പരീക്ഷ കഴിഞ്ഞിട്ട് മൂന്നു വർഷം; പ്രതിഫലമില്ലാതെ ഐ.ടി അധ്യാപകർ

കോ​ഴി​ക്കോ​ട്: എ​സ്.​എ​സ്.​എ​ൽ.​സി ഐ.​ടി പൊ​തു​പ​രീ​ക്ഷ ഡ്യൂ​ട്ടി​ക്ക് നി​യോ​ഗി​ച്ച അ​ധ്യാ​പ​ക​ർ​ക്കു​ള്ള പ്ര​തി​ഫ​ലം മൂ​ന്നു​വ​ർ​ഷം ക​ഴി​ഞ്ഞി​ട്ടും ന​ൽ​കാ​തെ വി​ഭ്യാ​ഭ്യാ​സ വ​കു​പ്പ്. 2021-22, 2022-23 അ​ധ്യ​യ​ന വ​ർ​ഷ​ങ്ങ​ളി​ൽ ന​ട​ത്തി​യ ഐ.​ടി പ​രീ​ക്ഷ​ക​ൾ​ക്ക് ചു​മ​ത​ല​യു​ണ്ടാ​യി​രു​ന്ന നൂ​റു​ക​ണ​ക്കി​ന് അ​ധ്യാ​പ​ക​ർ​ക്കാ​ണ് പ്ര​തി​ഫ​ലം ല​ഭി​ക്കാ​ത്ത​ത്.

ഒ​രു മ​ണി​ക്കൂ​റി​ന് 10 രൂ​പ​വീ​തം ഏ​ഴു മ​ണി​ക്കൂ​റി​ന് 70 രൂ​പ​യും എ​ട്ടു കി​ലോ​മീ​റ്റ​ർ പ​രി​ധി​ക്കു പു​റ​ത്തു​നി​ന്ന് വ​രു​ന്ന അ​ധ്യാ​പ​ക​ർ​ക്ക് ഒ​രു ഡി.​എ​യും ഉ​ൾ​പ്പെ​ടെ​യു​ള്ള തു​ക​യാ​ണ് ന​ൽ​കാ​നു​ള്ള​ത്. ശ​രാ​ശ​രി വി​ദ്യാ​ർ​ഥി​ക​ൾ പ​രീ​ക്ഷ എ​ഴു​തി​യ സ്കൂ​ളു​ക​ളി​ൽ നാ​ലും അ​ഞ്ചും ദി​വ​സ​മാ​ണ് അ​ധ്യാ​പ​ക​ർ ചു​മ​ത​ല​യെ​ടു​ത്തി​രി​ക്കു​ന്ന​ത്.

പ​ല ത​വ​ണ ഡി.​ഇ.​ഒ മു​ഖാ​ന്ത​രം ബ​ന്ധ​പ്പെ​ട്ടെ​ങ്കി​ലും ല​ഭി​ച്ചി​ല്ലെ​ന്നാ​ണ് അ​ധ്യാ​പ​ക​ർ പ​റ​യു​ന്ന​ത്. ചി​ല സ്കൂ​ളി​ലെ പ്ര​ധാ​നാ​ധ്യാ​പ​ക​ർ സ്വ​ന്തം ​കൈ​യി​ൽ​നി​ന്നും പി.​ടി.​എ ഫ​ണ്ടി​ൽ​നി​ന്നു​മെ​ല്ലാ​മാ​യി പ​ണ​മെ​ടു​ത്തു ന​ൽ​കി അ​ഭി​മാ​നം സം​ര​ക്ഷി​ച്ചി​ട്ടു​ണ്ട്. പ​ണം സ​ർ​ക്കാ​ർ ത​ന്നി​ല്ലെ​ങ്കി​ൽ അ​ധ്യാ​പ​ക​ർ​ക്ക് പ്ര​തി​ഫ​ലം ന​ൽ​കി​ല്ലെ​ന്ന് ഇ​ത്ത​വ​ണ എ​ച്ച്.​എം ഫോ​റം തീ​രു​മാ​ന​മെ​ടു​ത്ത​തി​ന്റെ അ​ടി​സ്ഥാ​ന​ത്തി​ൽ 2023-24 വാ​ർ​ഷി​ക പ​രീ​ക്ഷ​യി​ൽ ഡ്യൂ​ട്ടി​യെ​ടു​ത്ത അ​ധ്യാ​പ​ക​ർ​ക്ക് പി.​ഡി ഫ​ണ്ടി​ൽ​നി​ന്ന് പ​ണം ന​ൽ​കാ​ൻ സ​ർ​ക്കാ​ർ ഉ​ത്ത​ര​വി​ടു​ക​യാ​യി​രു​ന്നു.

ഇ​തേ​ത്തു​ട​ർ​ന്ന് കു​ട്ടി​ക​ൾ ന​ൽ​കു​ന്ന സ്‍പെ​ഷ​ൽ ഫീ​സി​ന​ത്തി​ൽ​നി​ന്ന് ല​ഭി​ക്കു​ന്ന പി.​ഡി ഫ​ണ്ടി​ൽ​നി​ന്ന് അ​ധ്യാ​പ​ക​ർ​ക്ക് ആ ​വ​ർ​ഷ​ത്തെ പ്ര​തി​ഫ​ലം ന​ൽ​കി. ര​​ണ്ട്​ ഗ​​ഡു​ക്ക​ളാ​യി പി​രി​ക്കു​ന്ന സ്‌​​പെ​​ഷ​​ല്‍ഫീ​​സി​ൽ​നി​ന്ന് അ​ധ്യാ​പ​ക​ർ​ക്ക് പ​ണം ന​ൽ​കു​ന്ന​തോ​ടെ സ്കൂ​ൾ ലൈ​ബ്ര​റി, ലാ​ബ്, ഓ​ഡി​യോ വി​ഷ്വ​ൽ, സ്കൂ​ൾ ക​ലോ​ത്സ​വം, കാ​യി​ക​മേ​ള എ​ന്നി​വ​ക്ക് വി​നി​യോ​ഗി​ക്കേ​ണ്ട പ​ണം വ​ക​മാ​റ്റു​ന്ന​തി​ന് ഇ​ട​യാ​ക്കി​യി​രി​ക്കു​ക​യാ​ണ്.

അ​ധ്യാ​പ​ക​ർ​ക്ക് ന​ൽ​കാ​നു​ള്ള പ​ണം സ്‍പെ​ഷ​ൽ ഫീ​സി​ൽ​നി​ന്ന് ന​ൽ​കു​ന്ന​തി​ന് നി​യ​മ​ത​ട​സ്സ​മി​ല്ലെ​ന്ന് ഉ​ന്ന​ത വി​ദ്യാ​ഭ്യാ​സ ഉ​ദ്യോ​ഗ​സ്ഥ​ൻ പ​റ​യു​ന്നു​ണ്ടെ​ങ്കി​ലും അ​ക്കൗ​ണ്ടി​ൽ പ​ണ​മി​ല്ലാ​ത്ത​തി​നാ​ലും ഉ​ത്ത​ര​വി​ന് മു​ൻ​കാ​ല പ്രാ​ബ​ല്യ​മി​ല്ലാ​ത്ത​തി​നാ​ലും പ്ര​ധാ​നാ​ധ്യാ​പ​ക​ർ ന​ൽ​കു​ന്നി​ല്ല.

2023-24ലെ ​പ​രീ​ക്ഷാ പ്ര​തി​ഫ​ലം ന​ൽ​കാ​ൻ മാ​ത്ര​മാ​ണ് ഉ​ത്ത​ര​വി​ലു​ള്ള​തെ​ന്നാ​ണ് പ്ര​ധാ​നാ​ധ്യാ​പ​ക​ർ പ​റ​യു​ന്ന​ത്. ഒ​മ്പ​ത്, പ​ത്ത് ക്ലാ​സു​ക​ളി​ലെ വി​ദ്യാ​ർ​ഥി​ക​ളി​ൽ​നി​ന്ന് ജൂ​​ണി​​ൽ പി​രി​ച്ചെ​ടു​ക്കു​ന്ന 29.50 രൂ​പ​യും ന​വം​ബ​റി​ൽ പി​രി​ക്കു​ന്ന 12.50 രൂ​പ​യും മാ​ത്ര​മാ​ണ് സ്‍പെ​ഷ​ൽ ഫീ​സാ​യി പി.​ഡി അ​ക്കൗ​ണ്ടി​ലെ​ത്തു​ന്ന​ത്. പി.​ഡി ഫ​ണ്ടി​ൽ​നി​ന്ന് ന​ൽ​കി​യ തു​ക​ക്ക് അം​ഗീ​കാ​രം ല​ഭി​ക്കേ​ണ്ട​തു​മു​ണ്ട്.