റ​മ​ദാ​ൻ നി​ലാ​വും കാ​ത്ത്

റ​മ​ദാ​ൻ നോ​മ്പ് വ​രു​മ്പോ​ൾ ഒ​രു​പാ​ട് കു​ഞ്ഞ് ഓ​ർ​മ​ക​ൾ അ​യ​വി​റ​ക്കാ​തെ ഓ​രോ ദി​വ​സ​വും എ​ന്നി​ൽ​നി​ന്നും മ​റ​ഞ്ഞു പോ​കാ​റി​ല്ല. ആ​ധു​നി​ക സ​ജ്ജീ​ക​ര​ണ​ങ്ങ​ളും വാ​ർ​ത്ത മാ​ധ്യ​മ​ങ്ങ​ളും ഒ​ന്നു​മി​ല്ലാ​തി​രു​ന്ന ആ ​കാ​ല​ത്ത് റ​മ​ദാ​ൻ നി​ലാ​വ് ക​ണ്ടെന്ന് അ​റി​യാ​ൻ പ​ള്ളി​യി​ലെ മു​ക്രി (മു​അ​ദി​ൻ) കാ​ൽ​ന​ട​യാ​യും അ​ല്ലെ​ങ്കി​ൽ ബ​സി​ലു​മൊ​ക്കെ ന​മ്മു​ടെ സ്വ​ന്തം അ​റ​ക്ക​ൽ കൊ​ട്ടാ​ര​ത്തി​ലേ​ക്കൊ​രു യാ​ത്ര. അ​വി​ടന്നാ​യി​രു​ന്നു റ​മ​ദാ​ൻ നോ​മ്പും പെ​രു​ന്നാ​ളു​മൊ​ക്കെ പ്ര​ഖ്യാ​പി​ക്ക​ൽ. നി​ലാ​വ് ക​ണ്ട​താ​യി അ​റി​ഞ്ഞാ​ൽ പൊ​ട്ടി​പ്പൊ​ളി​ഞ്ഞ ചെ​മ്മ​ൺ പാ​ത​യി​ലൂ​ടെ ആ​വും ന​മ്മു​ടെ മു​ക്രി​ക്ക ഒ​രു ചൂ​ട്ട​യോ പെ​ൻ ടോ​ർ​ച്ചോ പി​ടി​ച്ച് നാ​ട്ടി​ലേ​ക്ക് വ​രു​ക.

വ​രു​ന്ന വ​ഴി​യി​ൽ ചി​ല​ർ കാ​ര്യ​മ​റി​യാ​ൻ റോ​ഡു​വ​ക്കി​ൽ കാ​ത്തു നി​ൽ​ക്കു​ന്നു​ണ്ടാ​വും. അ​ങ്ങ​നെ റ​മ​ദാ​ൻ പി​റ​ന്ന വാ​ർ​ത്ത​ക​ൾ കൈ​മാ​റി നാ​ട​റി​യു​മ്പോ​ൾ രാ​ത്രി ഏ​റെ വൈ​കി​യി​രി​ക്കും. ഓ​രോ നാ​ട്ടി​ലും അ​പ്പോ​ൾ തു​ട​ങ്ങും പ​ള്ളി​ക​ളി​ലെ മൈ​ക്കി​ലൂ​ടെ ത​ക്ബീ​ർ ധ്വ​നി​ക​ൾ. അ​ന്ന് ഇ​ങ്ങ​നെ​യൊ​ക്കെ ആ​യി​രു​ന്നു നാ​ട്ടു​കാ​രെ റ​മ​ദാ​ന്റെ പി​റ​വി അ​റി​യി​ച്ചി​രു​ന്ന​ത്. അ​ത്താ​ഴ​ത്തി​ന് ആ​ളു​ക​ളെ ഉ​ണ​ർ​ത്താ​ൻ വേ​ണ്ടി ഏ​തെ​ങ്കി​ലും ചി​ല പ​ള്ളി​ക​ളി​ലെ മൈ​ക്കി​ൽ കൂ​ടി ഉ​സ്താ​ദ് ഓ​തു​ന്ന അ​ർ​റ​ഹ്മാ​ൻ സൂ​റ​ത്തി​ന്റെ ശ​ബ്ദ​മാ​ധു​ര്യ​വും, ചു​മ​രി​ൽ തൂ​ക്കി​യ ചാ​വി തി​രി​ച്ച് പ്ര​വ​ർ​ത്തി​ക്കു​ന്ന പെ​ൻ​ഡു​ലം ഘ​ടി​കാ​ര​ത്തി​ന്റെ (നീ​ള​ൻ) നാ​ലു മ​ണി​മു​ട്ടു​മൊ​ക്കെ​യാ​ണ് അ​ന്ന് അ​ത്താ​ഴ​ത്തി​ന് ഉ​ണ​ർ​ത്താ​നു​ള്ള ചി​ല ഉ​പ​ക​ര​ണ​ങ്ങ​ൾ. ഉ​മ്മ ഉ​ണ​ർ​ന്നാ​ൽ ഉ​ട​നെ മ​റ്റു​ള്ള​വ​രെ വി​ളി​ച്ചു​ണ​ർ​ത്താ​ൻ ശ്ര​മി​ക്കും.

അ​സ​ർ ബാ​ങ്ക് വി​ളി കേ​ട്ടാ​ൽ ഉ​ട​നെ ക​ളി നി​ർ​ത്തി തോ​ട്ടി​ലേ​ക്ക് കു​ളി​ക്കാ​ൻ ഓ​ടും. നോ​മ്പു നോ​ൽ​ക്കു​ന്ന​വ​ർ മു​ങ്ങി​ക്കു​ളി​ക്കാ​ൻ പാ​ടി​ല്ലെ​ന്നാ​ണ് ഉ​മ്മൂ​മ്മ പ​റ​ഞ്ഞു​ത​ന്ന​ത്. മു​ങ്ങി​ക്കു​ളി​ച്ചാ​ൽ നോ​മ്പു മു​റി​യു​മ​ത്രെ. സൂ​ക്ഷ്മ​ത​ക്ക്​ വേ​ണ്ടി​യാ​കും ഉ​മ്മൂ​മ്മ അ​ങ്ങ​നെ പ​റ​ഞ്ഞു ത​ന്ന​ത്. അ​തു​കൊ​ണ്ട് തോ​ട്ടി​ലെ പ​ടി​യു​ടെ മു​ക​ളി​ൽ കു​ത്തി​യി​രു​ന്ന് പാ​ട്ട​യി​ൽ വെ​ള്ളം കോ​രി ഒ​ഴി​ച്ചാ​ണ് റ​ദാ​നി​ലെ പ​ക​ലി​ൽ കു​ളി​ക്കാ​റ്. നോ​മ്പ്​ തു​റ​ക്കാ​യി ഒ​രു ബ​ക്ക​റ്റ് കി​ണ​റി​ലെ വെ​ള്ള​ത്തി​ൽ പേ​രി​ന​ൽ​പം പ​ഞ്ച​സാ​ര​യും മൂ​ന്നോ നാ​ലോ ചെ​റു​നാ​ര​ങ്ങ​യും പി​ഴി​ഞ്ഞ് സ​ർ​ബ​ത്ത് ക​ല​ക്കും. കൂ​ടാ​തെ പ​ള്ളി​യി​ലെ സ്പെ​ഷ​ൽ ജി​ര​ക ക​ഞ്ഞി​യും. ഇ​ത്ര​യും ഒ​രു​ങ്ങി​യാ​ൽ നോ​മ്പു​തു​റ ബ​ഹു​കേ​മ​മാ​യി. ഇ​ട​ക്ക്​ ആ​രെ​ങ്കി​ലും പ​ഴ​വ​ർ​ഗം ത​ന്നാ​ൽ അ​തൊ​രു വി​ശേ​ഷം ത​ന്നെ​യാ​യി​രു​ന്നു. പ​ത്തി​രി​യു​ടെ തു​ണ്ടും സ്റ്റീ​ൽ ഗ്ലാ​സ്സി​ൽ നി​റ​ച്ച സ​ർ​ബ​ത്തും ഓ​രോ​രു​ത്ത​രാ​യി വീ​തം വെ​ച്ചെ​ടു​ത്ത് പ​ള്ളി വ​രാ​ന്ത​യി​ലും ഹൗ​ളി​ന്റെ ഇ​രു​പ്പു ക​ല്ലി​ലും മ​റ്റും ചെ​ന്നി​രു​ന്ന് ബാ​ങ്കി​നാ​യി കാ​ത്തി​രി​ക്കും. ഈ ​സ​മ​യ​ത്ത് ബാ​ങ്കു​വി​ളി​ക്കാ​നു​ള്ള ത​യാ​റെ​ടു​പ്പോ​ടു​കൂ​ടി കൈ​യി​ൽ കാ​ര​ക്ക​യും സ​ർ​ബ​ത്ത് ഗ്ലാ​സും പി​ടി​ച്ച് മു​ക്രി ഉ​സ്താ​ദ് പ​ള്ളി​ക്ക​ക​ത്ത് ഉ​ലാ​ത്തു​ന്നു​ണ്ടാ​വും.

വാ​ച്ചി​ലെ സ​മ​യ​വും ക്ലോ​ക്കി​ലെ സ​മ​യ​വും മാ​റി​മാ​റി നോ​ക്കി മു​ക്രി ഉ​സ്താ​ദ് കാ​ര​ക്ക​യും തി​ന്ന് ബാ​ങ്കു​വി​ളി​ക്കും. പി​ന്നെ തി​ന്ന​ലും കു​ടി​ക്ക​ലും. എ​ല്ലാം ക​ഴി​ഞ്ഞ് പാ​ത്രം ക​ഴു​കി ​വെ​ക്കു​ന്ന​വ​ർ​ക്ക് ഒ​രു ഗ്ലാ​സ്​ സ​ർ​ബ​ത്തും ഒ​രു ചീ​ന്ത് കാ​ര​ക്ക​യും അ​ധി​ക​മാ​യി കി​ട്ടും. അ​തി​നു വേ​ണ്ടി​യും ചി​ല​പ്പോ​ൾ ഞ​ങ്ങ​ൾ മ​ത്സ​രി​ച്ചി​ട്ടു​ണ്ട്. മ​ഗ്​​രി​ബ് നി​സ്കാ​രം ക​ഴി​ഞ്ഞ് പി​ന്നെ വീ​ട്ടി​ലേ​ക്കു​ള്ള തി​രി​ച്ചോ​ട്ട​മാ​ണ്. ഉ​മ്മ ന​ല്ല ക​ഞ്ഞി​യും പ​ത്തി​രി​യും പാ​ത്ര​ത്തി​ൽ വെ​ച്ചി​ട്ടു​ണ്ടാ​വും.

എ​ന്തൊ​ക്കെ​യാ വാ​രി​വ​ലി​ച്ച് തി​ന്ന​ണ​മെ​ന്ന ആ​വേ​ശ​വും ആ​ർ​ത്തി​യും മ​ന​സ്സി​ലു​ണ്ടെ​ങ്കി​ലും അ​ൽപം മാ​ത്രം ക​ഴി​ക്കാ​നേ ക​ഴി​യൂ. അ​പ്പോ​ഴേ​ക്കും ഇ​ശാ ബാ​ങ്കി​നു സ​മ​യ​മ​ടു​ക്കും. റേ​ഡി​യോ​യി​ലു​ള്ള 7.25ന്റെ ​വാ​ർ​ത്ത തീ​ർ​ന്നാ​ൽ പി​ന്നെ ഉ​പ്പ നേ​രെ പ​ള്ളി​യി​ലേ​ക്ക് ന​ട​ക്കും. ഇ​ശാ ന​മ​സ്കാ​ര​വും സു​ന്ന​ത്ത് ന​മ​സ്കാ​ര​വും ക​ഴി​ഞ്ഞ് നേ​രി​യ ഇ​ട​വേ​ള​ക്ക്​ ശേ​ഷം ത​റാ​വീ​ഹ് ന​മ​സ്കാ​രം തു​ട​ങ്ങും. ഏ​ക​ദേ​ശം ഒ​രു​മ​ണി​ക്കൂ​റി​ൽ കൂ​ടു​ത​ൽ സ​മ​യം നീ​ണ്ടു​നി​ൽ​ക്കു​ന്ന ത​റാ​വീ​ഹ് ന​മ​സ്കാ​രം ക​ഴി​ഞ്ഞ് ഖ​ത്വീ​ബ് ഉ​സ്താ​ദി​ന്റെ പ്ര​ബോ​ധ​ന പ്ര​സം​ഗം തു​ട​ങ്ങും. പ്ര​സം​ഗാ​വ​സാ​നം പ​ള്ളി പ​രി​പാ​ല​ന​ത്തി​നു​ള്ള പി​രി​വ് ന​ട​ത്തും. പ​ല​രും വീ​ട്ടു​മു​റ്റ​ത്തോ തോ​ട്ട​ത്തി​ലോ ഉ​ള്ള ക​വു​ങ്ങോ തെ​ങ്ങോ ഓ​രോ എ​ണ്ണം പ​ള്ളി​ക്കു വേ​ണ്ടി ദാ​നം ചെ​യ്യും.

അ​തി​ൽ നി​ന്നും കി​ട്ടു​ന്ന വി​ള​വ് വ​ർ​ഷാ​വ​ർ​ഷം പ​ള്ളി​ക്ക് ല​ഭി​ക്കും. ചി​ല​ർ വ​ള​ർ​ത്തു​മൃ​ഗ​ങ്ങ​ളെ​യും ന​ൽ​കും. അ​വ​സാ​നം ഹൃ​ദ​യ​സ്പ​ർ​ശി​യാ​യ പ്രാ​ർ​ഥ​ന​യോ​ടെ പി​രി​യും.