നാരായണി ടീച്ചർ നടക്കുകയാണ് കുഞ്ഞുങ്ങൾക്ക് അറിവ് പകരാൻ

ചെ​റു​വ​ത്തൂ​രി​നും തൃ​ക്ക​രി​പ്പൂ​രി​നും ഇ​ട​യി​ൽ ക​ഴി​ഞ്ഞ അ​ര​നൂ​റ്റാ​ണ്ട് കാ​ല​മാ​യി നാ​രാ​യ​ണി ടീ​ച്ച​ർ ന​ട​ക്കു​ന്നു​ണ്ട്; കു​ഞ്ഞു​ങ്ങ​ൾ​ക്ക് അ​റി​വ് പ​ക​രാ​ൻ. ദി​വ​സം 25 കി.​മീ ന​ട​ന്നാ​ണ് കു​ട്ടി​ക​ൾ​ക്ക​രി​കി​ൽ എ​ത്തു​ക. കോ​രി​ച്ചൊ​രി​യു​ന്ന മ​ഴ​യും ക​ത്തു​ന്ന വെ​യി​ലും ടീ​ച്ച​റു​ടെ ന​ട​ത്ത​ത്തി​നു മു​ന്നി​ൽ വ​ഴി​മാ​റി ന​ട​ക്കും. വീ​ടു​ക​ളി​ൽ നി​ന്ന് വീ​ടു​ക​ളി​ലേ​ക്കു​ള്ള ന​ട​ത്തം ഈ ​അ​റു​പ​ത്തി​യെ​ട്ടാം വ​യ​സ്സി​ലും തു​ട​രു​ന്നു.

നീ​ലേ​ശ്വ​ര​ത്ത് നി​ന്നും ചെ​റു​വ​ത്തൂ​രി​ൽ എ​ത്തി​യി​ട്ട് പ​തി​ന​ഞ്ച് വ​ർ​ഷ​ത്തോ​ള​മാ​യി. ഇ​പ്പോ​ൾ ചെ​മ്പ്ര കാ​ന​ത്താ​ണ് താ​മ​സം. പു​ല​ർ​ച്ചെ അ​ഞ്ചി​ന് കൈ​യി​ൽ ടോ​ർ​ച്ചു​മാ​യി തു​ട​ങ്ങു​ന്ന യാ​ത്ര സ​ന്ധ്യ​വ​രെ തു​ട​രും. ദേ​ശീ​യ​പാ​ത വ​ഴി മാ​ണി​യാ​ട്ടെ മൂ​ന്ന് വീ​ടു​ക​ളി​ലെ​ത്തി ട്യൂ​ഷ​നെ​ടു​ക്കും.​ഹി​ന്ദി​യും ഇം​ഗ്ലീ​ഷും ക​ണ​ക്കു​മാ​ണ് പ​ഠി​പ്പി​ക്കു​ന്ന വി​ഷ​യ​ങ്ങ​ൾ. കു​ട്ടി​ക​ൾ സ്കൂ​ളി​ലേ​ക്ക് യാ​ത്ര​യാ​യാ​ൽ നാ​രാ​യ​ണി ടീ​ച്ച​ർ മ​ട​ങ്ങും. ചെ​രു​പ്പി​ടാ​തെ​യാ​ണ് ന​ട​ത്തം.

ന​ട​ത്ത​ത്തി​നി​ട​യി​ൽ പ​രി​ച​യ​ക്കാ​രോ​ട് കു​ശ​ലം പ​റ​യാ​നും മ​ടി​ക്കി​ല്ല. ത​നി​ക്കും കി​ട​പ്പി​ലാ​യ ഭ​ർ​ത്താ​വ് എം.​കെ. ദാ​മോ​ദ​ര​നും വേ​ണ്ടി ഹോ​ട്ട​ലി​ൽ നി​ന്നും ര​ണ്ട് ഭ​ക്ഷ​ണം പാർസ​ൽ വാ​ങ്ങും.​വൈ​കീട്ട്​ ചെ​റു​വ​ത്തൂ​ർ കൊ​വ്വ​ൽ ഭാ​ഗ​ത്തേ​ക്ക് നീ​ങ്ങും.

കു​ടും​ബ​ത്തി​ന് അ​ത്താ​ണി​യാ​കാ​ൻ വേ​ണ്ടി പ​തി​ന​ഞ്ചാം വ​യ​സ്സി​ൽ തു​ട​ങ്ങി​യ​താ​ണ് ന​ട​ന്നു​ള്ള പ​ഠി​പ്പി​ക്ക​ൽ. ച​ല​ച്ചി​ത്ര ന​ടി കാ​വ്യാ മാ​ധ​വ​ൻ ആ​റാം ത​ര​ത്തി​ൽ പ​ഠി​ക്കു​മ്പോ​ൾ ടീ​ച്ച​റു​ടെ ശി​ഷ്യ​യാ​യി​രു​ന്നു. പ​ഠി​പ്പി​ച്ച പ​ല​രും ഉ​ദ്യോ​സ്ഥ​രാ​വു​ക​യും വി​ര​മി​ക്കു​ക​യും ചെ​യ്തി​ട്ടും നാ​രാ​യ​ണി ടീ​ച്ച​ർ പ​ഠി​പ്പി​ക്ക​ൽ അ​വ​സാ​നി​പ്പി​ച്ചി​ട്ടി​ല്ല.