ടി. ന​സി​റു​ദ്ദീ​ൻ: വ്യാപാരികളുടെ അനിഷേധ്യ നേതാവ്

കോ​ഴി​ക്കോ​ട്: വി​വാ​ദ​ങ്ങ​ളും ക​ടു​ത്ത ഭി​ന്ന​ത​ക​ളും പ​ല​ത​വ​ണ വെ​ല്ലു​വി​ളി ഉ​യ​ർ​ത്തി​യി​ട്ടും പ​ത​റാ​തെ മൂ​ന്നു പ​തി​റ്റാ​ണ്ടു​കാ​ലം വ്യാ​പാ​രി​ക​ളു​ടെ സം​സ്ഥാ​ന സം​ഘ​ട​ന​യു​ടെ അ​മ​ര​ത്ത് തു​ട​ർ​ന്ന നേ​താ​വാ​ണ് വി​ട​പ​റ​യു​ന്ന​ത്. കോ​ഴി​ക്കോ​ട്ടെ മി​ഠാ​യി​ത്തെ​രു​വി​ൽ തു​ണി​ക്ക​ച്ച​വ​ട​ക്കാ​ര​നാ​യി ഒ​തു​ങ്ങി​പ്പോ​കാ​തെ സ​മ​ര​മു​ഖ​ങ്ങ​ളി​ലും സം​ഘ​ർ​ഷ​ങ്ങ​ളി​ലും നെ​ഞ്ചൂ​ക്കോ​ടെ മു​ന്നി​ൽ​നി​ന്നാ​ണ് വ്യാ​പാ​രി​ക​ളു​ടെ, ചോ​ദ്യം ചെ​യ്യ​പ്പെ​ടാ​നാ​വാ​ത്ത നേ​താ​വാ​യി വ​ള​ർ​ന്ന​ത്.

കേ​ര​ള​ത്തി​ലു​ട​നീ​ളം വ്യാ​പാ​രി സ​മൂ​ഹം ത​ങ്ങ​ളു​ടെ ഇ​ഷ്ട​നേ​താ​വാ​യി എ​ന്നും അ​ദ്ദേ​ഹ​ത്തെ ക​ണ്ടു. ക​ക്ഷി രാ​ഷ്ട്രീ​യ-​മ​ത ചി​ന്ത​ക​ൾ​ക്ക​തീ​ത​മാ​യി വ്യാ​പാ​രി സ​മൂ​ഹ​ത്തി​ന്റെ ന​ന്മ ല​ക്ഷ്യ​മി​ട്ട് അ​വ​സാ​നം വ​രെ​യും പ്ര​വ​ർ​ത്തി​ച്ചു. ഹി​മാ​യ​ത്തു​ൽ ഇ​സ്‍ലാം എ​ൽ.​പി സ്കൂ​ൾ, മ​ല​ബാ​ർ ക്രി​സ്ത്യ​ൻ സ്കൂ​ൾ എ​ന്നി​വി​ട​ങ്ങ​ളി​ൽ പ്രാ​ഥ​മി​ക വി​ദ്യാ​ഭ്യാ​സം. എ​സ്.​എ​സ്.​എ​ൽ.​സി​ക്കു​ശേ​ഷം ക​ച്ച​വ​ട രം​ഗ​ത്തി​റ​ങ്ങി​യ അ​ദ്ദേ​ഹം ത​റ​വാ​ട്ടു​വ​ക വ്യാ​പാ​ര സ്ഥാ​പ​ന​ത്തി​ൽ പി​താ​വി​ന്റെ സ​ഹാ​യി​യാ​യാ​ണ് തു​ട​ങ്ങി​യ​ത്. പി​താ​വി​ന്റെ മ​ര​ണ​ശേ​ഷം സ്ഥാ​പ​ന​ത്തി​ന്റെ നി​യ​​ന്ത്ര​ണം ഏ​റ്റെ​ടു​ത്ത അ​ദ്ദേ​ഹം ക്ര​മേ​ണ ബി​സി​ന​സ് രം​ഗ​ത്ത് കൂ​ടു​ത​ൽ ക​രു​ത്തു​നേ​ടി​ത്തു​ട​ങ്ങി. സം​ഘ​ട​ന പ്ര​വ​ർ​ത്ത​ന​ത്തി​ൽ താ​ൽ​പ​ര്യം തോ​ന്നി വ്യാ​പാ​രി​ക​ൾ​ക്കാ​യി ഒ​രു സം​ഘ​ട​ന രൂ​പം ന​ൽ​കി. വ്യാ​പാ​രി​ക​ളു​ടെ വി​ഷ​യ​ങ്ങ​ൾ പൊ​തു​സ​മൂ​ഹ​ത്തി​ലെ​ത്തി​ക്കാ​ൻ 'വ്യാ​പാ​ര വേ​ദി' എ​ന്ന പേ​രി​ൽ ദ്വൈ​വാ​രി​ക 15 വ​ർ​ഷ​ത്തോ​ളം ന​ട​ത്തി.

വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി​യു​ടെ അ​ധ്യ​ക്ഷ​നാ​യി ചു​മ​ത​ല​യേ​ൽ​ക്കു​ന്ന​ത് 1991ൽ. ​പി​ന്നീ​ട് ഇ​തു​വ​രെ​യും മ​റ്റൊ​രു പേ​രി​ല്ലാ​തെ ആ ​പ​ദ​വി​യി​ൽ ന​സി​റു​ദ്ദീ​ൻ മാ​ത്ര​മാ​യി​രു​ന്നു. ബ​ഹു​രാ​ഷ്ട്ര ഭീ​മ​നാ​യ ഹി​ന്ദു​സ്ഥാ​ൻ ലി​വ​റി​ന്റെ ഉ​ൽ​പ​ന്ന​ങ്ങ​ൾ ബ​ഹി​ഷ്ക​രി​ച്ച് ന​സി​റു​ദ്ദീ​ന്റെ നേ​തൃ​ത്വ​ത്തി​ൽ ന​ട​ന്ന സ​മ​രം സം​സ്ഥാ​ന ശ്ര​ദ്ധ പി​ടി​ച്ചു​പ​റ്റി. അ​ടു​പ്പ​ക്കാ​രെ പോ​ലെ എ​തി​രാ​ളി​ക​ളും ധാ​രാ​ള​മു​ണ്ടാ​യി​രു​ന്നു. അ​ഴി​മ​തി ആ​രോ​പ​ണ​ങ്ങ​ളും മ​റ്റും പ​ല ഘ​ട്ട​ങ്ങ​ളി​ലാ​യി അ​ദ്ദേ​ഹ​ത്തി​നെ​തി​രെ ഉ​യ​ർ​ന്നെ​ങ്കി​ലും സം​ഘ​ട​ന​യി​ൽ കാ​ര്യ​മാ​യ ​വെ​ല്ലു​വി​ളി​ക​ളു​യ​ർ​ന്നി​ല്ല. ഉ​യ​ർ​ന്ന​പ്പോ​ഴാ​ക​ട്ടെ, കൂ​ടു​ത​ൽ ക​രു​ത്തോ​ടെ ന​സി​റു​ദ്ദീ​ൻ ജ​യി​ച്ചു​ക​യ​റു​ക​യും ചെ​യ്തു. സം​സ്ഥാ​ന സ​ർ​ക്കാ​റി​ന്റെ വ്യാ​പാ​രി ക്ഷേ​മ ബോ​ർ​ഡ് വൈ​സ് ചെ​യ​ർ​മാ​ൻ, കേ​ര​ള മെ​ർ​ക്ക​ന്റ​യി​ൽ ബാ​ങ്ക് ചെ​യ​ർ​മാ​ൻ, മം​ഗ​ളം ദി​ന​പ​ത്രം മാ​നേ​ജി​ങ് ഡ​യ​റ​ക്ട​ർ തു​ട​ങ്ങി​യ നി​ല​ക​ളി​ൽ വ്യ​ക്തി​മു​ദ്ര പ​തി​പ്പി​ച്ചു.

വ​യ​നാ​ട് എ​ജു​ക്കേ​ഷ​ൻ ട്ര​സ്റ്റ് ചെ​യ​ർ​മാ​നാ​യി​രു​ന്നു. മും​ബൈ കേ​ന്ദ്ര​മാ​യ ക​മ്പ​നി 'സം​ഘാ​ട​ക ര​ത്ന' അ​വാ​ർ​ഡ് ന​ൽ​കി​യി​ട്ടു​ണ്ട്. രാ​ഷ്ട്രീ​യ രം​ഗ​ത്തും ന​സി​റു​ദ്ദീ​ൻ ചു​വ​ടു​വെ​ക്കാ​ൻ ശ്ര​മം ന​ട​ത്തി. 'കേ​ര​ള ക​ർ​ഷ​ക വ്യാ​പാ​രി പാ​ർ​ട്ടി' എ​ന്ന പേ​രി​ല്‍ രാ​ഷ്ട്രീ​യ പാ​ര്‍ട്ടി രൂ​പ​വ​ത്ക​രി​ക്കാ​നും ശ്ര​മം ന​ട​ത്തി​യെ​ങ്കി​ലും അ​വ​സാ​ന നി​മി​ഷം വേ​ണ്ടെ​ന്നു​വെ​ക്കു​ക​യാ​യി​രു​ന്നു.

അവകാശ പോരാട്ടങ്ങളുടെ നെടുംതൂൺ

മ​ല​പ്പു​റം: വ്യാ​പാ​രി​ക​ളു​ടെ അ​വ​കാ​ശ പോ​രാ​ട്ട​ങ്ങ​ളു​ടെ നെ​ടും​തൂ​ണാ​യി​രു​ന്നു കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന​സ​മി​തി സം​സ്ഥാ​ന പ്ര​സി​ഡ​ന്‍റ്​ ടി. ​ന​സി​റു​ദ്ദീ​ൻ. വ്യാ​പാ​ര മേ​ഖ​ല​യെ ബാ​ധി​ക്കു​ന്ന സ​ർ​ക്കാ​റി​ന്‍റെ നി​ല​പാ​ടു​ക​ൾ​ക്കെ​തി​രെ മു​ന്നി​ൽ​നി​ന്ന്​ പൊ​രു​തി​യ ന​സി​റു​ദ്ദീ​ൻ കേ​ര​ള​ത്തി​ലെ വ്യാ​പാ​രി​ക​ളു​ടെ മു​ഖ​മാ​യി മാ​റി.

ക​ച്ച​വ​ട​ക്കാ​രെ​യും ​വ്യാ​പാ​ര മേ​ഖ​ല​യെ​യും സം​ഘ​ടി​പ്പി​ച്ച്​ ഒ​രു​മി​ച്ചു നി​ർ​ത്തി​യ​തി​ൽ അ​ദ്ദേ​ഹം വ​ഹി​ച്ച പ​ങ്ക്​ വി​സ്മ​രി​ക്കാ​നാ​വി​ല്ല. കോ​വി​ഡ്​ നി​യ​ന്ത്ര​ണ​ങ്ങ​ളു​ടെ പേ​രി​ൽ വ്യാ​പാ​ര​മേ​ഖ​ല അ​ട​ച്ചു​പൂ​ട്ടി​യ​പ്പോ​ൾ, പ്ര​ള​യ​ക്കെ​ടു​തി​യി​ലെ വ്യാ​പാ​ര മേ​ഖ​ല​യു​ടെ ത​ള​ർ​ച്ച​യി​ൽ സ​ർ​ക്കാ​ർ അ​വ​ഗ​ണി​ച്ച​പ്പോ​ൾ, മി​ഠാ​യി​തെ​രു​വ്​ ന​വീ​ക​ര​ണം തു​ട​ങ്ങി​യ പ്ര​തി​സ​ന്ധി ഘ​ട്ട​ങ്ങ​ളി​​ലെ​ല്ലാം വ്യാ​പാ​ര സ​മൂ​ഹ​ത്തി​ന്‍റെ ആ​ർ​ജ​വ​മു​ള്ള മു​ഖ​മാ​യി നി​റ​ഞ്ഞു​നി​ന്നു. തു​ട​ർ​ച്ച​യാ​യ ഹ​ർ​ത്താ​ലി​നെ​തി​രെ​യും അ​ദ്ദേ​ഹം ക​ച്ച​വ​ട​ക്കാ​രു​ടെ ക​രു​ത്താ​യി മു​ന്നി​ലു​ണ്ടാ​യി​രു​ന്നു. ഹ​ർ​ത്താ​ലു​ക​ളോ​ട്​ സ​ഹ​ക​രി​ക്കി​ല്ലെ​ന്നും ക​ട​ക​ൾ തു​റ​ക്കു​മെ​ന്നും പ​റ​ഞ്ഞ്​ നി​ര​വ​ധി ത​വ​ണ അ​​ദ്ദേ​ഹം ഹ​ർ​ത്താ​ലി​നെ​തി​രെ ശ​ക്ത​മാ​യി രം​ഗ​ത്തു​വ​ന്നു.

ഹ​ർ​ത്താ​ൽ വി​രു​ദ്ധ വ്യാ​പാ​രി കൂ​ട്ടാ​യ്മ​യെ​ന്ന ആ​ശ​യ​ത്തി​ലേ​ക്ക്​ വ്യാ​പാ​ര സ​മൂ​ഹ​ത്തെ കൊ​ണ്ടു​വ​രാ​ൻ അ​ദ്ദേ​ഹ​ത്തി​ന്‍റെ ഭാ​ഗ​ത്തു​നി​ന്ന്​ വ്യാ​പ​ക ശ്ര​മ​മു​ണ്ടാ​യി. സം​ഘ​ട​ന​യു​ടെ നേ​തൃ​ത്വ​ത്തി​ൽ മാ​റ്റം വേ​ണ​മെ​ന്നാ​വ​ശ്യ​പ്പെ​ട്ട്​ ഇ​രു​വി​ഭാ​ഗ​മാ​യി തി​രി​ഞ്ഞ്​ ന​ട​ന്ന തെ​ര​ഞ്ഞെ​ടു​പ്പി​ല​ട​ക്കം വി​ജ​യം അ​​ദ്ദേ​ഹ​ത്തി​നൊ​പ്പ​മാ​യി​രു​ന്നെ​ന്ന​ത്​ കേ​ര​ള​ത്തി​ലെ വ്യാ​പാ​രി​ക​ളു​​ടെ ഇ​ട​യി​ലെ ന​സി​റു​ദ്ദീ​ന്‍റെ സ്വാ​ധീ​നം​ത​ന്നെ​യാ​ണ് വെ​ളി​വാ​ക്കി​യ​ത്​.

കോ​ഴി​​ക്കോ​ട്ട്​​ മാ​ത്ര​മ​ല്ല മ​റ്റു ജി​ല്ല​ക​ളി​ലേ​യും വ്യാ​പാ​ര സ​മ​ര​ങ്ങ​ളി​ലും ഏ​കോ​പ​ന​ങ്ങ​ളി​ലും അ​ദ്ദേ​ഹ​ത്തി​ന്‍റെ സാ​ന്നി​ധ്യം വ​ലി​യ ഗു​ണം ചെ​യ്തി​രു​ന്നു. ജി.​എ​സ്.​ടി​യു​ടെ പേ​രി​ലും മ​റ്റ്​ ലൈ​സ​ൻ​സു​ക​ളു​ടെ പേ​രി​ലും വ്യാ​പാ​രി​ക​ൾ നേ​രി​ടു​ന്ന പീ​ഡ​ന​ങ്ങ​ൾ​ക്കെ​തി​രെ അ​ദ്ദേ​ഹം സ​ർ​ക്കാ​ർ സം​വി​ധാ​ന​ങ്ങ​​​ളോ​ടും ഉ​ദ്യോ​ഗ​സ്ഥ​രോ​ടും നി​ര​ന്ത​രം പൊ​രു​തി.