ജമാഅത്തെ ഇസ്‌ലാമി വനിത വിഭാഗം സംഘടിപ്പിച്ച സംസ്ഥാന നേതൃ പരിശീലന ക്യാമ്പിൽ
കേരള അമീർ പി. മുജീബ് റഹ്മാൻ സംസാരിക്കുന്നു
പെരുമ്പിലാവ്: ജമാഅത്തെ ഇസ്‌ലാമി വനിത വിഭാഗത്തിന്റെ നേതൃത്വത്തിൽ സംസ്ഥാന നേതൃപരിശീലന ക്യാമ്പിന് അൻസാർ കാമ്പസിൽ തുടക്കമായി. രണ്ടു ദിവസങ്ങളിലായി നടക്കുന്ന ക്യാമ്പ് ഞായറാഴ്ച സമാപിക്കും. ജമാഅത്തെ ഇസ്‌ലാമി കേരള അമീർ പി. മുജീബ് റഹ്മാൻ, ജമാഅത്തെ ഇസ്‌ലാമി ഹിന്ദ് ദേശീയ സെക്രട്ടറിമാരായ എ. റഹ്മത്തുന്നിസ, ശാഹിസ്ത റഅ്ഫത്ത് എന്നിവർ മുഖ്യാതിഥികളായി.
വിദ്യാഭ്യാസ വൈജ്ഞാനിക രംഗത്ത് മുസ്ലിം സ്ത്രീകൾ നേടിയെടുത്ത പുരോഗതിയും വളർച്ചയും സാമൂഹിക നന്മക്കായി പ്രയോജനപ്പെടുത്തണമെന്ന് പി. മുജീബ് റഹ്മാൻ വ്യക്തമാക്കി. പരിശീലന ക്യാമ്പിൽ പാനൽ ഡിസ്കഷൻ, ചർച്ച സദസ്സ് എന്നിവയും നടക്കും. ജമാഅത്തെ ഇസ്‌ലാമി വനിത വിഭാഗം പ്രസിഡന്റ്‌ പി.ടി.പി സാജിത, ജനറൽ സെക്രട്ടറി കെ.ടി. നസീമ, സെക്രട്ടറി റജീന എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.