ലോറിയും ബൈക്കും കൂട്ടിയിടിച്ച് യുവാവ് മരിച്ചു

ഹരിപ്പാട്: ലോറിയും ബൈക്കും കൂട്ടിയിടിച്ച് യുവാവ് മരിച്ചു. തട്ടാരമ്പലം മറ്റം വടക്ക് ഈപ്പൻ പറമ്പിൽ തെക്കതിൽ തമ്പിയുടെ മകൻ വിജിതമ്പിയാണ് (28) മരിച്ചത്.

നങ്ങ്യാർകുളങ്ങര തട്ടാരമ്പലം റോഡിൽ മുട്ടം കൊച്ചുവീട്ടിൽ മുക്കിന് സമീപം ഞായറാഴ്ച രാത്രി 11.15 നാണ് അപകടം നടന്നത്. പള്ളിപ്പാട് മുക്കിലെ ഫർണിച്ചർ കടയിലെ ജീവനക്കാരനാണ് വിജിതമ്പി. രാത്രിയിൽ മിക്ക ദിവസങ്ങളിലും കിടക്കുന്നത് കടയിലാണ്. വീട്ടിൽനിന്നും കടയിലേക്ക് കിടക്കാൻ പോകുമ്പോഴായിരുന്നു അപകടം.

ആലുവയിൽനിന്നും മാവേലിക്കരയിലേക്ക് പോവുകയായിരുന്ന ലോറിയുമായി കൂട്ടിയിരിക്കുകയായിരുന്നു. വിജിതമ്പി സംഭവസ്ഥലത്ത് തന്നെ മരിച്ചു.

മാതാവ്: മിനി. സഹോദരൻ: വിബിൻ