പാലക്കാട്: യൂത്ത് കോൺഗ്രസ് സംഘടന തെരഞ്ഞെടുപ്പിൽ വ്യാജ തിരിച്ചറിയൽ കാർഡ് ഉപയോഗിച്ചെന്ന കെ. സുരേന്ദ്രന്‍റെ ആരോപണം തരംതാണതും വ്യാജവുമാണെന്ന് മുൻ സംസ്ഥാന അധ്യക്ഷൻ ഷാഫി പറമ്പിൽ എം.എൽ.എ. രാഷ്ട്രീയ ജീവനുണ്ടെന്ന് വരുത്തി തീർക്കാനുള്ള സുരേന്ദ്രന്‍റെ വ്യഗ്രതയാണ് ഇതിന് പിന്നിലെന്നും ഷാഫി പറമ്പിൽ വ്യക്തമാക്കി.
കുഴൽപ്പണക്കേസിലും തെരഞ്ഞെടുപ്പ് കോഴക്കേസിലും പ്രതിയായ വ്യക്തിയാണ് രാജ്യദ്രോഹത്തെ കുറിച്ചും തീവ്രവാദത്തെ കുറിച്ചും കോൺഗ്രസിനെ ഉപദേശിക്കുന്നത്. യൂത്ത് കോൺഗ്രസ് ഉണ്ടാക്കിയത് ആപ്പ് സംഘടനയുടെ തെരഞ്ഞെടുപ്പ് ആവശ്യത്തിനുള്ളതാണെന്നും അത് സുതാര്യമാണെന്നും ഷാഫി പറഞ്ഞു.
വാർത്തകളിൽ ഇടംപിടിക്കാനുള്ള സുരേന്ദ്രന്‍റെ പതിവ് ആരോപണമാണിത്. സുരേന്ദ്രന്‍റെ ആരോപണം പരിശോധിച്ച് നിയമ വിദഗ്ധരുമായി ആലോചിച്ച് നടപടി സ്വീകരിക്കുമെന്നും ഷാഫി പറമ്പിൽ മാധ്യമങ്ങളോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.