മരിച്ച പ്രദീപും മകൻ ശ്രീദേവും
തിരുവനന്തപുരം: അമിതവേഗതയിലെത്തിയ കാറിടിച്ച് അച്ഛനും മകനും മരിച്ച സംഭവത്തിൽ രണ്ടു പേർ അറസ്റ്റിൽ. മടവൂർ സ്വദേശികളായ ഷിറാസ്, ജാഫർ ഖാൻ എന്നിവരാണ് അറസ്റ്റിലായത്. വണ്ടിയോടിച്ച ഷിറാസ് മദ്യപിച്ചിരുന്നതായാണ് കണ്ടെത്തിയിരിക്കുന്നത്.
നഗരൂർ മുണ്ടയിൽകോണം കരിക്കകത്തിൽ വീട്ടിൽ നന്തായ്വനം സ്വദേശി പ്രദീപ് എന്ന സുനിൽ കുമാർ (45), ഇളയ മകൻ ശ്രീദേവ് (അഞ്ച്) എന്നിവരാണ് മരിച്ചത്. മൂത്ത മകൻ ശ്രീ ഹരി ചികിത്സയിലാണ്.
ഇന്നലെ രാത്രി 8.15ഓടെ കിളിമാനൂർ - നഗരൂർ റോഡിൽ കല്ലിംഗൽ ജങ്ഷന് സമീപമായിരുന്നു അപകടം. നഗരൂരിൽനിന്നും വീട്ടിലേക്ക് മടങ്ങുകയായിരുന്നു സുനിൽകുമാറും മക്കളും. കിളിമാനൂർ ഭാഗത്തുനിന്നും അമിത വേഗത്തിൽ വന്ന കാർ ദിശതെറ്റി ബൈക്കിൽ ഇടിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.