ഷാരുഖ് വിഷ്ണു അജ്മൽ
കളമശേരി: യൂനിവേഴ്സിറ്റി കോളനിക്ക് സമീപം വീട്ടിൽനിന്ന് 12.750 കിലോ കഞ്ചാവുമായി മൂന്ന് യുവാക്കൾ പിടിയിലായി. പത്തനംതിട്ട കിഴക്കുവീട് ഷാരുഖ് ഷെജീബ് (20), കരുനാഗപ്പിള്ളി കാട്ടിൽ കടവ് തെക്കെതിൽ വീട്ടിൽ ഇ. അജ്മൽ (28), പാലക്കാട് തിരുവാഴിയൂർ നടുവിൽ വീട്ടിൽ എൻ.എസ്. വിഷ്ണു (27) എന്നിവരാണ് പിടിയിലായത്.
കൊച്ചി സിറ്റി പൊലീസ് കമീഷണർ എ. അക്ബറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഡെപ്യൂട്ടി പൊലീസ് കമീഷണർ കെ.എസ്. സുദർശന്റെ നിർദേശ പ്രകാരം കൊച്ചി സിറ്റി യോദ്ധാവ് സ്ക്വാഡും കളമശ്ശേരി പൊലീസ് നടത്തിയ പരിശോധനയിലാണ് യൂണിവേഴ്സിറ്റി കോളനി ഇത്തപ്പിള്ളി റോഡ് ഭാഗത്തെ വീട്ടിൽനിന്ന് പിടിയിലായത്. പ്രതികളുടെ പക്കൽനിന്ന് 12.750 കിലോഗ്രാം കഞ്ചാവ് പൊലീസ് കണ്ടെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.