
ട്രെയിനിൽ സാധനങ്ങൾ വിൽപന നടത്തുന്നവരാണിവർ. ട്രെയിൻ പ്ലാറ്റ്ഫോമിൽ എത്തിയ സമയം ഇരുവരും തമ്മിൽ വാക്കേറ്റമുണ്ടാവുകയും തുടർന്ന് കല്ലേറ് നടത്തുകയുമായിരുന്നു. ട്രെയിനിന് നേരെയാണ് കല്ല് പതിച്ചത്. യാത്രക്കാർക്ക് പരിക്കേറ്റതായി വിവരമില്ല. ട്രെയിൻ വടകരയിൽ എത്തിയപ്പോഴാണ് ആർ.പി.എഫ് സംഘം ഇരുവരെയും അറസ്റ്റ് ചെയ്തത്. സംഭവത്തിൽ ആർ.പി.എഫ് കേസെടുത്ത ശേഷം ഇവരെ ജാമ്യത്തിൽ വിട്ടയച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.