വി​ഴി​ഞ്ഞം: മാർ ക്ലീമിസ്​ മുഖ്യമ​ന്ത്രിയെ കണ്ടു; ഒത്തുതീർപ്പിന്​ ഗാന്ധിസ്മാരക നിധിയും

തി​രു​വ​ന​ന്ത​പു​രം: വി​ഴി​ഞ്ഞം സ​മ​രം ഒ​ത്തു​തീ​ർ​പ്പാ​ക്കാ​ന്‍ സ​മ​വാ​യ നീ​ക്ക​ങ്ങ​ൾ സ​ജീ​വം. പ​ല ത​ല​ങ്ങ​ളി​ലാ​ണ്​ ച​ർ​ച്ച പു​രോ​ഗ​മി​ക്കു​ന്ന​ത്. ചീ​ഫ് സെ​ക്ര​ട്ട​റി​യും ല​ത്തീ​ൻ സ​ഭ നേ​താ​ക്ക​ളു​മാ​യി ച​ർ​ച്ച​ക്ക് മു​ൻ​കൈ​യെ​ടു​ത്ത മ​ല​ങ്ക​ര സ​ഭ ആ​ർ​ച്ച്​ ബി​ഷ​പ്​ ക​ർ​ദി​നാ​ൾ മാ​ർ ക്ലീ​മി​സ്​ കാ​തോ​ലി​ക്ക ബാ​വ വൈ​കീ​ട്ട് മു​ഖ്യ​മ​ന്ത്രി പി​ണ​റാ​യി വി​ജ​യ​നു​മാ​യും കൂ​ടി​ക്കാ​ഴ്ച ന​ട​ത്തി.

ഗാ​ന്ധി സ്മാ​ര​ക നി​ധി​യു​ടെ മ​ധ്യ​സ്ഥ​ത​യി​ലും ഒ​ത്തു​തീ​ർ​പ്പ് ച​ർ​ച്ച​ക്ക്​ നീ​ക്ക​മാ​രം​ഭി​ച്ചി​ട്ടു​ണ്ട്. ഇ​തി​ന്​ കോ​ർ ക​മ്മി​റ്റി​യും രൂ​പ​വ​ത്​​ക​രി​ച്ച​താ​യാ​ണ്​ വി​വ​രം. ജ​സ്റ്റി​സ് ഹ​രി​ഹ​ര​ൻ നാ​യ​ർ, ജോ​ർ​ജ് ഓ​ണ​ക്കൂ​ർ, ടി.​പി. ശ്രീ​നി​വാ​സ​ൻ തു​ട​ങ്ങി​യ​വ​ർ ക​മ്മി​റ്റി​യി​ലു​ണ്ടാ​കും. സ​ർ​ക്കാ​റു​മാ​യും സ​മ​ര​സ​മി​തി​യു​മാ​യും അ​ദാ​നി ഗ്രൂ​പ്പു​മാ​യും സം​സാ​രി​ക്കു​മെ​ന്ന് ഗാ​ന്ധി സ്മാ​ര​ക നി​ധി ചെ​യ​ർ​മാ​ൻ എ​ൻ. രാ​ധാ​കൃ​ഷ്ണ​ൻ മാ​ധ്യ​മ​ങ്ങ​ളോ​ട്​ പ്ര​തി​ക​രി​ച്ചു. മാ​ർ ക്ലീ​മി​സ് മു​ൻ​കൈ​യെ​ടു​ത്താ​ണ്​​ ചീ​ഫ് സെ​ക്ര​ട്ട​റി വി. ​ജോ​യി​യും ല​ത്തീ​ൻ രൂ​പ​ത​യും ത​മ്മി​ലെ ച​ർ​ച്ച​ക്ക് ക​ള​മൊ​രു​ക്കി​യ​ത്. ആ‌​ർ​ച്ച് ബി​ഷ​പ് തോ​മ​സ് ജെ. ​നെ​റ്റോ, സ​മ​ര​സ​മി​തി ജ​ന​റ​ൽ ക​ൺ​വീ​ന​ർ യൂ​ജി​ൻ പെ​രേ​ര എ​ന്നി​വ​ർ പ​​ങ്കെ​ടു​ത്തു. വൈ​കു​ന്നേ​ര​ത്തോ​ടെ​യാ​ണ്​ ക​ർ​ദി​നാ​ൾ മു​ഖ്യ​മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്തി​യ​ത്. ഇ​നി​യൊ​രു സം​ഘ​ർ​ഷം ഒ​ഴി​വാ​ക്ക​ണ​മെ​ന്നാ​ണ് പൊ​തു​വി​ലു​ണ്ടാ​യ ധാ​ര​ണ. തീ​ര​ശോ​ഷ​ണം പ​ഠി​ക്കാ​നു​ള്ള വി​ദ​ഗ്ധ​സ​മി​തി​യി​ലേ​ക്ക് സ​മ​ര​സ​മി​തി നി​ർ​ദേ​ശി​ക്കു​ന്ന ആ​ളെ​ക്കൂ​ടി അം​ഗ​മാ​ക്ക​ണ​മെ​ന്ന ഒ​ത്തു​തീ​ർ​പ്പ് നി​ർ​ദേ​ശം പ​രി​ഗ​ണ​ന​യി​ലു​ണ്ട്. സം​ഘ​ർ​ഷ​ത്തി​ലും പൊ​ലീ​സ് സ്റ്റേ​ഷ​ൻ ആ​ക്ര​മ​ണ​ത്തി​ലും കേ​സെ​ടു​ത്തെ​ങ്കി​ലും വ്യാ​പ​ക അ​റ​സ്റ്റി​ലേ​ക്ക് ഉ​ട​ൻ പൊ​ലീ​സ് ക​ട​ക്കാ​ൻ സാ​ധ്യ​ത​യി​ല്ല. വി​വാ​ദ​ങ്ങ​ൾ ഒ​ഴി​വാ​ക്കാ​ൻ ചി​ല കേ​സു​ക​ളി​ൽ പ​ര​സ്പ​ര സ​മ്മ​ത​പ്ര​കാ​ര​മു​ള്ള അ​റ​സ്റ്റി​ലേ​ക്ക്​ നീ​ങ്ങാ​നും സാ​ധ്യ​ത​യു​ണ്ട്.

എ​ന്നാ​ൽ, തു​റ​മു​ഖ നി​ർ​മാ​ണം നി​ർ​ത്തി​വെ​ക്ക​ണ​മെ​ന്ന ത​ർ​ക്ക​വി​ഷ​യ​ത്തി​ൽ ധാ​ര​ണ​യാ​യി​ട്ടി​ല്ല. അ​ടു​ത്ത​ഘ​ട്ട​ത്തി​ൽ മു​ഖ്യ​മ​ന്ത്രി നേ​രി​ട്ട് സ​മ​ര​സ​മി​തി​യു​മാ​യി സം​സാ​രി​ക്കു​ന്ന നി​ല​യി​ലേ​ക്കെ​ത്തി​ക്കാ​നാ​ണ് മ​ധ്യ​സ്ഥ​നീ​ക്കം. മാ​റാ​ട് മാ​തൃ​ക​യി​ൽ സ​മ​രം ഒ​ത്തു​തീ​ർ​പ്പാ​ക്കാ​നാ​ണ്​ ഗാ​ന്ധി സ്മാ​ര​ക നി​ധി നീ​ക്കം. എ​ന്നാ​ൽ, പ​ദ്ധ​തി പ്ര​വ​ർ​ത്ത​നം നി​ർ​ത്ത​ണ​മെ​ന്ന്​ സ​മ​ര​സ​മി​തി​യും പ​ദ്ധ​തി​യു​മാ​യി മു​ന്നോ​ട്ടെ​ന്ന്​ ഉ​റ​ച്ച്​ സ​ർ​ക്കാ​റും നി​ല​പാ​ട്​ സ്വീ​ക​രി​ച്ചി​രി​ക്കെ സ​മ​വാ​യം എ​ങ്ങ​നെ ഉ​രു​ത്തി​രി​യു​മെ​ന്ന​ത്​ പ്ര​ശ്ന​മാ​ണ്.

ആ​ർ​ച്ച്​ ബി​ഷ​പ്പും വി​കാ​രി ജ​ന​റ​ലും ഉ​ൾ​പ്പെ​ടെ​യു​ള്ള​വ​ർ​ക്കെ​തി​രെ കേ​സെ​ടു​ത്ത​തി​ൽ സ​മ​ര​സ​മി​തി​ക്ക്​ ക​ടു​ത്ത എ​തി​ർ​പ്പു​ണ്ട്. അ​ദാ​നി​യു​ടെ ആ​വ​ശ്യ​ങ്ങ​ൾ​ക്ക്​ വ​ഴ​ങ്ങി​യാ​ണ്​ കേ​ന്ദ്ര​സേ​ന​യെ വി​ളി​ക്കാ​ൻ സ​ർ​ക്കാ​ർ സ​മ്മ​തി​ച്ച​തെ​ന്നും കേ​ര​ള പൊ​ലീ​സി​ന്​ ക്ര​മ​സ​മാ​ധാ​ന പാ​ല​ന​ത്തി​ന്​ ക​ഴി​യാ​ത്ത​തി​നാ​ലാ​ണ്​ ഇ​തെ​ന്നും സ​മി​തി കു​റ്റ​പ്പെ​ടു​ത്തു​ന്നു.

കേന്ദ്രസേനയെ ആവശ്യപ്പെട്ടത് അദാനി പോർട്ട് -ആന്‍റണി രാജു

കൊ​ച്ചി: വി​ഴി​ഞ്ഞ​ത്ത് കേ​ന്ദ്രസേ​ന​യെ ആ​വ​ശ്യ​പ്പെ​ട്ട​ത് അ​ദാ​നി പോ​ർ​ട്ടാ​ണെ​ന്നും അ​തി​നെ സം​സ്ഥാ​ന സ​ർ​ക്കാ​ർ എ​തി​ർ​ക്കേ​ണ്ട കാ​ര്യ​മി​ല്ലെ​ന്നും ഗ​താ​ഗ​ത​മ​ന്ത്രി ആ​ന്‍റ​ണി രാ​ജു. നി​ല​വി​ൽ പ​ല വ്യ​വ​സാ​യ സ്ഥാ​പ​ന​ങ്ങ​ൾ​ക്കും വി​മാ​ന​ത്താ​വ​ള​ങ്ങ​ള​ട​ക്ക​മു​ള്ള​വ​ക്കും കേ​ന്ദ്ര​സേ​ന​യു​ടെ സം​ര​ക്ഷ​ണ​മു​ണ്ട്.

അ​ത്ത​ര​ത്തി​ൽ ക​മ്പ​നി​യു​ടെ സു​ഗ​മ​മാ​യ ന​ട​ത്തി​പ്പി​ന്​ ആ​വ​ശ്യ​മാ​ണെ​ന്ന ധാ​ര​ണ​യി​ലാ​കാം അ​ദാ​നി ഗ്രൂ​പ്പും അ​ങ്ങ​നെ ചെ​യ്ത​ത്. ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കേ​ണ്ട​ത് കേ​ന്ദ്രസ​ർ​ക്കാ​റും കോ​ട​തി​യു​മാ​ണെ​ന്ന്​ അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞു.

മ​ന്ത്രി വി. ​അ​ബ്ദു​റ​ഹ്മാ​ന്‍റെ പ്ര​സം​ഗം വ​ള​ച്ചൊ​ടി​ച്ച​താ​ണ്. ഒ​രു മ​ന്ത്രി​യും വി​ഴി​ഞ്ഞം സ​മ​ര​ക്കാ​രെ തീ​വ്ര​വാ​ദി​ക​ൾ എ​ന്ന്​ വി​ളി​ച്ചി​ട്ടി​ല്ല. ത​ന്‍റെ സ​ഹോ​ദ​ര​നെ​തി​രാ​യ ആ​ക്ഷേ​പ​ത്തി​ന് അ​ദ്ദേ​ഹം​ത​ന്നെ മ​റു​പ​ടി ന​ൽ​കി​യി​ട്ടു​ണ്ട്.

വി​ഴി​ഞ്ഞ​ത്ത് പ്ര​ശ്ന​പ​രി​ഹാ​ര​ത്തി​ന്​ എ​ല്ലാ വ​ഴി​ക​ളും തു​റ​ന്നി​ട്ടി​രി​ക്കു​ക​യാ​ണെ​ന്നും മ​ന്ത്രി കൂ​ട്ടി​ച്ചേ​ർ​ത്തു.