വൈത്തിരി: സ്‌കൂൾ വിദ്യാർഥികളുമായി വിനോദയാത്ര പോകുകയായിരുന്ന ടൂറിസ്റ്റ് ബസ് കാറിലിടിച്ച് കാർ യാത്രക്കാരായ നാലു യുവാക്കൾക്ക് പരിക്കേറ്റു. ഇന്ന് രാവിലെ ആറര മണിക്ക് പൂക്കോട് അനിമൽ സയൻസ് സർവകലാശാലക്ക് സമീപമാണ് അപകടം.
സുൽത്താൻ ബത്തേരി മാതമംഗലം ഗവ. ഹൈസ്‌കൂൾ വിദ്യാർഥികളായിരുന്നു ബസിലുണ്ടായിരുന്നത്. അപകടത്തിൽ കാറിന്‍റെ മുൻവശം പൂർണമായും തകർന്നു.
കാറിലുണ്ടായിരുന്ന മലപ്പുറം സ്വദേശികളായ നാല് യുവാക്കൾക്കാണ് പരിക്കേറ്റത്. ആരുടെയും പരിക്ക് ഗുരുതരമല്ല. സ്‌കൂൾ വിദ്യാർഥികളും അധ്യാപകരും പരിക്കുകളില്ലാതെ രക്ഷപ്പെട്ടു. ബസ് ഡ്രൈവർ ഉറങ്ങിപ്പോയതാണ് അപകടകാരണമെന്ന് പറയപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.