ഫോൺ നമ്പർ ചേർക്കൽ പാളി; 'വാഹനി'ൽ അധികവും ഇടനിലക്കാരുടെ നമ്പറുകൾ

തി​രു​വ​ന​ന്ത​പു​രം: 'വാ​ഹ​ൻ' പോ​ർ​ട്ട​ലി​ലെ വി​വ​ര​ങ്ങ​ളി​ൽ വാ​ഹ​ന ഉ​ട​മ​യു​ടെ മൊ​ബൈ​ൽ ഫോ​ൺ ന​മ്പ​ർ ഉ​ൾ​പ്പെ​ടു​ത്തി സേ​വ​ന​ങ്ങ​ൾ കൂ​ടു​ത​ൽ സു​താ​ര്യ​മാ​ക്കാ​നു​ള്ള നീ​ക്കം പാ​ളി. വാ​ഹ​നി​ൽ ര​ജി​സ്​​റ്റ​ർ ചെ​യ്ത മൊ​ബൈ​ൽ ന​മ്പ​റു​ക​ളി​ൽ ഭൂ​രി​ഭാ​ഗ​വും ഇ​ട​നി​ല​ക്കാ​രു​ടേ​ത്.

സം​സ്ഥാ​ന​ത്തെ 1.40 കോ​ടി വാ​ഹ​ന​ങ്ങ​ളു​ടെ വി​വ​ര​ങ്ങ​ള്‍ രാ​ജ്യ​വ്യാ​പ​ക കേ​ന്ദ്രീ​കൃ​ത ര​ജി​സ്‌​ട്രേ​ഷ​ന്‍ സം​വി​ധാ​ന​മാ​യ 'വാ​ഹ​നി'​ലേ​ക്ക് മാ​റി​യ​തി​ന് തൊ​ട്ടു​പി​ന്നാ​ലെ​യാ​ണ് മൊ​ബൈ​ൽ ന​മ്പ​ർ അ​പ്​​ഡേ​റ്റ്​ ചെ​യ്യാ​ൻ മോ​ട്ടോ​ർ വാ​ഹ​ന​വ​കു​പ്പ്​ സൗ​ക​ര്യ​മൊ​രു​ക്കി​യ​ത്. വാ​ഹ​ന​ങ്ങ​ളു​മാ​യി ബ​ന്ധ​പ്പെ​ട്ട ഓ​ൺ​ലൈ​ൻ സേ​വ​ന​ങ്ങ​ൾ പൂ​ർ​ത്തീ​ക​രി​ക്കാ​ൻ​ ഈ ​ന​മ്പ​റി​​ലേ​ക്കാ​ണ്​ ഒ.​ടി.​പി എ​ത്തു​ക.

സേ​വ​ന​ങ്ങ​ൾ ഏ​ജ​ന്‍റു​മാ​രി​ല്ലാ​തെ​യും ഓ​ഫി​സി​ലെ​ത്താ​തെ​യും ഓ​ൺ​ലൈ​നാ​യി നി​ർ​വ​ഹി​ക്കാ​മെ​ന്ന്​ മോ​ട്ടോ​ർ വാ​ഹ​ന​വ​കു​പ്പ്​ അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും ഭൂ​രി​ഭാ​ഗം അ​പേ​ക്ഷ​ക​ളും ഇ​ട​നി​ല​ക്കാ​ർ വ​ഴി​യാ​ണ്​ ഓ​ഫി​സി​ലെ​ത്തു​ന്ന​ത്. ​നേ​രി​ട്ട്​ ന​ൽ​കി​യാ​ൽ സ​മ​യ​ത്ത്​ കി​ട്ടി​ല്ലെ​ന്ന​തി​നാ​ലാ​ണി​ത്. വാ​ഹ​ന ഉ​ട​മ​​യു​ടെ ഫോ​ൺ ന​മ്പ​ർ വ​ഴി ഒ.​ടി.​പി എ​ത്തു​ക​യും പി​ന്നീ​ട​ത്​ കൈ​മാ​റു​ക​യും ചെ​യ്യാ​നു​ള്ള കാ​ല​താ​മ​സം ഒ​ഴി​വാ​ക്കാ​ൻ​ മി​ക്ക ഇ​ട​നി​ല​ക്കാ​രും സ്വ​ന്തം ഫോ​ൺ ന​മ്പ​ർ ന​ൽ​കി​യാ​ണ്​ ഓ​ൺ​ലൈ​ൻ ന​ട​പ​ടി​ക​ൾ നി​ർ​വ​ഹി​ക്കു​ന്ന​ത്. വാ​ഹ​ന ഉ​ട​മ​യു​ടെ ഫോ​ൺ ന​മ്പ​റി​ന്‍റെ സ്ഥാ​ന​ത്ത്​ ഇ​ട​നി​ല​ക്കാ​രു​ടെ ന​മ്പ​റാ​കും ര​ജി​സ്റ്റ​ർ ചെ​യ്യു​ക.

എ​ന്നാ​ൽ, ഒ.​ടി.​പി സ്വീ​ക​രി​ക്കാ​ൻ മാ​ത്രം പ്ര​ത്യേ​ക ഫോ​ണും സി​മ്മും ഉ​പ​യോ​ഗി​ക്കു​ന്ന ഇ​ട​നി​ല​ക്കാ​രു​മു​ണ്ട്. ഒ.​ടി.​പി ല​ഭി​ക്കേ​ണ്ട സ​മ​യ​ത്ത്​ മാ​ത്ര​മാ​യി​രി​ക്കും ഈ ​ഫോ​ൺ ഓ​ണാ​ക്കു​ക. ഉ​ട​മ​യു​ടെ ന​മ്പ​റ​ല്ലാ​ത്ത​തി​നാ​ൽ പൊ​ലീ​സി​ന്‍റെ​യും മോ​ട്ടോ​ർ വാ​ഹ​ന​വ​കു​പ്പി​ന്‍റെ​യും 'ഇ​ട​പെ​ട​ലു​ക​ളി​ൽ'​നി​ന്ന്​ സു​ര​ക്ഷി​ത​മാ​കാ​നാ​ണ്​ ഈ ​രീ​തി.

ഗ​താ​ഗ​ത നി​യ​മ​ലം​ഘ​ന​ങ്ങ​ള്‍ക്ക് പി​ഴ ചു​മ​ത്തു​ന്ന​ത് ഉ​ള്‍പ്പെ​ടെ വി​വ​ര​ങ്ങ​ൾ മൊ​ബൈ​ലി​ല്‍ സ​ന്ദേ​ശ​മാ​യി ല​ഭി​ക്ക​ലും അ​പേ​ക്ഷ​യു​ടെ ത​ൽ​സ്ഥി​തി എ​സ്.​എം.​എ​സ്​ ആ​യി ഉ​ട​മ​യെ അ​റി​യി​ക്ക​ലു​മ​ട​ക്കം നി​ര​വ​ധി ല​ക്ഷ്യ​ങ്ങ​ളാ​ണ് ഫോ​ൺ ന​മ്പ​ർ അ​പ്​​ഡേ​ഷ​നി​ലൂ​ടെ ല​ക്ഷ്യ​മി​ട്ടി​രു​ന്ന​ത്. ടാ​ക്‌​സി വാ​ഹ​ന ഉ​ട​മ​ക​ളെ സം​ബ​ന്ധി​ച്ചി​ട​ത്തോ​ളം ഏ​റെ പ്ര​യോ​ജ​ന​ക​ര​മാ​യി​രു​ന്നു ഈ ​സം​വി​ധാ​നം. ഡ്രൈ​വ​ര്‍മാ​ര്‍ കാ​ട്ടി​യ പി​ഴ​വി​ന് ഏ​റെ​ക്കാ​ലം ക​ഴി​യു​മ്പോ​ള്‍ ഉ​ട​മ പി​ഴ ന​ല്‍കേ​ണ്ടി​വ​രു​ന്ന​ത് ഒ​ഴി​വാ​ക്കാ​മാ​യി​രു​ന്നു.