കോട്ടയം: യാത്രക്കാരെ ദുരിതത്തിലാക്കി ട്രെയിനുകളുടെ വൈകിയോട്ടം തുടരുന്നു. പതിവുപോലെ ശനിയാഴ്ചയും ഉദ്യോഗസ്ഥരടക്കം സ്ഥിരം യാത്രക്കാർ ആശ്രയിക്കുന്ന വേണാട് എക്സ്പ്രസ് വൈകിയാണ് ഒാടിയത്. കേരള എക്സ്പ്രസ്, െഎലൻഡ് എക്സ്പ്രസ് ട്രെയിനുകളും ശനിയാഴ്ച ഏറെ വൈകി. ദിവസങ്ങളായി വേണാട് വൈകുകയാണ്. അടുത്തിടെ മണിക്കൂറുകളാണ് വേണാട് വൈകിയത്. ഇതിനെതിരെ വൻ പ്രതിഷേധവും ഉയരുന്നുണ്ട്.
ഉച്ചക്ക് കോട്ടയത്ത് എത്തേണ്ട തിരുവനന്തപുരം-ഡൽഹി കേരള എക്സ്പ്രസ് വൈകുന്നേരമാണ് എത്തിയത്. രണ്ടര മണിക്കൂറിലധികം യാത്രക്കാരുടെ കാത്തിരിപ്പ് നീണ്ടു. ബംഗളൂരുവിലേക്കുള്ള െഎലൻഡും ഏറെ വൈകി. പാസഞ്ചർ അടക്കമുള്ള ട്രെയിനുകളും നിരന്തരം വൈകി ഒാടുകയാണ്.
തിരുവനന്തപുരം-ചങ്ങനാശ്ശേരി വരെ പാതയിരട്ടിപ്പിക്കൽ പൂർത്തിയായിട്ടും ഇതിെൻറ ഗുണം ലഭിക്കുന്നില്ല. ലോക്കോ പൈലറ്റുമാരുടെ കുറവാണ് കാരണമെന്നാണ് റെയിൽവേ ഉദ്യോഗസ്ഥരുടെ അനൗദ്യോഗിക വിശദീകരണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.