കെ.എൻ.എസ്.എസ് സംഘടിപ്പിച്ച പൂക്കള മത്സരത്തിൽ ജേതാക്കൾ സമ്മാനം ഏറ്റുവാങ്ങുന്നു
ബംഗളൂരു: കർണാടക നായർ സർവിസ് സൊസൈറ്റി (കെ.എൻ.എസ്.എസ്) സംഘടിപ്പിച്ച ഇന്റർ കരയോഗം പൂക്കളമത്സരത്തിൽ മത്തിക്കരെ കരയോഗം ജേതാക്കളായി. സാറ്റലൈറ്റ് ടൗണിലുള്ള അംബേദ്‌കർ ഭവനിൽ സംഘടിപ്പിച്ച പൂക്കളമത്സരത്തിൽ ബംഗളൂരുവിൽനിന്നുള്ള 17 ടീമുകൾ പങ്കെടുത്തു.
രണ്ടാം സമ്മാനം കഴിഞ്ഞ വർഷത്തെ ജേതാക്കളായ ജയമഹൽ കരയോഗത്തിനും മൂന്നാം സമ്മാനത്തിന് എം.എസ് നഗർ കരയോഗവും അർഹരായി. യെലഹങ്ക, ദാസറഹള്ളി കരയോഗം ടീമുകൾ പ്രത്യേക പ്രോത്സാഹന സമ്മാനവും നേടി. വിജയികൾക്ക് ചെയർമാൻ രാമചന്ദ്രൻ പാലേരിയും ജനറൽ സെക്രട്ടറി ആർ. മനോഹര കുറുപ്പും ചേർന്ന് ട്രോഫിയും കാഷ് പ്രൈസും വിതരണം ചെയ്തു. ജോ.ട്രഷ സി. വേണുഗോപാൽ, ബോർഡ് അംഗം ജി.കെ. കുറുപ്പ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.