നേമം: ബൈക്കിൽ ടിപ്പർ ലോറി ഇടിച്ച് യുവാവ് മരിച്ചു. വിളവൂർക്കൽ പെരുകാവ് വട്ടവിള അനീഷ് ഭവനിൽ അനിൽകുമാറിന്റെ മകൻ ആദർശ് (23) ആണ് മരിച്ചത്.
വ്യാഴാഴ്ച ഉച്ചയ്ക്ക് ഒരു മണിയോടുകൂടി തച്ചോട്ടുകാവ്-മൂങ്ങോട് റോഡിലായിരുന്നു അപകടം. ആദർശ് സഞ്ചരിച്ച ബൈക്കിൽ ടിപ്പർ ലോറി ഇടിക്കുകയായിരുന്നു. ബൈക്കിൽ നിന്ന് തെറിച്ചു വീണ യുവാവിനെ ഉടൻതന്നെ തിരുവനന്തപുരം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവദിവസം വൈകുന്നേരം 3 മണിയോടുകൂടിയായിരുന്നു മരണം.
അപകടവുമായി ബന്ധപ്പെട്ട് ടിപ്പർ ഡ്രൈവറും കണ്ണമ്മൂല സ്വദേശിയുമായ അരുണിനെ മലയിൻകീഴ് പൊലീസ് കസ്റ്റഡിയിലെടുത്തു. ആദർശിന്റെ മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുനൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.