മാണ്ഡ്യയിൽ പ്രത്യക്ഷപ്പെട്ട വി.ഡി. സവർക്കറുടെ ഫോട്ടോ ഉൾപ്പെട്ട ബോർഡ്
ബംഗളൂരു: 'ഭാരത് ജോഡോ യാത്ര' കർണാടകയിൽ പര്യടനം നടത്തുന്നതിനിടെ കോൺഗ്രസിന്‍റെ പേരിൽ ആർ.എസ്.എസ് ആചാര്യൻ വി.ഡി. സവർക്കറുടെ ഫോട്ടോയും ഉൾപ്പെട്ട ബോർഡ്. വ്യാഴാഴ്ച സോണിയ ഗാന്ധി പങ്കെടുത്ത പരിപാടി നടന്ന മാണ്ഡ്യയിലാണ് ബോർഡ് പ്രത്യക്ഷപ്പെട്ടത്. ബോർഡിൽ വലിയ രൂപത്തിലാണ് സവർക്കറുടെ ഫോട്ടോ ഉള്ളത്. തൊട്ടടുത്ത് രാഹുൽ ഗാന്ധിയുടെ ചിത്രവുമുണ്ട്.
ബോർഡിന്‍റെ താഴെ 'ശാന്തിനഗർ എം.എൽ.എ എൻ.എ. ഹാരിസ്' എന്ന് എഴുതിയിട്ടുമുണ്ട്. ഹാരിസിന്‍റെ ഫോട്ടോയും ഉണ്ട്. പി.സി.സി പ്രസിഡന്‍റ് ഡി.കെ. ശിവകുമാർ, പ്രതിപക്ഷ നേതാവ് സിദ്ധരാമയ്യ എന്നിവരുടെ ചിത്രങ്ങൾ മുകളിലായും ഉണ്ട്. എന്നാൽ, ബോർഡ് കോൺഗ്രസ് അല്ല സ്ഥാപിച്ചതെന്നും ഇതിനെതിരെ പൊലീസിൽ പരാതി നൽകുമെന്നും എൻ.എ. ഹാരിസ് എം.എൽ.എ പ്രതികരിച്ചു. ബോർഡിന് പിന്നിൽ ദുഷ്ടശക്തികളാണെന്നും ജോഡോ യാത്രയുടെ സ്വീകാര്യത കണ്ട് വിറളിപൂണ്ടവരാണ് ഇതിന് പിന്നിലെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.