16 വ​ർ​ഷം, 150 സി​നി​മ​ക​ൾ; ജാഫർ ഇടുക്കി സംസാരിക്കുന്നു

ലോ​ക​ത്തെ​യാ​കെ കോ​വി​ഡ് ത​ള​ർ​ത്തി​യ കാ​ല​ത്തും ദേ​ശീ​യ, അ​ന്ത​ർ​ദേ​ശീ​യ അം​ഗീ​കാ​ര​ങ്ങ​ൾ മ​ല​യാ​ള​ത്തി​ലേ​ക്ക് കൊ​ണ്ടു​വ​ന്ന​തി​​െൻറ നി​റ​വി​ലാ​ണ് ജാ​ഫ​ർ ഇ​ടു​ക്കി. ജാ​ഫ​ർ ഇ​ടു​ക്കി​യെ മു​ഖ്യക​ഥാ​പാ​ത്ര​മാ​ക്കി ബി​ജു മാ​ണി സം​വി​ധാ​നം ചെ​യ്ത 'ചു​ഴ​ൽ' ദേ​ശ​ത്തും ദേ​ശാ​തി​ർ​ത്തി​ക​ൾ​ക്ക​പ്പു​റ​ത്തും പു​ര​സ്കാ​ര​ങ്ങ​ൾ വാ​ങ്ങി​ക്കൂ​ട്ടു​ക​യാ​ണ്.

ചു​ഴ​ലി​ൽ ഗം​ഭീ​രപ്ര​ക​ട​ന​വു​മാ​യാ​ണ് ജാ​ഫ​ർ നി​റ​ഞ്ഞുനി​ൽ​ക്കു​ന്ന​ത്. മി​സ്​​റ്റ​റി ത്രി​ല്ല​ർ ഗ​ണ​ത്തി​ൽ​പെ​ടു​ന്ന ഈ ​ചി​ത്രം ഒ​രു ഹി​ൽ​സ്​​റ്റേ​ഷ​ൻ റി​സോ​ർ​ട്ടി​ൽ താ​മ​സി​ക്കാ​നെ​ത്തി​യ​വ​രെ​യും അ​വ​രെ ചു​റ്റി​പ്പ​റ്റി​യു​ള്ള നി​ഗൂ​ഢ​ത​ക​ളു​മാ​ണ് പ്ര​മേ​യ​മാ​ക്കി​യ​ത്. ഫ്രാ​ൻ​സി​ലെ കാ​ൻ​സ് ഇ​ൻറർ​നാ​ഷ​ന​ൽ വേ​ൾ​ഡ് ഫി​ലിം ഫെ​സ്​​റ്റി​വ​ലി​ൽ ചി​ത്രം പു​ര​സ്കാ​രം നേ​ടി. അന്ത​മാ​നി​ൽ ന​ട​ന്ന പോ​ർ​ട്ട് ബ്ല​യ​ർ ഇ​ൻറ​ർ​നാ​ഷ​ന​ൽ ഫി​ലിം ഫെ​സ്​​റ്റി​വ​ലി​ൽ ഹൊ​റ​ർ ത്രി​ല്ല​ർ വി​ഭാ​ഗ​ത്തി​ലും മി​ക​ച്ച തി​ര​ക്ക​ഥ​ക്കും അ​വാ​ർ​ഡ് നേ​ടി. ഇ​ന്ത്യ​ൻ പ​നോ​ര​മ ഇ​ൻറർ​നാ​ഷ​ന​ൽ ഫി​ലിം ഫെ​സ്​​റ്റി​വ​ലി​ലും ചു​ഴ​ൽ അ​വാ​ർ​ഡു​ക​ൾ വാ​രി​ക്കൂ​ട്ടി. കൂടെ ചുരുളിയിലെ വർക്കിച്ചനായുള്ള തകർപ്പൻ പ്രകടനവും.

16 വ​ർ​ഷം, 150 സി​നി​മ​ക​ൾ

2005ൽ '​ഒ.​കെ. ചാ​ക്കോ കൊ​ച്ചി​ൻ മും​ബൈ'​യി​ലൂ​ടെ സി​നി​മാ​ഭി​ന​യം തു​ട​ങ്ങി​യ ജാ​ഫ​ർ ഇ​ന്ന് വ​ള​രെ തി​ര​ക്കു​ള്ള മ​ല​യാ​ള താ​ര​ങ്ങ​ളി​ൽ ഒ​രാ​ളാ​യി മാ​റി​ക്ക​ഴി​ഞ്ഞു. ഇ​തു​വ​രെ 150ലേ​റെ സി​നി​മ​ക​ളി​ൽ അ​ഭി​ന​യി​ച്ചു​ക​ഴി​ഞ്ഞു.

കോ​വി​ഡ് പ്ര​തി​സ​ന്ധി​ക​ൾ​ക്കി​ട​യി​ലും ജാ​ഫ​റി​ന് സി​നി​മ​ക​ളു​ടെ എ​ണ്ണ​ത്തി​ൽ കു​റ​വൊ​ന്നും വ​ന്നി​ട്ടി​ല്ല. ലൊ​ക്കേ​ഷ​നി​ൽ​നി​ന്ന് ലൊ​ക്കേ​ഷ​നി​ലേ​ക്ക് നീ​ളു​ന്ന സി​നി​മ​ാജീ​വി​ത​ത്തി​ൽ, കോ​വി​ഡ് ഭീ​തി​പ​ര​ത്തി​യ ക​ഴി​ഞ്ഞ ഒ​ന്ന​ര വ​ർ​ഷ​ത്തി​നി​ട​യി​ൽ ജാ​ഫ​റി​ന് വീ​ട്ടി​ൽ ഒ​തു​ങ്ങി​ക്കൂ​ടേ​ണ്ടിവ​ന്ന​ത് ഒ​രു മാ​സ​ക്കാ​ലം മാ​ത്രം. ഇ​തി​നി​ട​യി​ൽ ചി​ല ആ​ൽ​ബ​ങ്ങ​ളി​ലും അ​ഭി​ന​യി​ച്ചു. മ​ഹാ​മാ​രി​യു​ടെ കാ​ല​ത്ത് പ​ള്ളി​യി​ൽ ബാ​ങ്ക് വി​ളി​ക്കു​ന്ന മു​ക്രി​യു​ടെ ഏ​കാ​ന്ത​ത​യും അ​നു​ഭ​വ​ങ്ങ​ളും പകർത്തിയ തൗ​ഫീ​ക്ക്​ എ​ന്ന ആ​ൽ​ബം യൂ​ട്യൂ​ബി​ൽ ഏ​റെ ശ്ര​ദ്ധ നേ​ടി​യി​രു​ന്നു.

ഇ​രു​പ​തോ​ളം ചി​ത്ര​ങ്ങ​ളാ​ണ് ജാ​ഫ​റി​േൻറ​താ​യി റി​ലീ​സി​ങ്ങി​ന് കാ​ത്തി​രി​ക്കു​ന്ന​ത്. ജാ​ഫ​ർ പ്ര​ധാ​ന വേ​ഷ​ങ്ങ​ളി​ലെത്തു​ന്ന സി​നി​മ​ക​ളു​ടെ ചി​ത്രീ​ക​ര​ണ​വും പു​രോ​ഗ​മി​ക്കു​ന്നു​ണ്ട്. ഹൈ​ദ​രാ​ബാ​ദി​ൽ മോ​ഹ​ൻ​ലാ​ൽ -​പൃ​ഥ്വി​രാ​ജ് ചി​ത്ര​മാ​യ ബ്രോ ​ഡാ​ഡി​യി​ലെ വേ​ഷം ക​ഴി​ഞ്ഞ് ചെ​ന്നൈ​യി​ൽ ന​യ​ൻ​താ​ര നാ​യി​ക​യാ​കു​ന്ന ത​മി​ഴ് ചി​ത്ര​ത്തി​െൻറ ലൊ​ക്കേ​ഷ​നി​ലേ​ക്ക്. അ​വി​ടെ​നി​ന്ന് മും​ബൈ​യി​ൽ ഫ​ഹ​ദ് ചി​ത്ര​മാ​യ മ​ല​യ​ൻ കു​ഞ്ഞി​െൻറ സെ​റ്റി​ലേ​ക്ക്. അ​വി​ടെനി​ന്ന് നാ​ട്ടി​ലേ​ക്ക്. ഇവിടെയും കാ​ത്തി​രി​ക്കു​ന്ന​ത് നി​ര​വ​ധി ചി​ത്ര​ങ്ങ​ൾ.വി​ന​യ​ൻ ചി​ത്ര​മാ​യ 19ാം നൂ​റ്റാ​ണ്ട്, പേ​രി​ട്ടി​ട്ടി​ല്ലാ​ത്ത ലാ​ൽ ജോ​സ് ചി​ത്രം, ബി​നു തൃ​ക്കാ​ക്ക​ര നാ​യ​ക​നാ​കു​ന്ന മൈ ​നെ​യിം ഈ​സ് അ​ഴ​ക​ൻ, ഷ​റ​ഫു​ദ്ദീ​ൻ നാ​യ​ക​നാ​കു​ന്ന പ്രി​യ​ൻ ഓ​ട്ട​ത്തി​ലാ​ണ്... അ​ങ്ങ​നെ ജാ​ഫ​ർ ഓ​ടു​ക​യാ​ണ് ഒ​രു സെ​റ്റി​ൽ നി​ന്ന് അ​ടു​ത്ത സെ​റ്റി​ലേ​ക്ക്.

ഓ​ട്ടോ ഓ​ടി​ക്ക​ലും മി​മി​ക്രി​യും...

പ​ത്താം ക്ലാ​സ് ക​ഴി​ഞ്ഞ് കു​റ​ച്ച് പ​ണി​ക​ളൊ​ക്കെ പ​ഠി​ച്ച് വീ​ടി​ന​ടു​ത്ത് ഒ​രു ക​ട​യെ​ടു​ത്ത് റേ​ഡി​യോ-​ ടി.​വി ന​ന്നാ​ക്ക​ലും ഇ​ല​ക്ട്രീ​ഷ്യ​ൻ, പ്ലം​ബ​ർ തു​ട​ങ്ങി​യ ജോ​ലി​ക​ളും ചെ​യ്തി​രു​ന്ന കാ​ല​മു​ണ്ട്. ക​ട​യു​ടെ മു​ന്നി​ൽ ഒ​രു ഓ​ട്ടോ​യും ഇ​ട്ട് ഓ​ടി​ക്കും. ഇ​ട​ക്കൊ​ക്കെ മി​മി​ക്രി​യും. അ​ങ്ങ​നെ പ​ത്തുപ​ന്ത്ര​ണ്ട് കൊ​ല്ലം. അ​ങ്ങ​നെ​യി​രി​ക്കെ ക​ലാ​ഭ​വ​ൻ റ​ഹ്​മാ​െൻറ ജോ​ക്സ് ഇ​ന്ത്യ എ​ന്ന പ്ര​ഫ​ഷ​ന​ൽ ട്രൂ​പ്പി​ൽ ക​യ​റി. പി​ന്നീ​ട് അ​ബി​യു​ടെ സാ​ഗ​ർ ട്രൂ​പ്പി​ൽ ര​ണ്ടു വ​ർ​ഷം. അ​വി​ടെ​നി​ന്നാ​ണ് ക​ലാ​ഭ​വ​നി​ൽ എ​ത്തു​ന്ന​ത്. അ​വി​ടെ ആ​റു വ​ർ​ഷ​ത്തോ​ളം ഉ​ണ്ടാ​യി​രു​ന്നു. ഇ​തി​നി​ട​യി​ൽ എ​ട്ട് സു​ന്ദ​രി​ക​ളും ഞാ​നും എ​ന്ന സീ​രി​യ​ലി​ൽ എ​ത്തി. അ​ക്കാ​ല​ത്ത് ശ്ര​ദ്ധി​ക്ക​പ്പെ​ട്ട സീ​രി​യലാ​യി​രു​ന്നു അ​ത്. അ​ങ്ങ​നെ​യി​രി​ക്കെ ആ​ദ്യ സി​നി​മ​യി​ൽ അ​വ​സ​രം കി​ട്ടി. മ​മ്മി സെ​ഞ്ച്വ​റി ഇ​റ​ക്കി​യ കോ​മ​ഡി മൂ​സ എ​ന്ന വി​ഡി​യോ കാ​സ​റ്റി​ൽ എ​ന്നെ ക​ണ്ടാ​ണ് ഡ​യ​റ​ക്​​ട​ർ അ​നീ​ഷ് പ​ണി​ക്ക​ർ സി​നി​മ​യി​ലേ​ക്ക് വി​ളി​ക്കു​ന്ന​ത്. ഒ.​കെ. ചാ​ക്കോ കൊ​ച്ചി​ൻ മും​ബൈ എ​ന്നാ​യി​രു​ന്നു സി​നി​മ​യു​ടെ പേ​ര്. തി​ല​ക​ൻ ചേ​ട്ട​ൻ മു​ഖ്യ​വേ​ഷ​ത്തി​ൽ എ​ത്തു​ന്ന സി​നി​മ​യി​ൽ പ്ര​ധാ​ന മൂ​ന്നു ക​ഥാ​പാ​ത്ര​ങ്ങ​ളി​ൽ ഒ​രാ​ളാ​യി​ട്ടാ​യി​രു​ന്നു വേ​ഷം. സി​നി​മ തി​യ​റ്റ​റി​ൽ റി​ലീ​സ് ആ​യി​ല്ല. ടി.​വി​യി​ൽ ഇ​ട​ക്ക്​ വ​രാ​റു​ണ്ട്.

മ​മ്മൂക്ക​ക്കൊ​പ്പ​മു​ള്ള ആ​ദ്യ സീ​ൻ

ക​ലാ​ഭ​വ​ൻ മ​ണി​യു​ടെ ചാ​ക്കോ ര​ണ്ടാ​മ​നാ​യി​രു​ന്നു ര​ണ്ടാ​മ​ത്തെ സി​നി​മ. അ​തി​നു​ശേ​ഷ​മാ​ണ് മ​മ്മൂക്ക ചി​ത്ര​മാ​യ ക​യ്യൊ​പ്പി​ൽ ന​ല്ലൊ​രു സീ​രി​യ​സ് വേ​ഷം കി​ട്ടു​ന്ന​ത്. ഹോ​ട്ട​ൽ ബോ​യി​യു​ടെ വേ​ഷ​മാ​യി​രു​ന്നു അ​ത്. കൈ​യി​ൽ ചൂ​ലു​മൊ​ക്കെ​യാ​യി റൂം ​വൃ​ത്തി​യാ​ക്കു​ന്ന സീ​ൻ. മ​മ്മൂക്ക​ക്കൊ​പ്പ​മു​ള്ള ആ ​ആ​ദ്യ സീ​ൻ പേ​ടി​ച്ചാ​ണ് ചെ​യ്ത​ത്. ചൂ​ലു​മാ​യി നി​ന്ന് ഡ​യ​ലോ​ഗ് പ​റ​യാ​തെ എ​ന്തെ​ങ്കി​ലു​മൊ​ക്കെ ചെ​യ്തു​കൊ​ണ്ട് ഡ​യ​ലോ​ഗ് അ​വ​ത​രി​പ്പി​ക്കു​ന്ന​ത് ന​ല്ല​താ​യി​രി​ക്കു​മെ​ന്ന് മ​മ്മൂക്ക​യാ​ണ് പ​റ​ഞ്ഞുത​ന്ന​ത്. പി​ന്നീ​ട് സി​നി​മ ക​ണ്ട​വ​ർ ന​ല്ല അ​ഭി​പ്രാ​യം പ​റ​ഞ്ഞ​പ്പോ​ൾ സ​ന്തോ​ഷം തോ​ന്നി. ആ​ദ്യ​മാ​യി ശ്ര​ദ്ധി​ക്ക​പ്പെ​ട്ട വേ​ഷം അ​താ​യി​രു​ന്നു.

വേ​ണം ഒ​രു ക​ട്ട വി​ല്ല​ൻ​വേ​ഷം

ആ​ഗ്ര​ഹി​ച്ച വേ​ഷ​ങ്ങ​ളി​ൽ ഒ​രു ക​ട്ട വി​ല്ല​ൻവേ​ഷം മാ​ത്ര​മേ ഇ​നി ചെ​യ്യാ​നു​ള്ളൂ. ബാ​ക്കി എ​ല്ലാം ചെ​യ്തു. ചെ​റി​യ വി​ല്ല​ൻവേ​ഷ​ങ്ങ​ൾ കി​ട്ടി​യി​ട്ടു​ണ്ട്. റി​ലീ​സി​ങ്ങി​ന് കാ​ത്തി​രി​ക്കു​ന്ന സി​നി​മ​ക​ളി​ലൊ​ന്നാ​യ സ​ബാ​ഷ് ച​ന്ദ്ര​നി​ൽ മി​ല്ല് ന​ട​ത്തു​ന്ന ചെ​ട്ടി​യാ​രു​ടെ വി​ല്ല​ൻവേ​ഷ​മാ​ണ്.

താ​ടി​യും മീ​ശ​യു​മൊ​ക്കെ വ​ള​ർ​ത്തി ചാ​ച്ച​ൻ, അ​പ്പ​ച്ച​ൻ, അ​ച്ചാ​ച്ച​ൻ, ജോ​സ​ഫ് ചേ​ട്ട​ൻ, ലാ​സ​ർ ചേ​ട്ട​ൻ തു​ട​ങ്ങി​യ കു​റെ കാ​ർ​ന്നോ​ര് ക​ഥാ​പാ​ത്ര​ങ്ങ​ളി​ലാ​ണ് ഞാ​ൻ ഇ​പ്പോ​ൾ നി​ൽ​ക്കു​ന്ന​ത്. ഇ​റ​ങ്ങാ​നു​ള്ള ഇ​രു​പ​തോ​ളം സി​നി​മ​ക​ളി​ൽ ആ​റെ​ണ്ണം കോ​മ​ഡിവേ​ഷ​വും ബാ​ക്കി​യൊ​ക്കെ സീ​രി​യ​സ് വേ​ഷ​ങ്ങ​ളു​മാ​ണ്.

ത​മി​ഴി​ൽ ന​യ​ൻ​താ​ര​ക്കൊ​പ്പം അ​ര​ങ്ങേ​റ്റം

ജാ​ഫ​റി​െൻറ അ​ഭി​ന​യമികവ് ത​മി​ഴ​ക​ത്തേ​ക്കും ക​ട​ക്കു​ക​യാ​ണ്. വി​ഘ്നേ​ഷ് സം​വി​ധാ​നം ചെ​യ്യു​ന്ന, ന​യ​ൻ​താ​ര മു​ഖ്യ​വേ​ഷ​ത്തി​ൽ എ​ത്തു​ന്ന ചി​ത്ര​ത്തി​ലൂ​ടെ​യാ​ണ് ത​മി​ഴ് സി​നി​മ​യി​ലെ​ത്തു​ന്ന​ത്. ലി​ജോ ജോ​സ് െപ​ല്ലി​ശ്ശേ​രി സം​വി​ധാ​നം ചെ​യ്ത ജ​ല്ലി​ക്കെ​ട്ടും മാ​ർ​ട്ടി​ൻ പ്ര​ക്കാ​ട് ചി​ത്ര​മാ​യ നാ​യാ​ട്ടും ക​ണ്ടാ​ണ് ത​മി​ഴി​ലേ​ക്ക് വി​ളി വ​രു​ന്ന​ത്. ന​യ​ൻ​താ​ര സി​നി​മ​യി​ൽ പ്ര​ധാ​ന വേ​ഷ​മാ​ണ് ജാ​ഫ​റി​നു​ള്ള​ത്. 42 ദി​വ​സ​ത്തെ ഷൂ​ട്ടിങ്ങാ​ണ് അ​വി​ടെ ഉ​ണ്ടാ​യി​രു​ന്ന​ത്. ത​മി​ഴി​നു പു​റ​മെ തെ​ലു​ങ്കി​ലും ഒ​രു കൈ ​നോ​ക്കാ​നു​ള്ള ത​യാ​റെ​ടു​പ്പി​ലാ​ണ് ജാ​ഫ​ർ. തെ​ലു​ങ്ക് സി​നി​മ​യു​ടെ ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണ്.

മ​ല​യ​ൻ കു​ഞ്ഞി​ൽ ഫ​ഹ​ദി​നൊ​പ്പം

ഫ​ഹ​ദ് ഫാ​സി​ൽ സി​നി​മ​യാ​യ മ​ല​യ​ൻ കു​ഞ്ഞി​െൻറ ഷൂ​ട്ടി​ങ്ങാ​ണ് ഈ​യി​ടെ ക​ഴി​ഞ്ഞ​ത്. ഇ​തി​ൽ പ്ര​ധാ​ന​പ്പെ​ട്ട റോ​ളാ​ണ്. ഫ​ഹ​ദു​മൊ​ത്തു​ള്ള കോ​മ്പി​നേ​ഷ​ൻ സീ​നു​ക​ൾ മും​ബൈ​യി​ൽ​െവ​ച്ചാ​ണ് ചി​ത്രീ​ക​രി​ച്ച​ത്.

തി​യ​റ്റ​റി​ൽ സി​നി​മ ക​ണ്ടി​ട്ട് 16 വ​ർ​ഷം

തി​യ​റ്റ​റി​ൽ പോ​യി സി​നി​മ കാ​ണാ​റി​ല്ല. പ​ത്തുപ​തി​നാ​റ് കൊ​ല്ല​മാ​യി​ക്കാ​ണും തി​യ​റ്റ​റി​ൽ പോ​യി​ട്ട്. അ​തി​നു പി​ന്നി​ൽ വേ​ദ​നി​പ്പി​ക്കു​ന്ന ചി​ല ഓ​ർ​മ​ക​ൾ ഉ​ണ്ട്. ഇ​ടു​ക്കി​യി​ൽ ഉ​ണ്ടാ​യി​രു​ന്ന​പ്പോ​ൾ എ​െൻറ ഒ​രു അ​നി​യ​ത്തി​ക്കു​ട്ടി​യും അ​വ​ളു​ടെ ജ്യേ​ഷ്ഠ​നു​മൊ​ക്കെകൂ​ടി ഞാ​യ​റാ​ഴ്ച മാ​റ്റി​നി​ക്ക് ഇ​ടു​ക്കി ഗ്രീ​ൻ​ലാ​ൻ​ഡ്​ തി​യ​റ്റ​റി​ൽ സി​നി​മ​ക്ക്​ പോ​കു​മാ​യി​രു​ന്നു. വി​വാ​ഹ​മൊ​ക്കെ ക​ഴി​ഞ്ഞ് കു​റ​ച്ചു​നാ​ൾ ക​ഴി​ഞ്ഞ​പ്പോ​ൾ ആ ​കു​ട്ടി മ​രിച്ചു. അ​തി​ൽ​പി​ന്നെ തി​യ​റ്റ​റി​ൽ പോ​കു​ന്ന​ത് ഒ​ഴി​വാ​ക്കി. ടി.​വി​യി​ൽ മ​ന​സ്സി​ൽ പ​തി​ഞ്ഞ പ​ഴ​യ സി​നി​മ​ക​ൾ വ​ന്നാ​ൽ കാ​ണും. എെൻറ സി​നി​മ​ക​ൾ ഒ​ട്ടും കാ​ണാ​റി​ല്ല. പി​ന്നെ​യു​ള്ള ഹോ​ബി ടി.​വി​യി​ൽ ന്യൂ​സ് കാ​ണ​ലാ​ണ്.

ഷൂ​ട്ടി​ങ്ങി​നി​ടെ അ​വ​ധി കി​ട്ടി​യാ​ൽ ജാ​ഫ​ർ തൊ​ടു​പു​ഴ ഉ​ടു​മ്പ​ന്നൂ​രി​ലെ വീ​ട്ടി​ലെ​ത്തും. അ​വി​ടെ ഭാ​ര്യ സി​മി​ക്കും മ​ക്ക​ളാ​യ അ​ൽ​ഫി​യ​ക്കും മു​ഹ​മ്മ​ദ് അ​ൻ​സാ​ഫി​നും മു​ന്നി​ൽ ഉ​ത്ത​ര​വാ​ദി​ത്ത​മു​ള്ള ഗൃ​ഹ​നാ​ഥ​നാ​ണ്. വീ​ട്ടി​ലെ കൃ​ഷി​യി​ട​ത്ത് മ​ണ്ണി​നെ​യ​റി​ഞ്ഞ ത​നി ഇ​ടു​ക്കി​ക്കാ​ര​ൻ ക​ർ​ഷ​ക​നാ​കും. സു​ഹൃ​ത്തു​ക്ക​ൾ​ക്കും നാ​ട്ടു​കാ​ർ​ക്കും മു​ന്നി​ൽ അ​വ​രി​ൽ ഒ​രാ​ളാ​യ ജാ​ഫ​ർ​ക്ക​യും.

സി​നി​മ​യി​ല്ലെ​ങ്കി​ൽ ഓ​ട്ടോ ഓ​ടി​ക്കും

''സി​നി​മ​യി​ൽ എ​ത്തി​യി​ട്ട് 16 വ​ർ​ഷം ക​ഴി​യു​ന്നു. തി​രി​ഞ്ഞു​നോ​ക്കു​മ്പോ​ൾ വ​ലി​യ മാ​റ്റ​മൊ​ന്നും വ​ന്നി​ട്ടി​ല്ല. ദാ​രി​ദ്ര്യ​വും ദു​രി​ത​വും ഒ​ക്കെ കു​റ​ച്ച് ഒ​തു​ങ്ങി എ​ന്നേ​യു​ള്ളൂ. സി​നി​മ​യി​ൽനി​ന്നും മി​മി​ക്രി​യി​ൽനി​ന്നും കി​ട്ടി​യ​തൊ​ക്കെ കൂ​ട്ടി​െ​വ​ച്ച് ഒ​രു വീ​ട് ​െവ​ച്ചു. പി​ന്നെ മോ​ളെ വി​വാ​ഹം ചെ​യ്ത് അ​യ​ച്ചു. ഒ​രു വ​ണ്ടി വാ​ങ്ങി. കൃ​ഷി​ക്കാ​യി 15 സെ​ൻ​റ്​ സ്ഥ​ലം വാ​ങ്ങി. ഇ​പ്പോ​ൾ സി​നി​മ ഉ​ണ്ട്. ക​ട​വും ഉ​ണ്ട്. ക​ട​ങ്ങ​ൾ കു​റശ്ശെ വീ​ട്ടി​ക്കൊ​ണ്ടി​രി​ക്കു​ന്നു. മ​ക​ൾ​ക്ക് ഒ​രു കു​ഞ്ഞാ​യി. അ​പ്പൂ​പ്പ​നാ​യ​തിെൻറ സ​ന്തോ​ഷ​ത്തി​ൽ അ​ങ്ങ​നെ​യൊ​ക്കെ പോ​കു​ന്നു.

പ​ത്താം വ​യ​സ്സി​ൽ തു​ട​ങ്ങി​യ​താ​ണ് പ​ണി. ഞാ​ൻ മാ​റി​യി​ട്ടി​ല്ല എ​ന്നാ​ണ് എ​െൻറ വി​ശ്വാ​സം. സൗ​ക​ര്യ​ങ്ങ​ൾ ഒ​ക്കെ പ​ഴ​യ​തി​ൽ​നി​ന്ന് മെ​ച്ച​പ്പെ​ട്ടു​വ​ന്നു​കൊ​ണ്ടി​രി​ക്കു​ന്നു. ആ ​സൗ​ക​ര്യ​ങ്ങ​ളി​ൽ ക​യ​റി താ​മ​സി​ച്ചു​ക​ഴി​യു​മ്പോ​ൾ ന​മ്മ​ൾ മാ​റ​ണ​മെ​ന്നി​ല്ല​ല്ലോ. പ​ണ്ട് മ​ര​ത്തി​െൻറ ചു​വ​ട്ടി​ൽ ക​സേ​ര​യു​മി​ട്ട് ഇ​രു​ന്ന​വ​നാ ഇ​പ്പോ​ൾ കാ​ര​വാ​നി​ൽ ഇ​രി​ക്കു​ന്ന​ത്​ എ​ന്ന് ചി​ല​ർ പ​റ​ഞ്ഞേ​ക്കാം. അ​വ​ർ ത​രു​ന്ന സൗ​ക​ര്യ​ത്തി​ൽ ഇ​രി​ക്കു​ന്നു, അ​ത്രേ​യു​ള്ളൂ. അ​വി​ടെ അ​ത്ത​രം സൗ​ക​ര്യ​ങ്ങ​ൾ ഇ​ല്ലെ​ങ്കി​ൽ മ​ര​ത്തി​െൻറ ചു​വ​ട്ടി​ൽ​ത്ത​ന്നെ​യി​രി​ക്കും.

ഇ​ത് സി​നി​മാഫീ​ൽ​ഡ് ആണ്.ന​മ്മ​ളേ​ക്കാ​ൾ ക​ഴി​വു​ള്ള​വ​ർ വ​ന്നാ​ൽ വീ​ട്ടി​ൽ ഇ​രി​ക്കേ​ണ്ടി​വ​രും. അ​ങ്ങ​നെ വ​ന്നാ​ൽ അ​ഞ്ചാ​റ് ഓ​ട്ടോ​റി​ക്ഷ വാ​ങ്ങി ഒ​രെ​ണ്ണം ഞാ​ൻ ഓ​ടി​ച്ച് ബാ​ക്കി മ​റ്റു​ള്ള​വ​രെ​ക്കൊ​ണ്ട് ഓ​ടി​പ്പി​ക്കും. അ​ങ്ങ​നെ ചെ​ല​വ് ക​ഴി​ഞ്ഞു​പോ​കാം എ​ന്ന ചി​ന്താ​ഗ​തി എ​പ്പോ​ഴു​മു​ണ്ട്. ന​മ്മ​ൾ ഏ​തു തൊ​ഴി​ലും ചെ​യ്യാ​ൻ ത​യാ​റു​ണ്ടെ​ങ്കി​ൽ ജീ​വി​ത​ത്തി​ൽ പ​രാ​ജ​യം വ​രി​ല്ലെ​ന്നാ​ണ് വി​ശ്വാ​സം.

അ​വാ​ർ​ഡ് വി​വ​രം അ​റി​യി​ച്ച് മോ​ഹ​ൻ​ലാ​ൽ

ചു​ഴ​ലി​ന് കാ​ൻ ഫെ​സ്​​റ്റി​വ​ലി​ൽ അ​വാ​ർ​ഡ് കി​ട്ടി​യ​ത് ഞാ​ൻ അ​റി​യു​ന്ന​ത് ലാ​ൽ സാ​ർ പ​റ​യു​മ്പോ​ഴാ​ണ്. ഹൈ​ദ​രാ​ബാ​ദി​ൽ ​േബ്രാ ​ഡാ​ഡി​യു​ടെ ഷൂ​ട്ടി​ങ്ങി​നി​ടെ​യാ​യി​രു​ന്നു അ​ത്. ജാ​ഫ​റി​െൻറ സി​നി​മ കാ​ൻ ഫെ​സ്​​റ്റി​വ​ലി​ൽ അ​വാ​ർ​ഡ് നേ​ടി​യ​ല്ലോ എ​ന്ന് ലാ​ൽ സാ​ർ പ​റ​ഞ്ഞ​റി​ഞ്ഞ​പ്പോ​ൾ ഏ​റെ അ​ഭി​മാ​നം തോ​ന്നി.