പാലക്കാട്: വള്ളത്തോൾ നഗർ-വടക്കാഞ്ചേരി സെക്ഷനിലെ ട്രാക്ക് അറ്റകുറ്റപ്പണി സുഗമമാക്കുന്നതിന് ഒക്ടോബർ 28ന് നാല് ട്രെയിൻ സർവിസുകൾ ഭാഗികമായി റദ്ദാക്കും. വ്യാഴാഴ്ച കണ്ണൂരിൽ നിന്ന് പുറപ്പെടുന്ന 06306 കണ്ണൂർ-എറണാകുളം ജംഗ്ഷൻ ഇൻറർസിറ്റി എക്സ്പ്രസ് ഷൊർണൂർ ജംഗ്‌ഷനിൽ യാത്ര അവസാനിക്കും.
നിലമ്പൂരിൽ നിന്ന് പുറപ്പെടേണ്ട 06325 നിലമ്പൂർ റോഡ്-കോട്ടയം ഡെയ്‌ലി എക്സ്പ്രസ് വ്യാഴാഴ്ച തൃശൂരിൽനിന്നാണ് സർവീസ് ആരംഭിക്കുക. നിലമ്പൂർ റോഡിനും തൃശൂരിനും ഇടയിൽ അന്ന് ഇൗ സർവീസ് ഉണ്ടായിരിക്കില്ല. ബുധനാഴ്ച തിരുനെൽവേലിയിൽനിന്നും പുറപ്പെടുന്ന 06791 തിരുനെൽവേലി ജംഗ്ഷൻ-പാലക്കാട് ജംഗ്ഷൻ പാലരുവി എക്സ്പ്രസ് തൃശൂരിൽ യാത്ര അവസാനിപ്പിക്കും. തൃശൂരിനും പാലക്കാടിനും ഇടയിൽ സർവീസ് ഉണ്ടായിരിക്കില്ല.
വ്യാഴാഴ്ച പാലക്കാട് ജങ്ഷനിൽനിന്നും പുറപ്പെടേണ്ട 06792 പാലക്കാട് ജംഗ്ഷൻ-തിരുനെൽവേലി ജംഗ്ഷൻ പാലരുവി എക്സ്പ്രസ് തൃശൂരിൽനിന്നാണ് സർവീസ് ആരംഭിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.