തൃശൂർ: ഇന്ത്യൻ ഭരണഘടന ഒരു വ്യക്തിക്ക് നൽകുന്ന എല്ലാ അവകാശാധികാരങ്ങളും ഹാദിയക്ക് ലഭിക്കണമെന്ന് പ്രഫ. സാറാ ജോസഫ്. ഹാദിയയെ പിന്തുണച്ച് േഫസ് ബുക്കിൽ എഴുതിയ കുറിപ്പിലാണ് അവർ ഇക്കാര്യം അഭിപ്രായപ്പെട്ടത്. കഴിഞ്ഞ ദിവസം സുപ്രീംകോടതിയിൽ ഹാജരാക്കുന്നതിന് കൊണ്ടു പോവുന്നതിനിടെ നെടുമ്പാശ്ശേരിയിൽ വെച്ച് മാധ്യമ പ്രവർത്തകരോട് വിളിച്ച് പറഞ്ഞ സാഹചര്യത്തിലാണ് സാറാ ജോസഫിന്‍റെ പ്രതികരണം.
ഭർത്താവിനൊപ്പം ജീവിക്കാൻ മാത്രമാണ് തനിക്കിഷ്ടമെന്ന് വ്യക്തമായും ശക്തമായും ഹാദിയ ഉറക്കെ വിളിച്ച് പറഞ്ഞത് മതേതര ജനാധിപത്യ ഇന്ത്യയിലെ പൊതു സമൂഹത്തോടാണ്. ആരെയെങ്കിലും ഭയപ്പെട്ട് ആ പെൺകുട്ടി സത്യം മറച്ചുവെച്ചില്ല. തനിക്ക് ലോകത്തോട് പറയാനുള്ളത് പറയാൻ കിട്ടിയ സന്ദർഭം അവൾ കൃത്യമായി ഉപയോഗിച്ചു. മരണത്തേക്കാൾ ശക്തമാണ് പ്രണയമെന്നും അത് മനസ്സിലാക്കാൻ ജാതി മത കോമരങ്ങൾക്ക് കഴിവില്ലെന്നും സാറാ ജോസഫ് ഫേസ്ബുക്കിൽ കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.