ഭാര്യക്കൊപ്പം പുഴയിലിറങ്ങിയ നവവരൻ മുങ്ങിമരിച്ചു

പാ​ലേ​രി (കോ​ഴി​ക്കോ​ട്): കു​റ്റ്യാ​ടി പു​ഴ​യി​ൽ ജാ​ന​കി​ക്കാ​ട് ഇ​ക്കോ ടൂ​റി​സം കേ​ന്ദ്ര​ത്തി​ന് സ​മീ​പം ച​വ​റം മൂ​ഴി ഭാ​ഗ​ത്ത് കു​രി​ശു പ​ള്ളി​ക്ക് സ​മീ​പം ന​വ​വ​ര​ൻ മു​ങ്ങി​മ​രി​ച്ചു. ക​ടി​യ​ങ്ങാ​ട് കു​ള​ക്ക​ണ്ടം പ​ഴു​പ്പ​ട്ട ര​ജി​ലാ​ൽ (28) ആ​ണ് ഭാ​ര്യ​സ​മേ​തം വി​നോ​ദ യാ​ത്ര​ക്കെ​ത്തി​യ​പ്പോ​ൾ അ​പ​ക​ട​ത്തി​ൽ​പ്പെ​ട്ട​ത്. പു​ഴ​യി​ൽ വീ​ണ ഭാ​ര്യ ക​നി​ഹ​യെ ബ​ന്ധു​ക്ക​ളും നാ​ട്ടു​കാ​രും ര​ക്ഷ​പ്പെ​ടു​ത്തി. തി​ങ്ക​ളാ​ഴ്ച രാ​വി​ലെ 11 മ​ണി​യോ​ടെ​യാ​ണ് അ​പ​ക​ടം.

തി​ങ്ക​ളാ​ഴ്ച രാ​വി​ലെ ര​ജി​ലാ​ൽ ഭാ​ര്യ​യെ​യും അ​വ​രു​ടെ ബ​ന്ധു​ക്ക​ളേ​യും കൂ​ട്ടി പു​ഴ​യോ​ര​ത്തെ​ത്തി. പു​ഴ​യി​ൽ ഇ​റ​ങ്ങി​യ ര​ജി​ലാ​ൽ കാ​ൽ വ​ഴു​തി വീ​ണു. ഒ​ഴു​ക്കി​ൽ​പ്പെ​ട്ട ഭ​ർ​ത്താ​വി​നെ ര​ക്ഷി​ക്കാ​ൻ ശ്ര​മി​ച്ച ക​നി​ഹ​യും ഒഴുകിപ്പോയി. സ​മീ​പ​ത്ത് റോ​ഡ് പ്ര​വൃ​ത്തി ന​ട​ത്തു​ക​യാ​യി​രു​ന്ന മ​ല​പ്പു​റം സ്വ​ദേ​ശി​ക​ളാ​യ റി​യാ​സും ഖാ​ദ​റും ഓ​ടി​യെ​ത്തി ക​നി​ഹ​യെ ര​ക്ഷി​ച്ചു. എ​ന്നാ​ൽ, ചു​ഴി​യി​ൽ​പ്പെ​ട്ട ര​ജി​ലാ​ലി​നെ ര​ക്ഷി​ക്കാ​ൻ ക​ഴി​ഞ്ഞി​ല്ല. പ്ര​ദേ​ശ​വാ​സി​ക​ളാ​യ യു​വാ​ക്ക​ൾ ര​ജി​ലാ​ലി​നെ ക​ര​ക്കെ​ത്തി​ച്ച് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

ക​നി​ഹ മൊ​ട​ക്ക​ല്ലൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ര​ജി​ലാ​ലി​ന്റെ മൃ​ത​ദേ​ഹം ചൊ​വ്വാ​ഴ്ച വീ​ട്ടു​വ​ള​പ്പി​ൽ സം​സ്ക​രി​ക്കും. ദീ​ർ​ഘ​കാ​ല​ത്തെ പ്ര​ണ​യ​ത്തി​നൊ​ടു​വി​ൽ ക​ഴി​ഞ്ഞ മാ​സം 14ന് ​ആ​ണ് ഇ​രു​വ​രും വി​വാ​ഹി​ത​രാ​യ​ത്. കു​ള​പ്പു​റ​ത്ത് കൃ​ഷ്ണ​ദാ​സ് - ര​ജ​നി ദ​മ്പ​തി​ക​ളു​ടെ മ​ക​നാ​ണ് ര​ജി​ലാ​ൽ. സ​ഹോ​ദ​ര​ൻ: ര​ധു​ലാ​ൽ (ഗ​ൾ​ഫ്).