നവകേരള സദസ്സ്​​ കെ​ങ്കേമമാക്കാൻ​​ തദ്ദേശ, സഹകരണ സ്ഥാപനങ്ങളുടെ ‘കഴുത്തിന്’​ പിടിച്ച്​ സർക്കാർ

കോ​ട്ട​യം: കേ​ര​ളീ​യ​വു​മാ​യി ബ​ന്ധ​പ്പെ​ട്ട പി​രി​വ്, സ്പോ​ൺ​സ​ർ​ഷി​പ് വി​വാ​ദം നി​ല​നി​ൽ​ക്കെ ‘ന​വ​കേ​ര​ള സ​ദ​സ്സി’​നാ​യി ത​ദ്ദേ​ശ സ്ഥാ​പ​ന​ങ്ങ​ളെ​യും സ​ഹ​ക​ര​ണ സം​ഘ​ങ്ങ​ളെ​യും പി​ഴി​യാ​നൊ​രു​ങ്ങി സ​ർ​ക്കാ​ർ. ന​വ​കേ​ര​ള സ​ദ​സ്സ്​​ ന​ട​ത്തി​പ്പി​ന്​ ത​ദ്ദേ​ശ സ്ഥാ​പ​ന​ങ്ങ​ളു​ടെ ത​ന​ത് ഫ​ണ്ടി​ൽ​നി​ന്ന് ക്വോ​ട്ട നി​ശ്ച​യി​ച്ചും സം​ഭാ​വ​ന ന​ൽ​കാ​ൻ സ​ഹ​ക​ര​ണ സ്ഥാ​പ​ന​ങ്ങ​ൾ​ക്ക്​ അ​നു​മ​തി ന​ൽ​കി​യു​മു​ള്ള ഉ​ത്ത​ര​വു​ക​ളാ​ണ്​ സ​ർ​ക്കാ​ർ പു​റ​ത്തി​റ​ക്കി​യ​ത്. സാ​മ്പ​ത്തി​ക പ്ര​തി​സ​ന്ധി​യി​ലാ​യ ത​ദ്ദേ​ശ, സ​ഹ​ക​ര​ണ സ്ഥാ​പ​ന​ങ്ങ​ളെ കൂ​ടു​ത​ൽ ക​ട​ക്കെ​ണി​യി​ലാ​ക്കു​ന്ന​താ​ണ് ഈ ​തീ​രു​മാ​നം.

മു​ഖ്യ​മ​ന്ത്രി​യും മ​ന്ത്രി​മാ​രും പ​​ങ്കെ​ടു​ക്കു​ന്ന ന​വ​കേ​ര​ള സ​ദ​സ്സി​ന്‍റെ ചെ​ല​വി​നു​ള്ള പ​ണം സം​ഘാ​ട​ക​ർ​ത​ന്നെ ക​ണ്ടെ​ത്ത​ണ​​മെ​ന്ന നി​ർ​ദേ​ശം സം​ബ​ന്ധി​ച്ച്​ നേ​ര​ത്തേ ‘മാ​ധ്യ​മം’ റി​പ്പോ​ർ​ട്ട്​ ചെ​യ്തി​രു​ന്നു. അ​തി​ന്​ പി​ന്നാ​ലെ​യാ​ണ്​ ത​ദ്ദേ​ശ, സ​ഹ​ക​ര​ണ സ്ഥാ​പ​ന​ങ്ങ​ളു​ടെ ക​ഴു​ത്തി​ന്​ പി​ടി​ക്കു​ന്ന ന​ട​പ​ടി. സ​ദ​സ്സി​ന്​ പ​ണം ന​ൽ​കാ​ൻ ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ക്വോ​ട്ട നി​ശ്ച​യി​ച്ചു​ള്ള ഉ​ത്ത​ര​വാ​ണ്​ അ​ഡീ​ഷ​ന​ൽ ചീ​ഫ് സെ​ക്ര​ട്ട​റി​യു​ടേ​ത്.

ഗ്രാ​മ​പ​ഞ്ചാ​യ​ത്തു​ക​ൾ 50,000ഉം ​മു​നി​സി​പ്പാ​ലി​റ്റി​ക​ളും ബ്ലോ​ക്ക് പ​ഞ്ചാ​യ​ത്തു​ക​ളും 1,00,000 വീ​ത​വും ന​ൽ​ക​ണം. കോ​ർ​പ​റേ​ഷ​നു​ക​ൾ​ക്ക്​ ര​ണ്ട് ല​ക്ഷ​വും ജി​ല്ല പ​ഞ്ചാ​യ​ത്തു​ക​ൾ​ക്ക്​ മൂ​ന്നു​ല​ക്ഷം രൂ​പ​യു​മാ​ണ് നി​ശ്ച​യി​ച്ചി​ട്ടു​ള്ള​ത്. സം​ഘാ​ട​ക​സ​മി​തി ആ​വ​ശ്യ​പ്പെ​ടു​ന്ന പ്ര​കാ​രം പ​ണം ന​ൽ​കാ​നാ​ണ് ഉ​ത്ത​ര​വ്.

ന​വ​കേ​ര​ള സ​ദ​സ്സി​ന്‍റെ താ​മ​സം, ഭ​ക്ഷ​ണം ഉ​ൾ​പ്പെ​ടെ കാ​ര്യ​ങ്ങ​ൾ​ക്കു​ള്ള ചെ​ല​വ്​ സം​ഘാ​ട​ക​സ​മി​തി വ​ഹി​ക്ക​ണ​മെ​ന്ന്​ നേ​ര​ത്തേ​ത​ന്നെ നി​ർ​ദേ​ശി​ച്ചി​രു​ന്നു. പ​ക്ഷേ, അ​തി​നു​ള്ള പ​ണം ക​ണ്ടെ​ത്താ​ൻ പ​ല സ​മി​തി​ക​ളും ന​ട്ടം​തി​രി​യു​​ന്ന​തി​നാ​ൽ അ​തി​ന്​ പ​രി​ഹാ​രം എ​ന്ന നി​ല​ക്കാ​ണ്​ ഈ ​നീ​ക്കം.

ന​വ​കേ​ര​ള സ​ദ​സ്സി​ന്‍റെ ന​ട​ത്തി​പ്പി​ന്​ സ​ഹ​ക​ര​ണ സ്ഥാ​പ​ന​ങ്ങ​ള്‍ക്ക് പ​ണം സം​ഭാ​വ​ന ചെ​യ്യാ​മെ​ന്ന ഉ​ത്ത​ര​വും പു​റ​ത്തി​റ​ക്കി. നി​ർ​ബ​ന്ധ​മാ​യും പ​ണം ന​ൽ​ക​ണ​മെ​ന്ന്​ ഉ​ത്ത​ര​വി​ല്‍ പ​റ​യു​ന്നി​ല്ലെ​ങ്കി​ലും അ​ധി​കൃ​ത​രു​ടെ സ​മ്മ​ർ​ദ​ങ്ങ​ൾ​ക്ക്​ എ​ല്ലാ​വ​രും വ​ഴ​ങ്ങേ​ണ്ടി​വ​രു​മെ​ന്ന്​ സ​ഹ​കാ​രി​ക​ള്‍ പ​രാ​തി​പ്പെ​ടു​ന്നു. പ​ണം ന​ല്‍കാ​ന്‍ ഏ​തെ​ങ്കി​ലും സ​ഹ​ക​ര​ണ സം​ഘ​ങ്ങ​ള്‍ ത​യാ​റാ​യി​ല്ലെ​ങ്കി​ല്‍ അ​പ്രീ​തി​ക്ക്​ പാ​ത്ര​മാ​കു​മെ​ന്ന ആ​ശ​ങ്ക​യും അ​വ​ർ പ്ര​ക​ടി​പ്പി​ക്കു​ന്നു.

സ​ഹ​ക​ര​ണ വ​കു​പ്പി​നു​കൂ​ടി താ​ല്‍പ​ര്യ​മു​ള്ള​തി​നാ​ൽ എ​ത്ര പി​രി​വ്​ കൊ​ടു​ത്താ​ലും ഓ​ഡി​റ്റ് ഒ​ബ്ജ​ക്ഷ​നു​മു​ണ്ടാ​കി​ല്ല. ചു​രു​ക്കി​പ്പ​റ​ഞ്ഞാ​ല്‍ ന​വ​കേ​ര​ള സ​ദ​സ്സി​ന് സം​ഭാ​വ​ന ന​ല്‍കാ​തെ സ​ഹ​ക​ര​ണ സ്ഥാ​പ​ന​ങ്ങ​ൾ​ക്ക്​ മു​ന്നോ​ട്ട്​ പോ​കു​ക പ്ര​യാ​സ​ക​ര​മാ​യി​രി​ക്കും.