പെരുമ്പാവൂര്‍: വെങ്ങോല ഗ്രാമപഞ്ചായത്ത് ഓഫിസിനകത്ത് യുവാവ് മാലിന്യം തള്ളി. ഹരിത കര്‍മസേന മാലിന്യം നീക്കം ചെയ്യുന്നതില്‍ വീഴ്ച വരുത്തിയെന്ന് ആരോപിച്ച് വെങ്ങോല സ്വദേശി അനൂപാണ് ചാക്കിലാക്കിയ ദുര്‍ഗന്ധം വമിക്കുന്ന മാലിന്യം ജീവനക്കാരുടെ കാബിനിനുള്ളിലേക്ക് വലിച്ചെറിഞ്ഞത്. ഓട്ടോറിക്ഷയിൽ ചാക്കിൽ കെട്ടിയാണ് മാലിന്യം കൊണ്ടുവന്നത്.
മാലിന്യം തള്ളുന്നതിന്റെ വിഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. പഞ്ചായത്ത് സെക്രട്ടറി നൽകിയ പരാതിയിൽ പെരുമ്പാവൂര്‍ പൊലീസ് കേസെടുത്തു. കോട്ടയം ജില്ലയിലെ ഒരു പഞ്ചായത്തില്‍നിന്ന് മാലിന്യം ലോറിയില്‍ കൊണ്ടു പോകുന്നതിനിടെ ചാക്ക് താഴെ വീണിരുന്നു.
ഇത് വെങ്ങോല പഞ്ചായത്തിലേതെന്ന് തെറ്റിദ്ധരിച്ചാണ് ഇയാള്‍ പ്രശ്‌നമുണ്ടാക്കിയതെന്നും ചാക്കില്‍ നിന്ന് ലഭിച്ച രസീത് പൊലീസിന് കൈമാറിയിട്ടുണ്ടെന്നും പഞ്ചായത്ത് പ്രസിഡന്റ് ഷിഹാബ് പള്ളിക്കല്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.