അങ്കമാലി: യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിലെ പ്രതി തുറവൂർ സൗത്ത് കിടങ്ങൂർ അമ്പാടൻ വീട്ടിൽ സന്ദീപ് രാജിനെ (25) അങ്കമാലി പൊലീസ് അറസ്റ്റ് ചെയ്തു. ബുധനാഴ്ച രാത്രി തുറവൂർ ശിവജിപുരം അമ്പലത്തിന് സമീപം റോഡ് സൈഡിൽ സുഹൃത്തുക്കളുമൊത്ത് സംസാരിച്ച് നിന്നിരുന്ന അനുരാജ് എന്ന യുവാവിനെയാണ് ഇയാൾ വെട്ടിക്കൊല്ലാൻ ശ്രമിച്ചത്.
റോഡിലൂടെ അമിത വേഗതയിൽ മോട്ടോർ സൈക്കിൾ ഓടിച്ചു പോയ സന്ദീപ് രാജിനോട് വേഗത കുറച്ച് പോകാൻ അനുരാജ് പറഞ്ഞിരുന്നു. ഇതേ തുടർന്ന് പ്രകോപിതനായ സന്ദീപ് രാജ് കൈയിൽ കരുതിയിരുന്ന വടിവാളുകൊണ്ട് അനുരാജിന്റെ മുഖത്ത് വെട്ടുകയും താഴെ വീണ ഇയാളെ ചവിട്ടുകയുമായിരുന്നുവെന്ന് പൊലീസ് പറഞ്ഞു.
രക്ഷപ്പെടുന്നതിനിടെ കാലടി ചെങ്ങൽ ഭാഗത്ത് വെച്ചുണ്ടായ വാഹനാപകടത്തിൽ പരിക്ക് പറ്റി അങ്ക മാലിയിൽ ചികിത്സക്ക് വന്നപ്പോഴാണ് പ്രതി പിടിയിലായത്. അങ്കമാലിയിൽ രജിസ്റ്റർ ചെയ്ത മയക്ക് മരുന്ന്, ആക്രമണ കേസുകളിൽ ഇയാൾ പ്രതിയാണെന്നും പൊലീസ് പറഞ്ഞു. അങ്കമാലി ഇൻസ്പെക്ടർ പി.എം ബൈജുവിന്റെ നേതൃത്വത്തിലാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.