തിരുവനന്തപുരം: യൂനിവേഴ്സിറ്റി കോളജ് വിദ്യാർഥി അഖിൽ വധശ്രമക്കേസിലെ ഒന്നാം പ്രതി ശിവ രഞ്ജിത്തും രണ്ടാം പ്രതി നസീമും പി.എസ്.സി റാങ്ക് പട്ടികയിലെത്തിയതിൽ അപാകതയെന്ന് കേരള അഡ്മിന ിസ്ട്രേറ്റീവ് ട്രിബ്യൂണൽ. ശാരീരിക ക്ഷമത പരീക്ഷ നടത്തിയത് മാർഗനിർദേശങ്ങൾ പാലിച്ചല്ലെന്ന് ട്രിബ്യൂണൽ നിരീക ്ഷിച്ചു. ട്രിബ്യൂണലിെൻറ അന്തിമ വിധിക്ക് വിധേയമായി മാത്രമേ പ്രതികൾ ഉൾപ്പെട്ട പൊലീസ് കോണ്‍സ്റ്റബിള്‍ റാങ്ക ് ലിസ്റ്റിൽ നിയമ നടപടികൾ പൂർത്തികരിക്കാവുവെന്നും അഡ്മിനിസ്ട്രേറ്റീവ് ട്രിബ്യൂണൽ ഉത്തരവിട്ടു. ശാരീരിക ക്ഷ മത പരീക്ഷയിൽ ക്രമക്കേട് നടന്നുവെന്ന പരാതിയിലാണ് ട്രിബ്യൂണൽ നടപടി.
സിവില്‍ പൊലീസ് ഓഫിസര്‍ കെ.എ.പി നാലാം ബറ്റാലിയന്‍ (കാസര്കോട്) റാങ്ക് ലിസ്റ്റിലാണ് യൂനിറ്റ് പ്രസിഡൻറായ ശിവരഞ്ജിത്തിന് ഒന്നാം റാങ്കും കോളജിലെ എസ്.എഫ്.ഐ പ്രവർത്തകനാ‍യ പി.പി. പ്രണവിന് രണ്ടാം റാങ്കും വധശ്രമക്കേസിലെ രണ്ടാം പ്രതിയും യൂനിറ്റ് സെക്രട്ടറിയുമായ നിസാമിന് 28ാം റാങ്കും ലഭിച്ചത്. പ്രതികൾ റാങ്ക് ലിസ്റ്റിൽ എത്തിയത് ഉൾപ്പെെട ഗുരുതര ക്രമക്കേടുകൾ നടന്നുവെന്ന് ആരോപണം ഉയർന്നിരുന്നു. 4 ജില്ലകളിലെ ഏഴ് ബറ്റാലിയനുകളിലേക്ക് കഴിഞ്ഞ ജൂലൈ 22നാണ് ഒ.എം.ആർ പരീക്ഷ പി.എസ്.സി നടത്തിയത്. മുൻകാലങ്ങളെ അപേക്ഷിച്ച് പൊതുവെ കടുപ്പമേറിയതായിരുന്നു ചോദ്യങ്ങൾ. അതിനാൽതന്നെ ഒഴിവുകളുടെ എണ്ണംകൂടി കണക്കാക്കി കെ.എ.പി നാലാം ബറ്റാലിയെൻറ കട്ട് ഓഫ് മാർക്ക് 29.67 ആയിരുന്നു.
എന്നാൽ ഒ.എം.ആർ പരീക്ഷയിൽ 78.33 മാർക്കാണ് ശിവരഞ്ജിത്ത് നേടിയത്. സ്പോര്‍ട്‍സ് വെയിറ്റേജായി 13.58 മാര്‍ക്കും കൂടി ലഭിച്ചതോടെ 91.9 മാര്‍ക്കുമായി ശിവരഞ്ജിത്ത് ഒന്നാം റാങ്കിലെത്തി. രണ്ടാം റാങ്കുകാരനും ശിവരഞ്ജിത്തിെൻറ കോളജിലെ സുഹൃത്തുമായ പ്രണവിന് ഒ.എം.ആർ പരീക്ഷയിൽ 78 മാർക്കാണ് ലഭിച്ചത്. 65.33 മാര്‍ക്കാണ് നിസാമിന് ലഭിച്ചത്. ജൂലൈ ഒന്നിനാണ് റാങ്ക് പട്ടിക പുറത്തിറങ്ങിയത്.
മൂവരും തിരുവനന്തപുരം ജില്ലയിലെ വ്യത്യസ്ത കേന്ദ്രങ്ങളിലാണ് പരീക്ഷ എഴുതിയത്. നിസാമിന് തൈക്കാട് ഗവ. കോളജ് ഓഫ് ടീച്ചർ എജുക്കേഷനും പ്രണവിന് മാമം ശ്രീഗോകുലം പബ്ലിക് സ്കൂളുമാണ് സെൻററായി ലഭിച്ചത്. ഒന്നാം റാങ്കുകാരനായ ശിവരഞ്ജിത്തിെൻറ പരീക്ഷാ സെൻറർ ഏതെന്ന വിവരം ലഭ്യമായിട്ടില്ല. യൂനിവേഴ്സിറ്റി കോളജിലാണ് ശിവരഞ്ജിത്ത് പരീക്ഷയെഴുതിയതെന്ന ആരോപണവും പി.എസ്.സി പരിശോധിക്കും. ഇതിന് മുമ്പ് ഇവർ എഴുതിയ പി.എസ്.സി പരീക്ഷ‍യുടെ വിവരങ്ങളും ശേഖരിക്കും.
അതേസമയം നിരവധി ക്രിമിനൽ കേസുകളിൽ പ്രതിയായ ശിവരഞ്ജിത്തും നിസാമും പി.എസ്.സി പട്ടികയിൽ വന്നതുൾപ്പെടെ സ്പെഷൽ ബ്രാഞ്ചും രഹസ്യാന്വേഷണവിഭാഗവും അന്വേഷണം ആരംഭിച്ചിട്ടുണ്ട്. നിയമനത്തിന് മുമ്പ് ഇവരുടെ ക്രിമിനൽ പശ്ചാത്തലം ആഭ്യന്തരവകുപ്പിനെ അറിയിക്കാനും തീരുമാനിച്ചിട്ടുണ്ട്.
കേരള സര്‍വകലാശാല പരീക്ഷാ പേപ്പര്‍ ശിവരഞ്ജിത്തിന്‍റെ വീട്ടില്‍ നിന്ന് കണ്ടെത്തിയ സംഭവത്തിലും അന്വേഷണം നടക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.